ffgg33444555 @ffgg33444555
عضوة جديدة
أكره الدراسه كره مو طبيعي
السلام عليكم انا تاركه الدراسه وكل ماجيت أدرس ما قدر أدرس اول يوم او اسبوع اقعد وباليل فجأه اقعد اصيح وأبكي لما يفصلوني وإذا انفصلت ارتحت يالله كملت المتوسط ويوم جاءت ثانوي ماقدرت أكمل درست انتظام ثانوي جلست أسبوع بعدين جاء الليل فجأه كذا لاشعوريا اقعد أبكي او اصيح وأقول مابي أدرس وقفت على اول ثانوي درست انتساب فيه بس صقدت ب 5 مواد وعدته وصقدت في 3مواد وبالغصب ادرس بعدين تركته والحين امي تقول لي السنه ذي بتدرسين انتظام غصب واختك معك بس انا خايفه وفي نفس الوقت ابي اكمل وش اسوي ;وأختي علاقتي معها ماش حتى تقول انا مابيك تكوني معي ومادري وش اسوي علما انا كره لدراسه من اول ابتدائي والمفروض أكون الحين ثالث ثانوي بس ماقدرت وقفت على اول ثانوي. وش اسوي عشان احب الدراسه الله يسعدكم يارب
4
2K
يلزم عليك تسجيل الدخول أولًا لكتابة تعليق.
الصفحة الأخيرة
ياقلبي هذا مستقبلك بكرة بس تشوفي اللي حولك وبعمرك واللي أصغر منك كل وحدة مكملة دراستها ومتخرجة والبعض اتوظف وقتها راح تتحسري ع عمرك .. أمك الله يحفظها تبغى مصلحتك
اذا شاكه ان فيك لا سمح الله شي أرقي نفسك يومياً وأدعي ربك أن يكشف مابك من ضر ولاتنسي الدعاء ف جوف الليل وربي انه سحر .. لا تستسلمي وخلي عندك طموح وهدف
أذكر أيام الثانوي كانت معانا وحدة كبيرة ( أم ) تدرس مع انها انتساب بس كانت تحضر أكثر من يوم ف الأسبوع وبس تخرجت ودخلت الكلية ماشاءالله لقيتها قدامي ونسبتها حلووه ماشاءالله وكملت واتخرجت .. شايفه كيف ! ماقالت والله مافيني حيل وبيت وعيال ومسؤوليات .. اللي ف راسه هدف راح يوصل له بالجد والمثابرة وبعد توفيق الله
انت حاطه ف راسك انك كارهه الدراسة عشان كذا مو متقبلتها ف غيري معتقداتك عنها وحبيها وإعرفي انها سبب بعد الله ف حصولك ع وظيفة مستقبلاً
ووحدة ثانية أعرفها كانت برضو إنتساب ومرت ف ظروف الله بها عليم بس م أستسلمت وماشاءالله ذحين شوفيها ف كلية الطب .. فكري ياقلبي وأجلسي مع نفسك وقرري
الله يوفقك ويسهل أمورك