أطفال الأنابيب.....بنات الامارات

Dubai Pride • 18 سنة

UM_MAHRA :

والله..ما..عندي..فكرة.. بس..ان..شاء..الله..يارب..يا..كريم..يرزقج..بالذرية..الصالحه..وتفرحين..فيهم..يارب..

...

مرحبا فيج اختي .. أم عبووود ..

انا صار لي اتعالج في مركز دبي للاخصاب من 3 سنين .. وخاصة عند الكتورة حسنية قرقاش ..

جربت كثير من العيادات بس ما حسيت بالراحة الا في دبي للاخصاب .. والحمد لله ..

اولا الكتورة ما شاء الله عليها شاطرة .. ومواطنه .. والله كانت تحس فيني مب مساله فلوس وخلاص ..

سويت عندهم مرتين تلقيح صناعي .. وحملت في الثانية .. بس ما اكتمل الحمل ..

بعدين سويت طفل انابيب .. وحملت .. بس ما اكتمل الحمل .. لانه البويضات عندي ضعيفة ..

اختي .. صلي الاستخارة .. وان شاء الله اذا فيه خير لج .. الله بيسره ان شاء الله .. والخيرة في ما اختاره الله .. وتوكلي عليه .. هو مفرج الامور .. وعليك باخذ الاسباب ..

والله يوفقج ان شاء الله ..

أم عبووود • 18 سنة

UM_MAHRA ....مشكوره الغاليه على الدعاء والله ايسهل عليج ان شاء الله

==================================================

Dubai Pride ....فديتج والله....مشكوره الغاليه والله اني يوم قريت كلامج ارتحت...الله يرزقنا وياج يارب....

فطوم84 • 18 سنة

حبيبتي ابغي اعرف انتي شو فيج بالضبط يعني تاخر الحمل بسبب منج والا من زوجج

بلييييييز قولي لي

اترياج اوكيك

*الجوهرة* • 18 سنة

للرفع للاهمية

بنت مجرن • 18 سنة

حبيبتي .. أم عبوود ..
الله يسعدج و يطمن قلبج بشوفة عيالج يا كريم ..

أنا أتعالج خارج البلاد ..

ربيعتي اتعالجت في مستشفى نور عند الدكتور خليل الوفا .. ما شاء الله الدكتور ممتاز .. و النتائج بفضل الله تبشر بالخير .. و نتائج التلقيح ناجحة بنسبة كبيرة .. و هي حملت ما شاء الله و عندها ولد ..
أنصحج اتروحين عندهم .. عشان البعد ترى ما في مشلكة .. ممكن تاخذين الموعد العصر لو ما تقدرين الصبح ..

الله يرزقج و يرزقني و كل خواتي في المنتدى الذرية الصالحة .. آميييييييييييييييييين