اختي في الله غزال العاصمة ..

قال تعالي:
( ولو كنت فظا غليظ القلب لانفضوا من حولك )

اتمنى اني انهج بهالمنهج في كلامي معك ..

اختي وحبيبتي في الله ..ان الله لايغير مابقوم حتى يغيروا مابأنفسهم ..

في اول كلامي انا بتكلم عنك ..

من خلال كلامك لاحظت ان جتمعكم منفتح نوعا ما ..
في بعض الاسئله بوجها لك .. وابيك تحتفظي بالجواب لنفسك (يعني ابيك تراجعين حساباااتك)
هل انتي من المحافظين على صلواتهم ..
هل انتي من المحافظات على حجابهن ..
في سفراتكم الدوليه هل تلتزمين بحجابك او حالك حال بعض اخواتنا هداهن الله في لبس البنطال وكشف الشعر ..
هل تسمعين الاغاني ..
هل تسافرين من غير محرم ..
يعني شوفي علاقتك مع ربك .. ..
اذا حسيتي في خلل في احد الامور ..
فاعرفي ان هذا ابتلاء من رب العالمين .. او عقوبه .. او تذكير ..
فارجعي اصلحي نفسك وقوي علاقتك بربك ..

اما حال زوجك الله يهديه :
من ناحية الشرع ..
مايجوز تقعدين مع رجل مايصلي وينتهك حرمات الله
اول شي ماتخافين على نفسك ينقل لك الامراض المميتة لاقدر الله من الممارسات المحرمه!!

الله سبحانه وتعالى ابتلاه بكثرة المال ..
فبعضهم يستغلون مالهم بالصدقات واعمال الخير .. وهذولي اللي موفقهم الله .. ابتاهم الله واحسنوا في مالهم ..
والبعض الاخر ابتلاهم بكثرة الاموال ففسقوا استغلوها بلهوهم وانتهاك حرمات الله .. وهذولي نسال الله الهدايه لهم ..

نجي من ناحية عيالك اله يخليهم لك ويصلحهم ..
اللي يتربى في بيئه فاسده .. هل تتوقعين منه انه ينشأ نشأة صالحه الا ماهدى الله !
وبعدين ايهم احسن :
في حال وجود الاب :
نكد ومشاكل .. خمر وزنا وغزل وترك صلاة وقله حياء وادب !
بالله ذا شلون بيقدر يربي اذا نفسه ماقدر يربيها !؟
ووشلون بيكون قدوه صالحه يحتذي فيه ؟

وعدم وجود الاب :
انتي بتقدرين تربينهم بدون خوف عليهم من مشاكل وبلاوي تشوفها عينهم !

المسؤوليه صعبه لكن مالك حل ..

من جانب اهلك ..
ماتكلمتي عنهم
موقفهم وشو ..
ليه ماتدخلوا او انصحوك او انصحوه !
لاتقولين انا منعت اي احد يتدخل .. هالشي لازم احد يتدخل فيه ..
ابوك وينه .. اخوانك .. امك ... وش رايهم وش موقفهم ..

في الاخير ابي اقولك ..
يمكن انتي طرحتي مشكلتك وتوقعتي من البنات انهم يعطونك حلول غير الطلاق .. ومن خلال اخر ردود لك يبين انك تبينه وفي قرارة نفسك تقنعين نفسك انه بيتغير !
بالنسبه لي استغرب رايك هذا ..
كل مواقفك معه واللي قلتي لنا عليها مافيها اي رحمه او اي شي يخليني اتمسك بهالرجال اللي مايهمه الا نفسه مااهتم بوجته ولا عياله ..
وانتي قلتي ماقعدتي في بيتك كله ترجعين زعلانه لاهلك ولايهتم
ومع هذا انتي متمسكه فيه !

يالغاليه اذا انتي تشوفين انك تقدرين تغيرينه وعطي نفسك فرصه لتغيره مو تغيره لناحيتك لااا تغيرره لناحيه ربك ..
اذا تقدرين تخلينه يصلي ويترك الخمر والزنا لاحول ولاقوة الا بالله غيرها من المعاصي هنا بس اقدر اقولك ايه اقعدي معه

لكن غيره لا والله ..

اتمنى تستخيرين وبقوه ولا تياسين من رحمه الله
واعرفي ان كل امرك خير .
قال صلى الله عليه وسلم : ( عجبا لامر المؤمن إن أمره كله خير إن أصابته ضراء صبر فكان خيرا له ، وإن أصابته سراء شكر فكان خيرا له ، فأمره كله خير) .

