بكتب لك قصص من ناس ثقه ..والله يجعل أجرها لهم ..
وحده إخت زوجها تتفق مع ضرتها على أذيتها وعاملين بيتها مقر فعاليات ..وبناتها خدم لهم ..
لو قصرت هي أو بناتها بخدمتهم جا الزوج ويضرب ضرب مجنون ..
وبدون رحمه ولاخوف ..
هذاك اليوم تبلوا على زوجته بشي وجا يضربها وهي أصلا ماتقدر تدفع عن نفسها مريضه ..ولا بنتها تقول الله يعطيها مصيبة تجلسها في بيتها ولا نشوفها ..تقصد عمتها إخت أبوها
وفعلا ..زوجها مات بنفس الليله وفجأه ..وجلست في بيتها حداد
وبعده إنكسرت وكثرت همومها ..كان هو اللي عازها ومشيخها ..وبعده صارت لها مشاكل ... تكسر


وحده كانت معنا هنا سبحان الله جالها مرض سرطان الدم ودخلت المستشفى وكيماوي وتساقط شعرها ..وكانت خلفتها بنات حسب مااتذكر
وجت لها قريبتها تكرهها ..وشمتانه وتقول كيف ومتى بتجيبين ولد وزوجها يسمع
سبحان الله سافرت وتعالجت وطابت الحمدلله ..وهذيك مرضت بالسرطان ...ونااااااااامت بنفس القسم ..متخيلين
وزارتها صديقتنا وتذكرت الموقف ..وتبدل الأدوار وتوفت هالحرمه لاحول ولاقوة إلا باالله
بعد تبون قصص وحده تتشمت بقريبتها وتقول ليش بنتك عنست ماتزوجت ..شوفي بنتي اصغر منها وتزوجت ومعها عيال ..مااأنسى الموقف ونظرة الإستعلاء والشماته
بنت قريبتها تخرجت وتوظفت وتزوجت وأنجبت وباقي خواتها بعدها كلهم توفقوا
وبنات الشمتانه جلسوا .. وكانت قلقانه من عنوستهم
عندي قصص صارت معي أنا ...وهذي لي 🌹
صرت أرحم الظالم أكثر من المظلوم ...لأنه ظلم نفسه
...طيب قصة وحده تبلت على قريبتها إنها على علاقة حرام ..ونشرت هالموضوع حتى قالوا ولدها ولد حرام
وساعدتها أمها ..سبحان الله زوجها وقف معها وإنتقم لها وجاب حقها
اللي اتهموها جالهم سرطان وحده ورى وحده ..اللي اتوفت واللي لازالت تتعالج ..وتطلب الدعاء ..
بنات القصص هذي ثقه ...انتبهوا من الظلم
لاتتهمون ...لاتكذبون ...لاتبهتون أحد ..لاتسعون بقطيعه
والله لولا تكذيب بعضكم للقصص كنت أكتب لكم ومن الواقع أشياء
كأنها خيال ..
سبحااان الله دعوات مظلومين وتحققت ..أو هي عدالة ونزلت
شي إحترت فيه لكن سبحانك يااالله ماأعظمك

بقولك قصه
وحده تزوجت وعريسها شافه ليلة دخله قام قال شينه ماابيها قعد معها شهر وطلقها والكل درى سبب طلاقها
وهي حملت منه
بعدها بفترة تزوج وحده اجنبية يوم جات المطار شافته جنت قالت ماابيه يخوف ابي ارجع بلدي وفعلا الزواج ماتم ورجعت

وفي بعد قصة قريبتي
وحده كانت تروح الرياض دايم وتقول انتم وراكم مكتومين هني بس عاد خواتي وبنات خالتي الكبار مايسكتون لها لانها كبرهم وهي دايم نفس السالفة مساكين ماتروحون الرياض بلابلابلا
الحين هي تزوجت وسكنت بنفس منطقتنا لكن زوجها مايطلعها ابدددد بس لاهله ولاتطول ولاسفر ولاشي كل شي ممنوع
عاد اخواتي وبنات خالتي يقولون من لسانه لكن انا تحزني اتمنى زوجه يتغيرر الله يفرج همه وهمنا يارب

ياسلام ياقصصكم فعلاً الحذر الحذر من الظلم
فإن عاقبته وخيمه
وترى ربي والله اعلم يغفر الذنوب الا حق العباد
ماينغفر الا اذا صاحب المظلمه عفا عنك
قد سمعت ذالك فساااااارعووووا بطلب العفو
والسماح ممن ظلتوا خافوا من الله

ري عوضني عوض اجمل من النصر جبر خاطري بعد ماكان حزين ومكسور
انتظر قدرة الله وعجائبه فيهم يارب
بس فعلا مقولة كما تدين تدان والدنيا دواره حوبة المظلوم توصل لو بعد سنين