ورد وشوك معلش ما تآخذيني قبلاتي لك كمان
يللا يا بنات أتحفوني بأفكاركم من أجل التغيير المميز

سلاااااااااااام

اخباركم عساكم بخير

عاد انا اليوم احس نفسي ان زي الناس ايه والله زي الناس

صرت ازور العالم واتعرف على اوادم وان شاء الله بيزوريني واصير عضوة في المجتمع >>>>> الاخت حاسة انها نكرة

وينك يا بسومة انا كنت اليوم جنبك لو ادل بيتك كان مريت سلمت عليك تراني كنت بالنسيم جلست احفظ
اسماء المشغال والمراكز والشوارع بس وصلت البيت انمسحت الذاكرة خخخخخخخ

الي اذكره انهم بشارع ام المؤمنين سودة والله اعلم اذا الاسم مو بصحيح من زود الفرحة طار برج التركيز


المهم انا اشتريت صحن شكلاطة كبير شكله فاخر وحلو من باتشي الي بكارفور بس عليه اسعار يا سلام بس
زوجي بهدلتي عليه بس ما همني منه اشتريته والسلام


صراحة استانست وبربرت كثيييييير شكلي تكلمت حق سنتين تعويض عن الصمت الرهيب الي اعيشه

اكيد الحين يقولو الحرمة هاذي ثرثارة بس تراني كنت ثقيلة ورزينة خخخخخخخخخخ
وجعت البيت ساعة 9 ايوة والله 9 شوي الونش يجي يشيلني خخخخخخخ لان زوجي طلع مشوار مع زوجها
فاخذت راحتي في البربرة على اخر، دانا بربرت بربرة ماغير نطير من موضوع للثاني خخخخخخخ
من جد هنيئا لكم بجمعة الاحباب والاهل


وهاذا تقرير الزيارة حمد لله كانت احسن من زيارتي سابقة الله لا يعيدها من ايام اكيد
بنات الي كانو باول حملة يعرفون السبب

والحين صحيت جيعانة بوم اكل اي شئ يسد الجوع وارتب البيت بكرة صديقتي جاية ان شاء الله

السلام عليكم ..حياكم الله حبيباتي وحشتوووووووني ..

يومياتي ..
يوم الربوع رحت بيت عمي زي ماقلت لكم ولقيت سلفتي الثانية طلبت احنيها كمان لانها خلصت نفاس ..
والبنات الصغار سويت لهم نقشة رفيعة ناعمة عشان يفرحوا ..

وزوجي جلس مع اخوانه وسهروا يجهزوا ويشيلوا الشنط وروحنا متأخرين على الساعة 12 ..

على الساعة 9 رحنا بيت عمي عشان عمي طلب انه نفطر معاهم وبعدها بيمشوا رحنا وماشاء الله كل العيلة مجتمعة
اخوان زوجي واخواته وحريم اخوانه ...وعلى الساعة 10 ونص راحوا وانا جلست مع اخوات زوجي على بال ما يجي زوجي من توصيل اهله للباصات وتوديعهم ..اخته جلست تنظف البيت عشان بتروح بيتها وانا مسكت المطبخ قلت اساعدها
غسلت صحون الفطور وحسيت يدي سحبتني للدولاب حتى الدرفات من جوه وبرى والبوتجاز وفركت لها الجدران ومر الوقت من غير ما احس فيه جت الساعة 1 المطبخ اخذ مني ساعتين ونص صح تعبت بس حبيت اني أكأفأ عمتي ولو بشي بسيط عشان لما ترجع ان شاء الله تلاقي الدنيا تلق ..

بعدين اخته طلعت من الثلاجة محشي كوسة وفلفل رومي عمتي كانت مسويته مخصوص لزوجي لانه يحب المحشي
سخنت له ياه واتغذوا البنات مع ابوهم لأني الحمد لله صمت اليوم ..وروحنا بيتنا الساعة 2 ونص استلمت المخدة دغري مع التعب وصحيت العصر سبحان الله ساعتين حسيت نفسي كأني نمت يوم كامل ..
وقمت لقيت موية شغلت الغسالة وغسلت الملابس وسويت للشلة سندوتشات ولزوجي رز مصري حسب طلبه ..
واليوم سهرانة وان شاء الله ما بنام غير بعد ما اصلي الفجر سبحان الله نومة قبل العصر مخليتني مصحصحة وعيوني ناشفة ..

*************

نرد على الردود ..
أم الحلوين ..الله يعطيك العافية يارب تسلمي على الوصفات والله يحلي ايامك وربي خجلتيني لما قلتي اكيد الجدول بيطلع حلو ماني عارفة ايش ارد عليكم واتمنى اكون عند حسن ظنكم ...

ريم ..حياك الرحمن ..

شيماء ..الله يحلي ايامك ..

روح ..سبحان الله تقسيماتك نفس تقسيماتي في الدي ..اما ايش ودي اشوف من عندك من افكار
نفسي اشوف خلطات انتي مجربتها ..ورومنسيات وحفلات وياحبي مرة للمكياج والازياء هههههههه قولي كلها وريحي راسك ..

روز ..الله يعافيك يارب ..من مقادير البسبوسة باين انها مرة لذيذة ولما البنات مدحوها كمان زدت اصرار اسويها ان شاء الله بس كل ماقلت بسوي تطلع لي شغلة الله لا يشغلنا الا بطاعته ...
طيب انتي كاتبة علبتين قشطة قصدك العلبة الصغيرة النحيفة ولا الاكبر شوي ...

