أعطوني برنامج غذاي صحي يومي فطور وغداوعشاء يحتوي ع فيتامينات يعطي نظار

فيتامين د الافضل انك ترفعينه لمستواه الطبيعي بالعلاج ثم تبدأين بالمحافظه عليه بالاكل
فيتامين د تقدرين تاخذينه من الصيدليه اسمه فيدروب العلبه الوحده بأقل من 8 ريال خذي 8 علب واحفظيها بالثلاجه
ولمدة 6 أسابيع اشربي كل اسبوع قاروره كامله مع نص كوب عصير او مويه .
والعلبتين اللي بقت استخدمي اول علبه كل اسبوع نص القاروره والعلبه الثانيه انتي حره في استخدامها اما تستمرين على نص القاروره اسبوعياً او بالنقاط او بالملم
ومعروف ان فيتامين د مصدره الشمس يعني تتشمسين الصباح او العصر مع كشف اكبر قدر ممكن من الجسم .
والاطعمه اللي فيها نسبة فيتامين د افضلها الحليب السائل او البودره المدعم مع كورن فليكـس والتونه والفطر والبيض بنسبه بسيطه
اما بخصوص نضارة البشره وافضل طريقه للفيتامينات اللي تفيد البشره والشعر هو المشروب الاخضر
طريقته انك تجمعين عدة انواع ورقيات خضراء وتطحنينها وتشربينه الصباح بعد ماتاكلين فطور شي بسيط خفيف
بالخلاط حطي هذي المكونات مع ربع او نص كاس مويه بارده
نص كوب سبانخ أو جرجير او كلها مع بعض
نص كوب بقدونس
نص كوب كرفس او كراث
نص تفاحة
نص ليمونة
خيارة
جزره
قطعة زنجبيل بحجم اصبع الابهام تقريبا
اذا متوفر عندك بذور الكتان اضيفي ملعقه صغيره واذا غير متوفر مو مشكله
طبعاً تقدرين تضيفين اي فاكهه اضافيه تحسن المذاق مثل اناناس برتقال اوراق نعناع كلها اختياريه
وبعد ماتضربينه بالخلاط اشربيه بشرط انك تمتنعين عن الكافيين قبل وبعد هذا المشروب بساعتين عشان كذا الافضل تشربينه وقت الفطور تكونين ما شربتي ولا اكلتي من ساعات
تشربين المشروب وبعد ساعتين براحتك مسموح تشربين قهوه وشاي وشوكلاته
الهدف من الامتناع عن الكافيين ان الجسم يستفيد من الحديد اللي في المشروب
واغلب اللي جربو هذا المشروب يمدحونه كثير وانهم لاحظو الترطيب والنضاره والحيويه والنشاط وراح منهم الخمول والاجهاد

الله يسعدك ياقلبي لك دعوه مني جدمشكوره

نصيحتي لك اجلسي يوميا فالشمس مدة ربع ساعة واكشفي يديك ورجولك وراسك... لازم اشعة الشمس تكون مباشرة ما تكون ورا الزجاج النافذة مثلا.... منقوع التين يوميا ع الريق وبتلاحظي الفرق باذن الله

بالنسبة للوجبات الصحية دخلي الخضار ف كل وجباتك وقللي منتجات الالبان كثر ما تقدري وقللي الدجاج واللحوم والسكريات

حتى مناعتك بتقوى

الله يسعدكم شكرًا إنكم رديتوبس التين مااحبه الشمس اطلع مرات صباح بس مافي فايده احس بدوخه ورجولي توجعني