همســ شوق ــة :

واخيرا تم تطبييق الجاتو حكايتي معه حكايه بحكيها بعدين لأنه مستعجله هدا الكيك الأسفنجي وهدا التزيين ملاحظاتي: - البيض ماشاء الله نفش معي كتير وبصراحه بصراحه ماالتزمت بالوقت الي حكيتلنا عنه لأنه صار يفيض وينكب وماعندي اكبر من هالزبديه - اخد معي تقريبا ساعه الا ربع بالفرن - مالاحظت زنخة بيض نهائيا - تغلبت بتقطيع الطبقات واخذت مني وقت طوييييييييييل وطلعت روحي ووسخت الدنيا وملابسي كلها تعبت كيك :( بصراحه ماتوقعت ابدا اني اتغلب بهاي الشغله لأنه عندي السلك الي بقطع الطبقات من ويلتون بس عالفاضي الكيك كأنه دايره مطااط بدخل لجوه وبطل عادي بدون ماينقص ولما احط ايدي عليه من فوق عشان اثبته كللل الكيك بلزق بأيدي , كتير تغلبت فيها , هل هاد اشي طبيعي ولا مو طبيعي؟؟ يعني الكيك هيك بضل وجهه يلزق حتى تاني يوم ؟؟؟ وبكون بغلب بالتقطيع هيك؟ ولا انا عندي اشي غلط؟؟ - بعدين كريمة الخفق مالقيت الي حكت عنها عزيزه واستعملت المراعي حطيت سكر زي ماحكيتي وذقتها لقيت انها مو حلوه بلمره رجعت زدت ملعقتين ونص كبار وخلطتها لحد ماصارت القبب ولما اجيت ادهن فيها الكيك ذقتها لقيتها موحلوه بلمرررررره ولانتفة سكر حتى طعم الفانيلا مو طالع كله طعم حليب وبس صرت احط عليها سكر بودره وارجع اخلط بس خفت بعدين من كتر الخلط تخرب - كمان الكريمه ( والله انها عقدتني) حطيتلك صورتها شوفيها كيف بالصحن وحتى لو ضلت بره ساعه مابتذوب وبتصير ماي لأ بتطول لحد ماتذوب بس مو يابسه لدرجة انها تتشكل بالقمع , شوفي بالصوره كيف مبينه زي أكنها ذايبه بس هي مو ذايبه انا تركتها بالتلاجه فتره قبل ماابلش ازين الكيك وكنت كل شوي احط القمع بالفريزر كمان والمكان كان بارد بس للأسف مازبطت معي :( - اخر اشي لما اجينا ناكل الكيك كان كتييييييييييييييييييييييير كتيييييييييير ناشف زياده عن اللزوم وازا شفتي صوره القطعه المقطوعه رح تلاحظي كيف الكيك بالنص ناااشف والكل صاروا يحكولي انه كتير ناشف :( - اااخر مأساه مع الكيك كانت انه طلع ولاااااااااحبة حلاوه فيه (يعني خالي من السكر) لا الكيك الأسفنجي حلو ولا كريمتي حلوه ولا الفواكه حلوه , انا توقعت الكيك يكون حلووو وعشان هيك حكيتيلنا بس 3 ملاعق سكر , فخفت احلي الكريمه اكتر ويصير كله سكر وبصراحه كمان نسيت ارش عالفواكه سكر وبالنتيجه ماحدا اكل الكيك :( حكولي ناشف كتير ومافيه ولا حبة سكر وتركوه ,حتى انا ماقدرت اكله لأنه خالي من السكر بمعنى الكلمه الله يخليكي احكيلي شو اسوي حراام هيك قالب كامل يروح للزباله (وانتي بكرامه) ماما حكتلي ارجعي فكي الطبقات وحطي عصير محلى زياده بس خفت انه يزنخ زي ماحكيتي شوووو اعمل فيها كيف ممكن اصلحها؟؟؟؟ وبالنسبه للكريمه زادت عندي كتيييييييييييييييييييييييييييييييييير يعني انا استعملت الربع والباقي كله زاد الي شفتيه بالجاط شو اعمل فيه؟ كم المده الي ممكن اتركها بالتلاجه؟ وممكن احطها بالفريزر؟ مبارح ماعرفت انام من القهر لأنه الي فتره بعمل دعايه وبحكيلهم رح اعملك زي جاتو السوق وعملت حفله وانا داخله بالكيك وفزعت كل الدنيا وتعالوا تعالوا وتصوير وحاله وبالأخر الطعم طلع موزابط ااااخ بس :(

واخيرا تم تطبييق الجاتو حكايتي معه حكايه بحكيها بعدين لأنه مستعجله هدا الكيك الأسفنجي ...