بارك الله بكنّ وقرّ أعينكن

أمولا .. سمي خيتي

الشاورما الحاره :

-شاورما الوطنية الجاهز (حار) هنا
-في قلاية حطي شوي زيت زيتون وشوحيها لين تستوي وطفي عنها
-جهزي صوص الشاورما : شوي مايونيز+زبادي+ملح+ثوم+طحينه+ليمون حطي وذوقي
-جهزي مخلل خيار مقطع+خس+بطاطس وأفضّل يكون محمر بالفرن قطعيه شرايح رفيعه رشي عليه شوي زيت زيتون وشغلي عليه فوق وتحت ويصير زي المقلي
-ادهني القرصان أو خبز الشاورما أو المفرود بالصوص وثم شوي دجاج ومخلل وخس وبطاطس وشوي صوص عليهم ولفيها بورق الزيت وذوقي أحلا وأسرع شاورما

*تحبين مايونيز الثوم وتبين مايونيز زي حق المطاعم ؟جربي هذا بس سويه قبل بيوم أو يومين شرط


2 فص ثوم كبير
4 ملاعق زيت
ثلاث أرباع كاس ماء
3 ملاعق نشا
2 م ك مايونيز (اختياري بس يطلعه أفضل)
رشة ملح
عصرة ليمون

دقي الثوم مع شوي ملح وحطيه بالخلاط
حطي الما + النشا في قدر ع نار هاديه ذوبيه سوا وحطيه عالنار حركيه تقريبا 3 دقايق لين يصير متكتل وشفاف زي المهلبيه خليه يبرد شوي ثم اضيفيه بالخلاط
حطي 3 نقط ليمون تقريبا + 2 م ك مايونيز واضيفي 4 م ك زيت
وتقريبا نص بياله ماء واخلطي لين يتجانس معك واذا تحسينه ثقيل شوي اضيفي قليل من الماء

حطيه ببرطمان قزاز تقريبا يكفي علبه طويله متوسه إلى صغيره
حبذا تسوينه قبل بيوم وحطيه بالثلاجه لأن كل ماطول بالثلاجه صار أطعم



-مطبق بالجبن (المقادير تقديرية)

-طماطه متوسطة إلى صغيره
-1بصل صغير
-شبث لوموجود+كراث بس كثري
-ليمون - بيض تقريبا 2-3 +ملح +ثوم بودره +بهار مشكل +جبن سايل+شرايح مطبق

-في زبديه قطعي الكراث مربعات صغيره والطماط والبصل صغار مره وشوي شبث ولوتحبين كزبره شوي
-حطي ملح+البهار والثوم البودره+رشة ليمون+البيض وقلبي

-أسهل طريقة للف المطبق أنا ماأحبه يكون طبقات كثير
خذي شريحة مطبق ادهنيها بجبن ساايل وع حسب تحبين طعمه واضح كثري شوي أودهن بسيط
وممكن تحطين تشيدر أو شرايح اللي يعجبك
وثم تحطين من الخليط والخليط حاولي البيض مايكون كثير سايل لاتكثرين بيض من الاول انتبهي
-تحطين ع جهه من الشريحه مثلا يسار توزعينه بشكل طولي واصفطي اليمنى عليها تصير معك مستطيله وهكذا صفيهم عندك كمية أسهل لك
وشبي ع شوي زيت في القلاية أو الصاج وابدي حطي وع نار متوسطة إلى هادية لين يتشقر معك واضغطي عليهم شوي بالمغرفه المسطحة وقلبيه لين يستوي وصفيهم في صحن فوق بعض وحطيهم بالفرن عشان مايبرد

وهكذا كل ماجيتي بتحطين كم وحدة رشة زيت عالمقلى أو الصاج وقطعي معه ليمون وذوقي أحلا مطبق

لا والله محترفه ما شاء الله عليك والله يعطيك العافيه

الله يجزاك خير ويبارك فيك
ماقصرتي حبيبي

محترفه
ماشاء الله

ماشاء الله

تسلم ايدك