فرحة2007 :

مسابقات هدايا في كيس كبير او وسط مليان العاب بلونات حلويات يودونها معهم للبيت مهرجه تجي هي وعدتها وتفرحهم وتوفر عليك التفكير هديه وحدهلكل طفله لكن عليها القيمه رسم على الوجه فراشات او ورد وهذي اكيد بيفرحون فيها والله اني مسويه بحث عن ها لموضوع ولا لقيت شئ من اسبوعين لاني كنت ام زائره لكن الله سهلها وافضل شئ انك تسالين بنتك وش تحب تجيب وتسوي وبكذا تفرح اكثر والي تستفيد الله الله بالدعوه الحلوه وخبرينا وش سويتي

مسابقات هدايا في كيس كبير او وسط مليان العاب بلونات حلويات يودونها معهم للبيت مهرجه تجي هي...

طخومه :

انا بما ان ولدي صرت ام زائره خمس مرات معه ابعلمك بعض افكاري يوم كان بروضه اول جبت لهم تيشيرتات بيضاء ساده اذكر شريتها على عشره ريال وجبت الوان قماش زي الاقلام سهل الرسم فيهاا وصرت ارسم لهم على التيشيرتات كل واحد وش يبي الي يبي سمكه والي اسد والي حصان ورسم خرابيط مو صاحي مره فرحو فيها وكنت جايبه لهم دونات وعصير وملابس ولدي يوم كان صغير وصوره وهو صغير لين كبر اجيبها في كل ام زائره اسويه غثيتهم فيها خخخخخخخخخخ ويوم صار تمهيدي جبت لهم الورق الي ينحط تحت الكاس وجبت اكياس صغيره قد الكف من الصناعات الوطنيه وحطيت في كل كيس عينين وكوره صغيره صوف وسويت شكل فم بالجوخ وعصا زي حقت الدكاتره الي يكشفون بها على الحلق وكل هالاشياء تحصلينها بجرير الا ورق الكاس ووزعت عليهم الاكياس وخليتهم يسوون وجيه والعصا يلصقونه من تحت تصير زي المروحه الصغيره بشكل وجه وطبعا جبت غرا من ابو ريالين ووزعته عليهم وجب هديه لهم قصص وزعتها ويوم راح تمهيدي متقدم طبعا زي كل مره اغراضه وهو صغير وجبت اله بوبكورن وصلحت لهم قدامهم مره انبسطو عليها وكنت غيرت مدرسته ومدرسته هاذي ممنوع نظام الهدايا الهديه تكون للفصل وجبت لهم مايك من التعليم المبكر وخليت كل واحد يتكلم فيه شوي عن نفسه ومقابلات حسيت كاني ماما انيسه بس مره انبسطو وطبعا جبت لهم فطور بيتزااا وعصير والبيتزا انا مسويته صغار مره عجبتهم يوم راح اولى ابتدائي جبت لهم كب كيك من التميمي شوكلاته وفانيليا وجبت لهم كريمه بيتي كروكي شوكلاته وفراوله وفانيليا وجبت زينه الكيك ووزعت عليهم الكيك وصفو طابور كل واحد يجي يزين كيكته بنفسه يحط عليها الكريم وزينه الكيك وهاذي مره سهله وتعجبهم والهديه جبت لهم من المثلث الاكياس الي يدخلون فيها رجولهم وينطون وطلعنا حوش المدرسه ولعبناهم فيها يوم صار ثاني وهاذي اخر سنه صرت عاد مليت من الام الزائره وهم كبروو فاحترت كثير وش اسوي هديه الفصل كانت كوره كاس العالم فرحو فيهااااا مرررررررره وبرايه كهربائيه لان المعلمه تقول ذبحوني في بري الاقلام وصارت اسهل ومره عجبت المعلمه والاكل كنت جايبه هت دوق من فرسان طبعا فريش وطازه وطعمه يجنن وسلقته في البيت سلق وديت معي اله الهت دوق شكلها يجنن زي حقت المطاعم شاريتها من ساكو وحطيت الهت دوق عليها طبعا مجرد تحميه لان الاله بطيئه مره عشان كذا سلقته في البيت وخليتهم يساعدوني وسوينا ساندوتشات هت دوق وبهنا والعافيه وفي كل مره طبعا لازم اتكلم عن ولدي واذكر لهم موقف طريف وصوره وملابسه وهو صغير هالسنه الحمد لله راح ثالث عند الرجال وماعاد فيه ام زائره اذا عجبتك افكاري ادعي لبنتي الله يشفيها تكفين ترى تكسرت اصابعي وانا اكتب

انا بما ان ولدي صرت ام زائره خمس مرات معه ابعلمك بعض افكاري يوم كان بروضه اول جبت لهم تيشيرتات...

ام نوورة :

هلا طخومة معليش عندي سؤال ايش مدرسة ابنك الله يحفظه؟

هلا طخومة معليش عندي سؤال ايش مدرسة ابنك الله يحفظه؟

shahr :

طخومة ايش الكورة الكاس ؟ تقصدي كرة السلة ؟

طخومة ايش الكورة الكاس ؟ تقصدي كرة السلة ؟

am &ams :

انا عندي فكررره سوتها اختي واعجبتهم>>مبزره كل شي يعجبهم طبعا لازم خرابيطهم صور ولبس وو اي شي لبنتك المهم نجي للزبده الطبخ جابت خبز تست وقطعته دواائر كبار يعني كل حبه وحده تصير بس الاطراف تنشاال>> خخخخخخخ وصفي حلو المهم وجابت كتشب يدهنون به الوجه والزيتون للعيون والفم والخشم مدري نسيت بس الظاهر فلفل بارد والخشم خليه مثلث والفم جبن شدار قطعيه طوال وسخاف >>اخترعي لين يطلع فم وعجبهم مره بس صجه ولجه>>كنك حاظره عاد الله يعينك على لجتهم لاتنسين تقولين لنا وش صااار

انا عندي فكررره سوتها اختي واعجبتهم>>مبزره كل شي يعجبهم طبعا لازم خرابيطهم صور ولبس وو...