بسومة ..ياعمري انتي خجلتيني بكلامك ولك بالمثل لدعائك
ماشاء الله عليك انتي ودلع تعرفوا اكلات يمنية احسن مني ههههههه وللاسف كمان ما اعرف ذا المطعم الي قلتوا عليه
يمكن بحكم زوجي ما يفضل الاكل ذا عشان كذا بس شكلي بقول له ابغى ذا المكان عشان اتوحم على ذا الاكل هههههههه ونتقابل اذا ربي اراد...
ويعطيك العافية والصحة على الترتيب ..
اما النوم واللخبطة الي صايرة صراحة الله يكون بعونك عاد يناموا الضحى مرة صعبة الله يسهل امركم ويهدي العيال ..انا لو جت الساعة 1 حسيت اني بنفجر كيف انتو الله يكون بعونك والله ...

جميلة ...حياك الرحمن واحنا والله لنا الرشف باخوتك يلا عاد لا تقطعينا وتواصلي ورتى كنت زيك في الحماس
البنات هنا قمة في الاخلاق الله يحيمهم ...

حلا ..كيفك وفينك وكيف الطفش معاك بس لا تخليه يتغلب عليك ..

شكولاتة ..نورتي ونورت فعالياتك الله لا يغير عليك ويعطيك العافية على الشغل العدل المدل
وتصدقي نفس حكايتك كل ما اسوي شي اقول ياشيخة خلاص ماله لزوم كلهم حفظوا بيتك وترتيبك ..
واي نقاشة ورسامة عاد مرة وحده ههههههه انتي شكلك مآخذه فيني مقلب ..

امينوس ..كيفك طمنيني عن صحتك ان شاء الله دحين احسن ...
اما الافكار مثلا غيري مكان الاثاث وغيري مفرش السرير وانثري ورد وشموع ومن هالخزعبلات :)
الله يرجعه لكم سالم غانم ..

ستارز ..هلا هلا كيفك وكيف الاهل ان شاء الله مبسوطين الله يسعدك وين ما كنتي ..

هدوء ..وعليكم السلام ورحمة الله وبركاته ..كيفك وحشتينا ماعاد نشوفك زي اول عسى ماشر ..
ويبغالي اشتري واجرب 101 من كثر ما اشوف المدح عنه ...

ماشاء الله جروووحه الله يهنيك ان شاء الله ويجعل ايامك ولياليك سعاده في سعاده ويهنيهم اللي تعرفوا على وحده مثلك
من جد التعرف على ناس يخلي نفسيتك تتغير وتتعلمين اشياء وتعلمين ...

ورد هلااااااااااااا وغلا فيييييييك والله نورت الحمله

*****************

بنات ان ان شاااااء الله ماشيه على جده الاثنين وقدامي 3ايام بس للتنظيف الشامل والتجهيز ....
ويمكن خلاص ماعاد اقدر ادخل اكلمكم راح اكمل تنظيف بيتي
من والى وراح انشغغغل مررره ,,


دعواتكم يابنات ان ربي يسهل لنا السفر .. وان يحفظني لاولادي ويحفظ اولادي وابوهم ...
وسامحوني يالغوالي ..والله يبلغنا واياكم شهر الخير ويجعلنا واياكم من صوامه وقوامه ..وان يتقبل منا ومنكم


ان شاااء الله راح اطل عليكم بس بدون فعاليات وحركات
في رمضان ان شاااء الله من غرفتي خخخخ في بيت اهل زوجي



أسال الله ان يحفظ اخواتي في الاكاديميه...وان يحميهم من كل شر
وجميع المسلمين والمسلماااااات


اودعكم بدمعاااات من عيوووني ...
استودعتكم الله الذي لاتضيع ودائعه ...

فروحة ...الله يسعدك يارب وربي فرحت لك من قلبي الحمد لله ان الزيارة ريحتك وان شاء الله ربي يكتب لنا اللقاء.

**********
بنات حابة افضفض لكم حبتين انا زي منتو ( مو اكل هههه ) قصدي انتو عارفين ان عندي غرفتين بس وكلها جنب بعض وزوجي جاب ضيف بيجلس عندنا تقريبا 25 يوم صراحة مدة مرة طويلة غير كذا جابه من غير ما يشور علي ولا حتى اعطاني خبر واتناقشت معاه ما يصير ينام عند البنات ولا عندنا اكيد
مش عارفة كيف بتحرك في بيتي وكيف بيجلس وزوجي مو موجود بيكون في دوامه وانتو عارفين بحكم شغل زوجي مايجي الا المسا رغم ان الضيف صغير في السن والحجم بس برضه غير انه مذكر
وحتى لما جا لا يتكلم ولا يتحرك وحاسة انه مو قادر يتأقلم على الجو ...لكن اليوم ضحك شوية وسولف رغم انه ما فهمت كل كلامه
بس حاسة انها مسؤلية على قلبي وشايلة همه رغم انه عندي مصاريفه بس برضه ..

شوروا علي ايش اسوي ولو قلت لزوجي ما ابغاه وكفاية اهتم ببناتي اكيد حيزعل ويتضايق :(..
والله ما اكذب عليكم له معانا 3 ايام بس غير جو البيت صاروا البنات اهدأ ومافي نقار كثير عشان الضيف ..

اتمنى اشوف مشورتكم وانا عارفة انكم ما حتقصروا ..
والي ما تقدر تكفيني دعوتها لي في ظهر الغيب ..