واحمدي ربك دايم .. وقولي هذي خيره من رب العالمين ..
وثقي انك مو احن من ربك عليك ...

اخر شس اسال الله لك الراحه والسعاده والتوفيق .. وان يكشف كربتك ويفرج همك اللهم امين

اسأل الله العلي القدير ان يفرج عنك همك ويزيل الغمة ويصلح لك زوجك ويردة لك ردآ جميلا

يااختي استعيني بالله وش تنتظرين جالسه عنده يجيك مرض يطيحك انت واياه عن عياللك هو ماهو كفو عيال بس انت حرام انك تضيعين نفسك وعيالك معاه لا تتساهلين الايدز منتشر بين اللي يمارسون الحرام ومن ترك شيئا لله عوضه خير منه وابليس يزين لك انك متعلقه فيه على ايش متعلقه على حياه الشقى ربي يعوضك خير تخيلي انك مرضتي وش بيكون وضع عيالك روحي له سمعيه كلميتين انه مايستاهل يكون اب وتربيه عياله بدونه افضل واعطيه من العيار الثقيل ولا تخلين شي بنفسك واخلصي النيه لله انك تركتيه ابتغاء وجه الله وانكارا للحرام

الله يكون بعونك ويصبر قلبك
ويدلك على الطريق الصح ويقدم لك اللي فيه الغير
يابعد قلبي اللي مثل هذا ماعليه حسوفه
مايستاهل ظفرك
انتي ماشاء الله عليك تستاهلين احسن منه
واحد مثل هذا مو متربي
وبالنسبه لخوفك على مستقبل اولادك
ماراح تفرق كثير
بحالتك الاولى كانوا عايشين بدون اب
يعني ماراح يصير فرق هذا واحد سلبي يعني روحته وجيته مامنها فرق
واولا واخيرا هذا زاني ويشرب وشي اكيد مايصلي
يعني زواج منه باطل
من وجهة نظري من كل الجهات الطلاق احسن
طلقه وحده لانها بتصير الثانيه
سبحان ماتدرين يمكن بكره يتعرض لموقف يخليه يلتزم الله يهدينا وياه ان شاءالله ويستقيم ويرجع لك ويعرف حق الله فيك وبعيالك
الله يحنن قلبه عليك وعلى عياله ويوريه الطريق الحق ويترك اللي هو عليه
الله يوفقك للي فيه خير لك

الاخوات هنا كفوا ووفوا
في طرح الحلول..
اتمنى لك صلاح الحال..
لكن لن اخرج من دون ان اذكر لك
قصة قريبتي قصتها مع زوجها اللتي
استمرت فصولها لمدة 22 سنه..
صبرت في البدايه لأنها (تحبه) يقطع الحب وسنينه
ثم لما وعت الى حقيقة انها بلاقيمه في حياته
فلديه عشيقات وسهرات حمراء وخمور..
لما وعت انها لاشيء انتبهت ان حولها 5 اطفال
لاطاقة لاهلها بهم..يتضايقون منهم حتى عند الزياره..
اضطرت ان تكمل باقي المشوار معه من اجلهم..
والآن بعد ان خطفه الموت..
هاهي مريضه نفسياً..
ابنها الاول منحرف لأنه كان يرى ابيه يخون امه
حتى مع الخادمات..
الابن الثاني ضاع ...
الباقين مابين اكتئاب ووسواس قهري بسبب مارأوه..
والآن بعد كل هذا الصبر هي كل يوم تتزوج وتتطلق
وصارت علكه بحلوق الخلق..
وعذرها بتعيش حياتها اللي ماعاشتها؟!!
اختي يحرم عليك البقاء مع رجل لايصلي فهو كافر..
هذا غير باقي الموبقات اللتي يمارسها عافانا الله
مما ابتلاه.
انتي هنا لستي بصابره بل ملقيه لنفسك واولادك للتهلكه..
الصبر على مرض او فقر او اعاقه..
لكن رجل كافر يمارس الموبقات جهارا هذا ليس بصبر..
فانتبهي لنفسك ابتعدي وربي اولادك على الخير والفضيله
بعيدا عن منبع الفساد المسمى زوج..
اليوم انتي بواحد بكرا لاسمح الله بتصيرين بثلاثه..
اهلك ماقصروا ولافيه زيهم بالدنيا الله يخليهم لك.
الله يزيل همك ويفرج لنا ولك.
اللهم آمين.