أنا جربت صالونة الدجاج .. وكانت لذيذة ... اللي مميزها طعم السماق ..

وجربت كرات اللحم لكن بدون الجبنة الرومي لأني ما حصلتها بالسوق فحطيت جبنة ثانية مكانها .. وأعتقد انه السر في هذه الجبنة لأنه بصراحة طلعت معاي مرة عادية زي أي كفتة ... فنصيحة اللي تبي تجربها تلتزم بالمقادير ..

كمان حلى عاشقة المستحيل جربته ... لكنني برضي لخبطت فيه ( ما أتوب ) ما سويت البسكوت طبقات لا .. رحت طحنته وعجنته بزبدة وخليته طبقة وحدة والخليط طبقة ثانية .. وبس ... طلع مرررررررررة دسم .. أحس يا عاشقة المستحيل انه ينقصه طعم .. يكون لأني ما التزمت بالتعليمات ؟؟ يا ريت تفيديني ..

جربت الرز الكابلي مع الكثير من التغييرات ( الطبع يغلب التطبع ) لكنه برضه طلع لذيذ وتسلمي يا بنت الغريبة ..

أختي أم دانة .. أش هي البابريكا ؟؟

جربت فطيرة الجبنة البيضاء ... لكنها ما ضبطت .. مدري ليش مع اني التزمت التعليمات هادي المرة .. يمكن من bp لأنه هو اللي كان طعمه واضح ومو لذيذ ..

في أطباق أخرى جربتها لكن ما أفتكر أسماءها ...

في طبق صينية الدجاج بالقشطة ... هادا أمس مسويته .. وكان لذيذ .. أنصحكم فيه ..

ايوة جربت حشوة البيف باستري بالدجاج .. وكانت كمان ناجحة ...

وفي أكلة عبارة عن عدة طبقات فيها تونة وزبادي ومايونيز وباذنجان وووووو ... ما ناسيتني بصراحة ..

أكثر الأطباق التي لم أنفذها كانت بسبب كثرة المقادير أو عدم توفرها أو استغراقها لوقت طويل ... أنا أحب الطبخات السريعة ..
محد جرب أطباقي ؟؟
اذا كان السؤال عن القشطة لي فالاجابة استخدمي أي قشطة .. لكن يفضل قشطة القيمر ..
في النهاية آسفة اذا كنت ابديت رأيي بطرقة غير لائقة .. أتمنى انه محد يزعل مني ..

هلا اختي / تــيــمــة


يسعدني مشاركتك معنا 0 ويعجبني اكثر إبداء رأيك بكل صراحه 0


لكن موضوعي عزيزتي هو ( افضل طبق بشهاده الجميع ) يعني ياليت تكتبين لنا الطبق الي تتقنينه انتي

ويكون ممتاز والكل يشهد لك بذلك 0


اماالاطباق المجربه فهذا موضوع خاص بالاخت الواسطية


بإمكانك ان تكتبي فيه عن الاطباق الي جربتيها

وإبداء رأيك 0 عن طريق هذا الرابط اضغطي هنا

انتظر مشاركتك يا عسل


تقبلي تحياتي

عزيزتي أم الفزعات .. اللي فهمته من ردودك على الأخوات انهم يجربوا ويخبروك ...

أما عن طبقي فأنا حطيته من أول نسيت ولا ايه ؟؟

على العموم راح أنسخ الرد وأحطه في الموضوع التاني .. ولا يهمك ..

مرحبا اخواتي عضوات المنتدى بصراحه الموضوع أكثر من رائع الله يوفقك اختي ((ام الفزعات جات)) على ماتبدلينه من جهد وجميع من شارك في هذا الموضوع ................:26:
(((عجينة الكروسون)))
المقادير: لازم نلتزم فيها بدون زيادة او نقصان
4كاسات دقيق -- 2م ص خميرة فوريه -- 1علبه حليب السعوديه صغير --2م ص سكر -- 1ونصف اصباع زبدة
2 بيض .
الطريقه:
نضع الدقيق في زبديه ونسيح الزبده ونضعها عليه والحليب الخميره والسكر والبيض ونعجنها باليد جيدا حتى تصبح مثل اللبانه (((العجينه لينه ورائعه عند العجن))) نتركها لمدة نصف ساعه حتى تخمر

مقادير الحشوة :: جبنه مع زيتون او زعتر او زيتون ((اي حشوه متوفره لديك))
نأخذ نصف مقدار العجينه ونفرده بالفراده على شكل دائري ثم من منتصف الدائره نعمل نقطه ونبداء نقطعها مثلثاث
((((( زي بيتزا هت عندما يقطع البيتزا مثلثاث)))))
ونبداء نضع الحشوه من الجهه الكبيره ونلفها حتى نصل للاخير حتى تنتهي الكميه الموجودة عندك ثم نضععها في صينيه مدهونه زيت ونمسح الكروسون باللحليب من فوق لان البيض يعمل ريحه ونزينه بحبة البركه او السمسم
نشعل الفرن من تحت اول حتى يحمر ثم من فوق حى يصبح ذهبي اللون

وبالهناء والعافية
:cook:

وهذه طريقه صينية خضار مرررررررررررررررره لذيذه وسريعه .. اذا احد جاك على غفله ..
المقادير :
1 كيس خضار مشكله العملاق او اي نوع --- نصف دجاجه مسلوقه ومقطعه صغار --- حبه بصله مفرومه ---
حبه كرنب وسط مفرومه شرائح خفيفه --- 3حبات فلفل رومي مقطع طوال --- 1جبنه بوك وسط ---2ملعقه مايونيز
1علبه قشطة التاج --- ملح - فلفل اسود - ماجي - ثوم --كيس جبنه ملزريلا .

الطريقه :
نضع البصله مع الزيت على النار حتى تحمر ثم نضع عليها الثوم والملح والفلفل الاسود والماجي والخضار المشكله
ونحمسها على النار قليلا ثم نضع الفلفل الرومي والكرنب ونتركه ايضا قليلا على النار حتى لايخرج ماء الكرنب
ثم نضع عليه القشطه والمايونيز والجبنه بوك ونقلبها جيدا حتى يتجانس الخليط ثم نضعه في صينيه بايركس كبيره
ونتركه لمدة نصف ساعه في الفرن ثم نخرجها ونضع على الوجه جبنه مازريلا وندخلها الفرن مره اخرى
حتى تذوب وتحمر الجبنه ....... وبالهناء والعافيه...........

لا تفوتكم لازم تعملوها تراها مرررررررره لذيذه