مرحبا

انا تعاملت مع مركز دبي للاخصاب اللي في مستشفى راشد

و السبب مش مني ..المشكلة في الزورج
المهم سرت عندهم و قرر الدكتور عمل التلقيح المجهري

اولا اعطوني ابره قبل الدورة..علشان هاي الابرة بتتحكم في الهرمون اللي يساعد على التبويض (يعني تخفضه) علشان بعدين هم يتحكمون في التبويض ..و بعد علشان تكون بطانة الرحم رفيعة مب سميكه ..

المهم..وبعد ماجت الدورة من خامس يوم ابتدو يعطوني الابر العلاجية مع طبعا عمل التصوير بين فترة و اخرى (تقريبا استمريت على الابر 17 يوم)
و شاف الدكتور انه ماف تجاوب من الجسم للعلاج ..يعني المبيض ما طلع بويضات كثيره
بس ثلاث بويضات..بالتالي قرر انه يعملا التلقيح الصناعي ( يعني ادخال الحيوانات بواسطة انبوب الى الرحم )

و لكن ربي ما كتب لي احمل ..

و حاليا صارت لي بلاوي الله لا يراويكم بسبب الابر وبالاخص الابرةالاولى اللي كانت قبل الدورة

يعني صارت المصيبة مصيبتينين ( فيني و في زوجي )

حاليا الدور مش منتظمة بالمرةو متلعوزه وايد وياها
و الهرمونات اتلخبطت
و سرت كمن عياده ..

حالتي النفسية..الله لا يراويكم

لكن شواسوي ..امر الله

أشكر كل من اتجاوب ويايه ورد عليه....الصراحه ما قصرتن يا بنات البلاد
أتمنى الرزق للجميع....
بالنسبه للخوات اللي سألن عن سبب تأخر الحمل عندي فهو ضعف الحيوانات عند زوجي والحمدلله سويت فحوصات وأشعه من شهرين وطلعت سليمه
التلقيح جربته وكرهت حياتي بسببه كل يوم ابر وبلاوي والألم كان فضيع....صرت كبر الدرام من العلاجات اللي ما منها فايده غير المتن :10_8_11: