السلام عليكم ورحمة الله وبركاته
اخواتي أنا من المهتمات جدا بموضوع الرياضة والتمارين الرياضية والأجهزة الرياضية
سار لي فترة طويلة أقرأ وأسأل وأجمع معلومات صحيحة عن الرياضة
في طريقة معينة يفترض إننا نمشي عليها لمن نبدأ رياضة
في معلومات مهمة لازم نعرفها قبل ما نفكر نسوي رياضة
الرياضة مو تخبيص ولعب وأي كلام أي وقت بدون معرفة قواعد الرياضة وأسسها
طيب
حابة تنحفي بشكل صح
أول درس لازم تعرفيه إنو عشان تحرقي الدهون في جسمك لازم تقوي عضلات في مكان الدهون
مثلا حابة تحرقي دهون البطن إذا قوي العضلات في منطقة البطن
في الفخذ نفس الكلام
تقوية العضلات مو زي ما الكل فاهم يعني رح تسيري زي الرجال
أصلا الحرمة ما رح تسير زي عضلات الرجل إلا لمن تسوي تمارين حديد ورفع أوزان ثقيلة جدا + تآخذ بروتين
غير كدا ما رح يسير عندك عضلات أبدا
فقط مع الطريقة الصح لبناء عضلات الجسم الضعيفة رح تقوى العضلات وتبدأ العضلة بحرق الدهون
الدرس التاني : الكلام العلمي انو نفقص كيلو واحد من الدهون أو 2 - 3 للي أوزانهم فوق 90 -100 في الاسبوع - بالنسبة لهم فقط أول ما يبدأو ريجيم -
هو الصح لأنو من الدهون ولأنو نقصتي بشويا شويا ولأنو ما رح يرجع بسرعة
يعني كيلو كل اسبوع من الدهون أحسن من 2 كيلو من السوايل والعضلات ولمن تخلصي تلقي نفسك متعبة منهكة والوزن يرجع على طول بعد ترك الريجيم
يعني مو زي ما الحريم مفكرين فجأة كدا بقدرة قادر في يوم نقصت كيلو
وهي وزنها مو كبير يعني من 70 ونازل
مستحيل رح يكون كيلو سوائل
فوائد التمارين الرياضية عموما :
1. زيادة حرق السعرات الحرارية .
2. زيادة عملية البناء والهدم .
3.تحويل أنسجة الدهون إلى أنسجة عضلات .
4.خفض الضغط.
5. خفض الدهون والكولسترول السيء وزيادة الكولسترول الجيد .
6.تنشيط الدورة الدموية .
الفوائد النفسية :
1. تحسين المزاج .
2. تقليل الضغط النفسي .
3. زيادة الثقة في النفس .
ومعروف إن الجسم بعد الانتهاء من الرياضة يفرز هومون الاندورفين وهو هرمون الراحة والسعادة .
فوائد أخرى :
1. زيادة قوة وثبات العضلات .
2. زيادة قوة العظام .
3. تحسين الجهاز الهضمي .
4. تساعد على النوم والاسترخاء.
5.تقوية الجهاز المناعي .
المهم
دي طريقة كل وحدة ممكن تستفيد منها وتدعي لي أنحف وأتعافى من مرضي
جدا رح تشكروني لو مشيتو عليها صح ولمدة فترة تخفيف الوزن
ترجمتو لكم من موقع متخصص قي الرايضة باللغة الانجليزية
جدولك الرياضي
يوم السبت : تمارين كارديو = مشي او أوربت تراك او دراجة - مدة 30 - 40 دقيقة زي ما سبق وشرحت
يوم الأحد : تمارين تمطيط الجسم + تمارين الجزء العلوي من الجسم صدر ظهر زنود + 20 دقيقة كاريدو = ساعة كلهم مع بعض
يوم الاتنين : راحة
ودا مهم جدااااااااااااااااااا لأنو العضلات ما تنبى وتقوى إلا وقت أيام الراحة ووقت النوم لازم يكون 8 ساعات كل يوم
عشان تقوى العضلات ...
يوم الثلاثاء : تمارين تمطيط + تمارين الجزء السفلي من الجسم + 20 دقيقة كاريدو = ساعة كلهم مع بعض
يوم الأربعاء : كاريدو = مشي او أوربت تراك او دراجة - 30 - 40 دقيقة
يوم الخميس : تمارين تمطيط + تمارين الجسم كله + 20 دقية كاريدو
يوم الجمعة : راحة
الطريقة الصحيحة في بدأ التمارين الرياضية ودا كلام د. أمل كنانة
10 دقايق تحمية بشكل بطيء يعني لو تمشي يكون مشي عادي لو أوربت تراك يكون بطيء
بعدها 20 دقيقة بشكل معتدل يعني مو السرعة في التمرين كل مرة هي اللي رح تنحفك
عمل التمرين بشكل صح هو اللي رح ينحفك ويقوي عضلات بعد امر الله طبعا ..
أفضل وقت للتمارين من الصبح لبعد العصر ...
لا تشربي مويا مع التمارين لأنو رح يؤدي إلى عدم توازن المعادن في الجسم
بس لو بتسوي ساعة تمارين تشربي بعدها نص كاسة مويا ..
لا تسوي تمارين بعد الأكل مباشرة
لازم تكون أقل شي بعد ساعة من الأكل عشان الجهاز الهضمي يشتغل صح
وبعد التمارين كمان ما ناكل على طول بعدها عشان الجسم يحرق الدهون المخرنة
بعد ساعة كلي
الدعوة مو تمرين واحد نعلق عليه ولا شي واحد نسويه شهرين تلانة عشرة
بعدين نحفنا نترك الرياضة وننساها
غللللللللللللللط
خلاص الحمد لله وصلتي للوزن المثالي
تيسر التمارين أو الرياضة فقط 3 مرات في الاسبوع
يعني الرياضة والتمارين نظام حياة
مو فترة وبس ..
أتمنى إنكم استفدتو من كلامي وخلاصة تجربتي وقرائتي وادعو لي
وكل وحدة تسوي جدولها الرياضي الخاص وتطبعو وتعلقو قدامها في مكان تشوفو كل يوم
انتي مع الطريقة الصح للرياضة ونظام غذائي 1400 - 1500 سعرة للي وزنهم 60 وفوق
رح تنقصي من 3 - 4 كيلو