شيماء ..حبيبتي سامحينا لو اخطينا في حقك وأسأل الله العلي القدير ان يصونك ويحميك ويحفظك وعيالك وزوجك وكل من تحبي وأمة محمد اجمعين من كل مكروه ..
وان شاء الله تروحي وترجعي لنا بالسلامة الوداع صراحة صعب ولكن ان شاء الله تنبسطي وتتونسي وتغيري جو ترى جدة جوها جنان هو صح حر واحيان رطوبة بس اهون من الغبرة والجفاف هههههه ...
استودعتك الرحمن

صبااااااحوكووووو ايشطه

جروح ما شاء الله الله يهنيك ويسعدك ,, حلوووه الزيارات والتعرف على الناس

شيماء مع السلامه يااااقلبي تروحي وترجعي با السلامه ياااارب

الصمت الحمد لله انا بخيييير ولله الحمد وموجوده بس كا العاده اتغلى خخخخخخخخخخ
با النسبه لموضوع ضيفكم الله يكون في عونك ما لك الا تستحملين يا قلبي وكلها ايام وتعدي انا حاسه فيك با القوووه لاني مجربه ان احد يجي ويجلس عندك في بيتك .. مو انو ما تبغين انو يجلس عندك,, بس ما تاخذين راحتك ولا في شي وكل خطوه معمول حساب ها الشخص فيها ,, بس يا الغاليه احتسيي الاجر واصبري عشان زوجك

وهذا الجدول حاولت انزله بسرعة كرمالك ياشيماء ولا يهونون البقية كلكم لكم في القلب معزة ..

حبيباتي هذا جدول تختمي القران في اسبوع ..يعني 4 مرات في الشهر ..
انا مسويته في جدول ولصقته داخل دولابي ..
بس لما جيت بكتب لكم ياه كنت ابغى اسويه بطريقة الجدول ما عرفت ...

هذا النموذج الي عملته ..



واليكن التفصيل :)

والرموز ف = الفجر ** ظ = الظهر ** عص = العصر ** م = المغرب ** عش = العشا ...

(( اليوم الاول ))

ف ( الفاتحة + البقرة 1-141)
ظ (البقرة 142_252)
عص (تكملة البقرة + ال عمران 1-19)
م (تكملة ال عمران + النساء 1- 23)
عش (تكملة النساء )..


(( اليوم الثاني ))

ف (المائدة 1- 105)
ظ (تكملة المائدة + الانعام 1- 134)
عص ( تكملة الانعام + الاعراف 1- 131)
م (تكملة الاعراف + الانفال )
عش ( التوبة )


(( اليوم الثالث ))

ف (يونس)
ظ (هود )
عص ( يوسف + الرعد 1- 13)
م (تكملة الرعد + ابراهيم + الحجر 1-77 )
عش ( تكملة الحجر + النحل )


(( اليوم الرابع ))

ف ( الاسراء + الكهف 1-41 )
ظ ( تكملة الكهف + مريم + طه 1- 54 )
عص ( تكملة طه + الانبياء 1 - 100 )
م ( تكملة الانبياء + الحج + المؤمنون 1- 74 )
عش ( تكملة المؤمنون + النور + الفرقان )


(( اليوم الخامس ))

ف ( الشعراء + النمل 1- 55 )
ظ ( تكملة النمل + القصص + العنكبوت1- 7)
عص (تكملة العنكبوت + الروم + لقمان 1- 21)
م (تكملة لقمان + السجدة + الاحزاب 1- 59 )
عش (تكملة الاحزاب + سبأ + فاطر + يس )


(( اليوم السادس ))

ف (الصافات + ص + الزمر1- 7 )
ظ ( تكملة الزمر + غافر 1- 52 )
عص (تكملة غافر + فصلت + الشورى 1- 26 )
م ( تكملة الشورى + الزخرف + الدخان + الجاثية )
عش (الاحقاف + محمد + الفتح + الحجرات )


(( اليوم السابع ))

ف ( من ق الى الرحمن )
ظ ( من الواقعة الى الممتحنة )
عص ( من الصف الى القلم )
م ( من الحاقة الى المرسلات )
عش ( من النبأ الى الناس )

ان شاء الله يكون واضح ومفهوم وأسأل الله أن يبارك لنا في شعبان ويبلغنا رمضان ..

