أعجبتني طريقة البنات في الدعاء المستجاب يوم الجمعه رررائع جربوها

أعجبتني طريقة البنات في الدعاء المستجاب يوم الجمعه رررائع جربوها

كانت لما رسبت في الرياضيات سنة 2 كلية انتو عارفين الدكاترة بعضهم ظالمين وبعضهم تصحيحهم مدري كيف يعني لما تنزل النتيجة خلاص مافي تغيير رسبتي يعني رسبتي انتهى الموضوع لكن سبحان الله فجأة قلت يابنات مالنا الا ندعي الله يمكن ربي ينجحنا لو بمعجزة هههههه جلسنا نضحك لان مستحيل الدكتورة دي تغير النتيجة لو على ايش خصوصا انهم علقو الاسماء ، قالت صحبتي فكرة ندعي يوم الجمعة يعني نمسك من ليلة الجمعة يعني الساعة 12 الين نهاية يوم الجمعة الساعة 12 (فهمتو عليا ) يابنات ابغاكم تستفيدو من دي الطريقة وتدعو لي لان يوم الجمعة فيه ساعة ربي يستجيب للعبد وطبعا حتقولو صعبة كيف كدا ؟ بسيطة مثلا ( فلانة 1 ) تمسك الـ 6 ساعات الاولى تجلسي بس تدعي تدعي فيها مثال : تبدأي تدعي من الساعة 12 ليلة الجمعة ، ادعي مرة وحدة وخلاص تضبطي المنبه على الساعة 1 ولما يرن تدعي نفس الدعاء مرة وحدة وهكذا ، انتهت الست ساعات تجي فلانة 2 وتكمل الدعاء في الست الجاية وهكذا احسن لك انتي واختك وامك تقسمو الساعات بينكم مثلا وتجلسو تدعو

تخيلو يابنات والله والله ان ربي نجحنا كلنا اولا الحينا بالدعاء ثاني يوم رحنا لرئيسة القسم كلمناها ان نص الدفعة رسبو قالت مايصير في خاطركم الا طيب وسبحان الله ماصدقت اني نجحت ...

شفتو كيف ربي ان قال لشيء كن فيكون والدعاء يغير القدر

ابغى الي تستفيد من طريقتي تدعي لي ان ربي يغنيني من فضله ويشفي امي واختي وصديقتي ويسعدني ويوفقني

صدقووني هو يوم تتعبي فيه وان ربي ما استجاب يمكن خير لكم تخيلو يابنات انا مرة كنا بنشد من البيت ننقل لبيت جديد انا من النوع الي احب البيوت الهاي دعيت مرة وقلت " يارب ارزقني بيت حلو وفخم وانا اتحمل المسؤولية حتى لو اضطريت ادفع الاجار من مكافأتي " >>>>ربي استجاب لدعوتي بعد الحاح شديد لكن ندمت بعدها اتفرتكت المكافأة كلها والبيت كان ايجاره مو قدنا اضطرينا ننقل منه مرة تانية يعني لو ربي ما استجاب لكم ثقو تمام الثقة انه خير لكِ
عشان كدا لما تدعي لازم تقولي يارب لو فيه خير ليا حقق لي هذا الشيء انا اتعلمت من دا الدرس

شورايكم ندعي لبعض نقسم يوم الجمعة وندعي

ونشوف اذا في حد بيشاركنا عسب نوزع الساعات علينا

وندعي لبعض من خاطرنا بكل اللي نتمناه وكل شي بيكون ع الخاص




لا تنسون تضمنوني ضمن دعائكم