أبغى هدوء :

السلام عليكم ورحمة الله وبركاته,, هلا والله ومسهلا بكل اللي يويتزن على مويضيعي ذيااااا<<<ماتحب تتمصلح أبد:30: هذا الله يسلمكن الأسبوع الجاي عندي يوم الأم الزائرة لمدرسة بنتي,, بنتي في تمهيدي ترى<<<<احلفي:22: الموووووهيييييييم عاد أنا والله بطاريتي فاضيه وودي بشي مميز أسويه في هاليوم,, تخبرون بنيتي وودي أفرحها وماودي أكسر خويطر هالضعيفه<<<ماتستعطف أبد هع عاد اللي عندها فكرة زينة وجديدة تبطحها في هذا الله لايهينها وتبشر بالدعاوي الزينه:22: وأنا أخبركن يابنات حواء ماهنا بأحسن من فزعتكن بشهادة الكل<<<تدهن سير:30: يالله عاد صفن طابور وبالدور كبكبن اللي في خاطركن كله,, لاتستحن ترى أنا حليله وماأخالف كلش كبوووووووه في هذا,,:22: أنا أبروح أخلص شغلي وأجي أشوف الحلوات اللي بيفزعن معي وش عندهن من العلوم السنعه:22: الله يسعدكن وينور عقيلاتكن عشان تساعدني<<<حتى في الدعوة مصالح هع

السلام عليكم ورحمة الله وبركاته,, هلا والله ومسهلا بكل اللي يويتزن على مويضيعي...

غدوووري :

وعليكم السلام ورحمه الله وبركاته هلالالا وغلالا يازين سواليفك شوفي ياقلبي انا يوم كنت ام زائره ............... سويت يوم الطباخات الصغيرات تعالي اقولك وشلوووووووووووون اول شي بعد التحيه والتعارف قلت لهم قصه عن الاكل __ بحكم الطبخ وبعدين وزعت عليهم طواقي ومريلات طباخين ووزعت عليهم استكارات فيها فواكه وخضار وقلت لهم كل وحده تزين طاقيتها واللي تخلص تلبسها وجلسوا نص ساعه يزينون ويدهرون وسويت لهم بالكراسه الملونه اشكال فواكه وخضار وخليتها على شكل سلسال وبعدين جبت سله مليانه فواكه وخضار بلاستيكيه..وخليت كل وحده تاخذ فاكهه نفس سلسالها وطبعا بنتي توزع الفواكه وتساعديني وانواع الحماس...واخر شي قلت لهم رجعوا الفواكه اللي اخذتوها معكم لسله .... وقلت لهم هذي السله هديه من بنتي للفصل وحطيتها في قسم الاركان وجبت لهم كيك وعصير وحطينا سفره واكلوا واكلت انا والمعلمه معهم ووزعت عليهم بالونات ملونه اهم شي كااااااااااااااان اليوم سعة صدر..وبنيتي استانست تحياتي

وعليكم السلام ورحمه الله وبركاته هلالالا وغلالا يازين سواليفك شوفي ياقلبي انا يوم كنت ام...

غدوووري :

غريييييييييييييييبه !!!!!!!!!!

غريييييييييييييييبه !!!!!!!!!!

طخومه :

