انا احس التقديم على حسب الناس فيه ناس بسيطه اكون بسيطه معهم عشان ماينفرون مني وفيه ناس متكلفه اتكلف معهم عشان مايجي علي كلام بس بعض الناس اخذ ان البساطه هي العجز يعني تروحين لها تجيب نوع تمر مع نوع حلى من برى من محل عادي جدا يعني ماينوكل وشاهي ساده بدون شي والعشاء من برى وينحط بقصديره مع السلطه الي معاه المطحونه وتتكلف شوي وتجيب لبن او بيبسي واحيانا نوع فاكهه وتقول البساطه زينه
والي يقولون الناس ماجت تاكل عندي الا الناس اذا طلعوا من بيوتهم يشتهون ياكلون مع الجمعه لكن اذا شفتي الوضع بسيط جدا تنسد نفسك .وهذا رائي .

هلا وغلا بأم يحيى

من طول الغيبات جاب الغنايم

موضوع رائع كروعة صاحبته


صراحة اذا كانت العزيمة عندي او عند وحدة من جاراتي فلانحمل همها ابداً (ماشاء الله تبارك الله)

لانه هناك نوع من التعاون بيننا ولانكلف على صاحبة البيت ونجعلها تتكفل بالعزيمة

فالتي تتكفل بأن تكون العزيمة لديها يكفي عليها فرش سفرتها وترتيب الصحون والملاعق

والمناديل وترتيب البيت واعداد القهوة والشاي والعصائر ونوع واحد حلى عشاء والطبق الرئيسي

ونحن نتكفل بالباقي من سلطات وحلى قهوة وتمر وبكذا نكون وفرنا عليها وتعاونا مع بعض

وانبسطنا وكل عزيمة نتبع نفس الاسلوب


ولو وحدة فينا عازمة اهلها او اهل زوجها او ضيوف غيرنا نتعاون معها بما نستطيعه

من حلى عشاء وسلطات


وكل وحدة تتكفل بشي

والحمدلله الله يديمها علينا من نعمة

احلى شي انه مانتكلف حتى في لبسنا وزينتنا يعني بساطة لابعد حد لانه الغرض من الجمعة هم الترويح عن النفس

وعلى فكرة عندنا جمعتين

جمعة يكون فيها الاطفال عشان ينبسطوا
وجمعة ثانية من غيرهم

موضوعك رائع ومنطقي

وانا اشوف ان رضى الناس غايه لا تدرك يعني لو تحطين الي تحطين

ما يملى عينهم شي

الصراحة انا مثلك احب البساطة في كل شئ..وحتى لو عندي خدامة..احس نوع واحد حلى مع القهوة كافي..واحيانا يكفي التمر مع شوكولاته موجوده عندي او معمول تمر جاهز مثل انوش وحلواني...وانا من النوع اللي اتضايق من كثرة الحلويات مع القهوة..وغالبا اكتفي بالتمر اصح,,هالحلا كله زبدة وسكر..لا وكلهم تلاقينهم يسوون ريحيم..

ومع الشاي مكسرات وبس.وممكن لو خواتي وامون عليهم اجيب شيبس ليز او برنجلز..

العصير هذا عمرنا ماقدمناه ولا اتقدم لنا الا في زيارات النفاس ويكون مافيها عشاء...

العشاء اذا اهلي او اهل زوجي ..يعني مو دورية ممكن العشاء يكون بيتزا..او فول ونواشف او سليق مع سلطته ودجاج او مكرونة..طبق واحد رئيسي وسلطة..
لكن لو دورية كبيرة شوي غالبا الرز يكون من برى..اسوي نوعين سلطة..وفواكه..ومشروب غازي او عصير جاهز..وبس انا ضد الحلا مع العشاء..خلاص حلو مع القهوة يكفي..انتفخت العالم من هالحلويات..
والفاكهة افود واصح..

والحمد لله عمر احد ما زعل والا قال ماقام بواجبي..الناس ماجت تأكل جاية صلة رحم وتغيير جو..وتبي تسولف وتنبسط..

بس اللي يكسر الظهر المواعين..خصوصا اذا محد عاونك عليها..وتنظيف البيت قبل وبعد..يعني احس اني لي خلصت من التنظيف وتجهيز القهوة والشاي والمواعين..ولبست عيالي الاقي نفسي تعبانه..شلون عاد اطبخ وانفخ وانع..كان انسدح عند الضيوف اذا جوا..
بس غاليا انا انظف البيت عقبهم من بكره..لاني بنفس اليوم يادوب انظف المطبخ وخلاص بنزيني طافي..

والله يا قلبي يرجع لشخصية الوحده .. انا عن نفسى افضل اقدم العصير .. مو فشخره لكن لما نكون ننتظر الواصلين مو منطق ان اللى جايه بدرى ما تشرب شى .. احسها مو عدله .. لما يجتمعون نحط القهوه ..

بالنسبه للحلا افضل يكون نوعين او 3 .. برضوه ارضاء للذوق العام .. يعنى ممكن وحده ما تاكل التشيز كيك .. ولا تاكل الدونات او اى صنف انا مسويته .. تتفرج علينا ؟

حتى العشا .. احبه يكون متنوع .. ما تدرين عن الناس ممكن وحده ما تاكل اللحم او وحده ما تاكل الدجاج .. وانا لما اعزم احد ابى اكرمه مو علشان يقول حطت وشالت لا .. لانى احبه وابيه يكون مبسوط .. وعلى فكره انا نادر اعزم احد لانى ما اعرف احد بالمنطقه اللى انا ساكنه فيها ..