للعلم الدكتور دشتي هو ليس مجرد دكتور بل هو برفسور :)

اختي الغاليه انا قرأت هذه الكلمات منذ فتره طويله وهي معلومات ليست بالجديده بالنسبة لي ولكن هي مفيده جدا للبنات اللي هنا عشان يكونو على اطلاع ..

بالنسبة للرجيم الكيميائي اللي تكلمتي عنه .. مثل ما قالت اختي ليلو الحبوبة .. كل انسان على حسب طبيعه جسمه وبالنسبة للحليب انا انسانه ما اشرب الحليب بالايام العاديه لما اكون برى الرجيم .. يعني احيانا تمر علي 6 شهور بدون ما اشرب حليب او نسكافيه او شي بيه كالسيوم مثل الروب ومنتجات الالبان ..

ولما اسوي الرجيم ممكن اخذ حبوب كالسيوم عشان ما انظر .. وبالنسبة للخبز عادي ممكن الانسان يعيش بدون الحاجة للحبوب .. واللي يقول ان الحرق في الكيميائي يكون في العضل والسوائل اقول جذاب انا اروح اوزن بمحل فيه يوزنون الوزن وكم فيج دهن وجم فيج عضل في المقابل وزني النازل يكون دهون وسؤائل لكن مو بس سؤائل ..

المهم انا مقتنعه بالرجيم الكيميائي وما سويته الا لما تأكدت وسألت .. وانا بعد ادرس بالجامعه تخصص تغذية يعني انا مو ما عرف بالهسوالف ..

عموووما اختي شكرا لج .. وبالعمووم معلومتج صحيحه بالنسبة للسعرات لكن انا اقول ممكن اتنازل عن معدل السعرات لمده معينة .. وتبقى كلمة اخيرة ان الرجيم اي رجيم ممكن ما يناسب الكل وعشان جذي البعض يكون له مضاعفات كبيرة :::

بالنسبة للبيض على فكرة انا اكل بياض البيض بس :) عشان ما يكون عندي كولسترول وانا الحمد الله طبيعية وما فيني اي مرض الحمد الله :) تحياتي لج

تسلمون على المرور

أختي عيـون الكـلام
أنا سألت عن ها الدكتور وقالوا لي انه أستاذ في الجراحة وليس دكتور تغذية
ممكن هو قرأ عن التغذية الله اعلم لكن موضوعي هنا ليس لسرد سيرة الناس
موضوعي هنا عن أضرار الريجيم البروتيني
والغريب انج تدرسين تغذية وتمدحين ها النوع من الحميات
الانسان اللي دارس تغذية صح يعرف انه النشويات هي اللي تساعد على حرق الجسم وليس البروتينات
فغريب انج تكذبين ها الشي

وأنا مثل ما قلت ها الموضوع مدروس من قبل بحوث علمية طبية يعني الكلام اللي كتبته موب هباء منثورا
أدخلي اي مواقع لتغذية العالمية المعروفة وأبسط مثال الجمعية الامريكية للتغذية
بتشوفين نفس الكلام

وبعدين اشلون انتي تدرسين تغذية وما تسوين ريجيم لروحج بدل ما تسيرين عن دكتور تغذية
وبعدين الشخص اللي يدرس تغذية لازم يتمتع بصحة جيدة كي يستطيع اقناع الناس

أختي مد وجزر جزاج الله خير
وتسلمين على المرور

جزاكي الله خير

ماقصرتي يسلمو هالايدييييييين :)