انا بما ان ولدي صرت ام زائره خمس مرات معه ابعلمك بعض افكاري يوم كان بروضه اول جبت لهم تيشيرتات بيضاء ساده اذكر شريتها على عشره ريال وجبت الوان قماش زي الاقلام سهل الرسم فيهاا وصرت ارسم لهم على التيشيرتات كل واحد وش يبي الي يبي سمكه والي اسد والي حصان ورسم خرابيط مو صاحي مره فرحو فيها وكنت جايبه لهم دونات وعصير وملابس ولدي يوم كان صغير وصوره وهو صغير لين كبر اجيبها في كل ام زائره اسويه غثيتهم فيها خخخخخخخخخخ ويوم صار تمهيدي جبت لهم الورق الي ينحط تحت الكاس وجبت اكياس صغيره قد الكف من الصناعات الوطنيه وحطيت في كل كيس عينين وكوره صغيره صوف وسويت شكل فم بالجوخ وعصا زي حقت الدكاتره الي يكشفون بها على الحلق وكل هالاشياء تحصلينها بجرير الا ورق الكاس ووزعت عليهم الاكياس وخليتهم يسوون وجيه والعصا يلصقونه من تحت تصير زي المروحه الصغيره بشكل وجه وطبعا جبت غرا من ابو ريالين ووزعته عليهم وجب هديه لهم قصص وزعتها ويوم راح تمهيدي متقدم طبعا زي كل مره اغراضه وهو صغير وجبت اله بوبكورن وصلحت لهم قدامهم مره انبسطو عليها وكنت غيرت مدرسته ومدرسته هاذي ممنوع نظام الهدايا الهديه تكون للفصل وجبت لهم مايك من التعليم المبكر وخليت كل واحد يتكلم فيه شوي عن نفسه ومقابلات حسيت كاني ماما انيسه بس مره انبسطو وطبعا جبت لهم فطور بيتزااا وعصير والبيتزا انا مسويته صغار مره عجبتهم يوم راح اولى ابتدائي جبت لهم كب كيك من التميمي شوكلاته وفانيليا وجبت لهم كريمه بيتي كروكي شوكلاته وفراوله وفانيليا وجبت زينه الكيك ووزعت عليهم الكيك وصفو طابور كل واحد يجي يزين كيكته بنفسه يحط عليها الكريم وزينه الكيك وهاذي مره سهله وتعجبهم والهديه جبت لهم من المثلث الاكياس الي يدخلون فيها رجولهم وينطون وطلعنا حوش المدرسه ولعبناهم فيها يوم صار ثاني وهاذي اخر سنه صرت عاد مليت من الام الزائره وهم كبروو فاحترت كثير وش اسوي هديه الفصل كانت كوره كاس العالم فرحو فيهااااا مرررررررره وبرايه كهربائيه لان المعلمه تقول ذبحوني في بري الاقلام وصارت اسهل ومره عجبت المعلمه والاكل كنت جايبه هت دوق من فرسان طبعا فريش وطازه وطعمه يجنن وسلقته في البيت سلق وديت معي اله الهت دوق شكلها يجنن زي حقت المطاعم شاريتها من ساكو وحطيت الهت دوق عليها طبعا مجرد تحميه لان الاله بطيئه مره عشان كذا سلقته في البيت وخليتهم يساعدوني وسوينا ساندوتشات هت دوق وبهنا والعافيه وفي كل مره طبعا لازم اتكلم عن ولدي واذكر لهم موقف طريف وصوره وملابسه وهو صغير هالسنه الحمد لله راح ثالث عند الرجال وماعاد فيه ام زائره اذا عجبتك افكاري ادعي لبنتي الله يشفيها تكفين ترى تكسرت اصابعي وانا اكتب

انا بما ان ولدي صرت ام زائره خمس مرات معه ابعلمك بعض افكاري يوم كان بروضه اول جبت لهم...

أبغى هدوء :

هلا وغلا ومرحبا ومسهلا بالسنع كله<<<موب لله:22: ماشاء الله عليتس ياطخووووومه,, والله إن عندتس أفكار رهيبه صراااااحه,, أستفدت منها كلها بدون استثناء,, عجبتني حيل فكرة التيشيرتات,, وبعد فكرة تزيين الكيك خطيييييرة,, بس فكرة الأكياس ماأستوعبتها!! مدري ماقدرت أتخيل كيف راح تكون؟ تحمليني غثيتتس,, وفكرة المايك روووووعه<<<بتاخذ اليوم كله كلش ودها تسويه:hahaha: ماأقول إلا الله يحفظتس ويخلي لتس عيالتس ويبارك لتس فيهم ويفرحتس بصلاحهم,, تعبتتس معي ياغلاي,, ويشهد ربي إني فرحت بها الردود اللي تثلج الصدر,, وبنيتتس ياقلبي عليها ماتشوف شر لابأس عليها طهور إن شاء الله وبإذن واحد أحد راح أدعي لها بصلاتي وبين الأذان والإقامة,, أسأل الله العظيم رب العرش العظيم أن يشفيها,, اللهم إني أسألك أن تشفي ابنة اختي طخومه وترفع مابها من ضر,, وأسألك اللهم أن تلبسها لباس الصحة والعافيه,, اللهم وأسألك أن تقر عيني والديها بها وبصلاحها,, وترزقهم الصبر واللجوء إليك,, اللهم آآآآآآآميـــن..

هلا وغلا ومرحبا ومسهلا بالسنع كله<<<موب لله:22: ماشاء الله عليتس...