أكرف ببيتي 24 ساعة و مو باين :(

السلام عليكم
عندي شقة 5 غرف نظيفة و جديدة و واسعة
وعندي طفل واحد 7 شهور
بيتي موكيت ما يتعب ف التنظيف
لكن بيتي مقربع 24 ساعة
حتى المطبخ دايما فيه مواعين مع اني والله ما اجلس بس اشتغل :(
تعبت ودي يكون نظيف و مرتب و اقدر استقبل ف اي وقت
ماعندي غرفة غسيل و غرفة الحريم انشر فيها غسيلي وفيها الكوي كمآن
أحس عندي عفش كثير كمآن سويت دولاب عشان يترتب فصلته والله بالفين و شوي
قلت يلم العفش و الطوالات و الشراشف و اللحف
لمها صح بس باقي عفش كثير كنك يبو زيد ما غزيت
طول الوقت اشغل يا مع ولدي يا ف المطبخ يا مقابله زوجي
مالي وقت لنفسي و فوق هذا البيت مقربع
ما اخرج كثير ..زوجي دوامه شفتات و اجازاته قليل
اقابل جاراتي بس مو مرة
اشوف الناس يوميا تغسل الحمامات وانتوا بكرامة انا ماني لاقية وقت مو اغسل الحمام
ماني لاقية وقت اشو نفسي والله
يا جماعة انا ماني كسلانة والله هذا اللي قاهرني
24 ساعة اشتغل والله
حتى وحدة من الجارات تقول كل ما دقيت عليك تقولين عندي شغل الله يعينك
احس اكثر وحدة اشتغل فيهم و اكثروحدة بيتي مو مرتب
زوجي مو مقصر معايا
يشتري لي اللي اطلب
بس ما اشوف فيه تغيير
عندي فواحات بس مغبرة ما اشغلها
تخيلوا !!!
والله تعبت هذا و هو طفل .. كيف لو عندي 3 ما ادري ايش اسوي :(
اجيب شغالات بالساعات كل 3 شهور مرة تنفض البيت نفض
لكن مدري احس بيتي مو مرتب ايش اسوي :(