صموته مشكووووووووره حبيبتي ع الجدول ان شاء الله اطبقه ^

بسم الله نبدأ...

جدول الاسبوع ..

السبت / تنظيف الثلاجة وترتيبها + تنظيف منشر الصحون + تنظيف رفوف البصل والثوم ..

الأحد / مسح سقف دولاب الملابس + مسح التسريحة والكموينات وخشب السرير من الخارج فقط وتنظيف تحت السرير ...

الاثنين / تنظيف ادراج التسريحة والكموينات ورمي الاشياء الزايدة الي مالها لزوم ...

الثلاثاء / تفريغ الملابس من الدولاب وفرزها والتصدق بالفايض ومسحه من الداخل وتعطيره وترتيب الملابس وتبخير الدولاب .

الاربعاء / مسح جميع مفاتيح الكهربا + مسح جميع الابواب + فلاتر المكيفات + تنظيف جدار غرفة النوم والارضية وتبخيرها..


الواجبات الدينية خلال الاسبوع ...

* الاذكار الصباحية والمسائية + الضحى والوتر +صيام الاثنين والخميس بعد موافقة الزوج + قراءة وحفظ صفحتين من القران وتسميع الحفظ + قراءة الكهف يوم الجمعة والاكثار من الصلاة على النبي ( صلوا عليه ) اللهم صلي على سيدنا محمد وعلى اله وصحبه وسلم

* تعليم الابناء باحياء سنة نفض الفراش قبل النوم ودعاء النوم ...

* تحفيظ الابناء مادون الخامسة سورتين قصار في الاسبوع ويجب ان نحفظهم اسم السورة ...
يعني ما نقول سمعي قل هو الله احد لالالا نقول سورة الاخلاص ..
والسن الاكبر اختاري لهم سورة تناسب سنهم ..

* تذكري وانتي تشتغلي استغلي وقتك بالتسبيح والاكثار من الاستغفار ..

* الي اولادهم يصلوا في البيت شجعيهم ان واحد يأمهم والباقي مأمومين وكل مرة دور واحد ..

الجانب الجمالي والزوجي

حمام زيت للشعر + ماسك للوجه + نزع شعر الجسم وترطيبه ..

ارسال رسالة للزوج وهو في الدوام وتعبيري فيها بطريقتك بشرط مايجي بعدها اتصال طلبات للبيت ههههه

*****************

الجدول الثاني للمجلس وكل وحدة تختار الي يناسبها

السبت /تنظيف المكيف + الشباك + الستارة ..

الاحد / تنظيف الكنب + السجاد ..

الاثنين / تنظيف مكتبة التلفزيون والتلفزيون والتحف ..

الثلاثاء / تنظيف الجدران والارضية ..

الاربعاء / تنظيف مخزن المواد الغذائية ..

*****************

طبق الاسبوع / دجاج صيني + رز ابيض ..

دجاج هذي طريقتي واذا حبيتي بدل الدجاج ممكن جمبري او سمك فيليه او لحم حسب رغبتك المهم صيني ..
وهنا شرح الطريقة بالصور

شوحي صدور الدجاج بملعقة او ملعقتين زيت زيتون




حطي الدجاج على جنب وفي نفس الطاوة حطي شرايح بصل بعدين شرايح ثوم فصين
زنجبيل اخضر حسب الرغبة




بعد ما يذبل شوي البصل حطي الخضار المثلجة والفلفل الرومي برضه شرايح




ضيفي الدجاج مع ملعقة صغيرة صلصة وملعقتين صويا وبهارات حراقة اذا حابة + ملح اجينو موتو
او ملح عادي




ونص فنجان موية وهذي النتيجة ويقدم مع رز ابيض مسلوق سادة ..




حلا الاسبوع / سينابون ..ترى عمري ماسويته عشان كذا قلت نجرب ..

موقف الاسبوع / احكي موقف طريف حصل لك :22:..

تم بحمد الله والله ماكنت ادري ان مسؤلية الجدول كذا بس اتمنى انه ينال اعجابكم