بسم الله الرحمن الرحيم
يالله فال خير
عسى ما تروعتو من العنوان؟
لا بسم الله عليكم.. مافيه الا العافية
الموضوع بخصوص الطفولة.
هالطفولة الي يتغنون فيها الناس
ويذوبون شوقاً لأيامها
وتسيل لأجلها الاقلام
وتمتلئ الدفاتر والاوراق
ويتحسرون لفواتها
وبذكراها يُمضون الساعات والايام
،،،،،،،
والله مدري وش شايفين فيها؟!
بالنسبة لي؛ الحمد لله انها عدّت على خير
وما دري وش الزين فيها؟
مدري هو الجهل المطبق والدلاخة الزايدة وعدم تقدير العواقب؟؟!!
او الظلم والاضطهاد اللي يعاني منه اي طفل بالعالم من اطفال بمثل سنه!
او القسوة والعنف والهمجية وتسلط الجنس الخشن؟!
مين وحدة فيكم ما ذاقت مرارة الجفاء والوحدة؟
عندما قالو لها البنات: طسي مزاعلينك
مين وحدة فيكم ما تعرضت للفضيحة والشماتة ؟! لأنها طاحت وطلع سروالها وضحكو عليها
مين وحدة فيكم ما تعرضت للعنف والاضطهاد من الجنس الخشن؟! وتنتفت نصف شوشتها، وانفلقت دميجتها؟
من منكم ما تعرضت للحرمان والبؤس والجوع؟! وهي ترى بأم عينيها الحلويات بأنواعها فيسيل لعابها وتطلبها بانكسار، فتُنهر بقولهم: هذا للكبار =للضيوف !
من منكم من رأت الجميع مستعد وكاشخ ومرتدٍ لأبهى الحلل، وهي بخلاقينها..ثم يغلق الباب في وجهها! لأنه ممنوع اصطحاب الاطفال،،، فتبكي بحسرة وتنزوي وكأنها مجروبة؟!!
خلالالاص كفى كفى عذبتني الذكرى.. ودموعي تجري من عيوني ومناخري
صحيح اننا الان نتذكر ذيك الايام ونضحك،
لكن بوقتها كانت مرة تقهر - اتكلم عن نفسي ما الزم احد
لكن
اللي مصرة ان الطفولة حلوة؛ تجي لمي الله يحييها وانا اتكفل اني اعيدها لأيام الطفولة بحذافيرها.. انتف لها شوشتها على اكمل وجه، ثم أطيحها حتى تتشقلب فوق تحت، حتى اذا طلع سروالها واجتمع الاقران:
هاهاها كاكاكاكا خخخخ هع هع هع شوفو لون سروالها ابيض
ثم اذا قامت من الطيحة -بسم الله عليها- نقولها: طسي مزاعلينك ولا تشوف إلا غبارنا
ونروح للدولاب اللي فيه الحلى حق الضيوف ونبلع لين نشبع
ثم نطير للاهل: واااااو ! تعالو! فلانة اكلت الحلى حق الحريم!!
وتجين انتي يالضعيفة: والله ما اكلته!
- إلا ياكذابة..حنا شفناك
-أهي أهي
وش رايكم يالله من تبي تصير بزر؟!
رجاءً
لا تقرون موضوعي على بزارينكم اخاف يجيهم اكتئاب مزمن ههههه
من المواقف التعيسة الي مرت علي في زمن الجاهلية.. >> لا لا تزعلون عشانكم بقول: في زمن البراءة والنقاء والطهر.... ايش؟ امّا نقاء وطهر؟ والله من النجاسة ما فيه اوسخ من البزران
على فكرة، دامكم فتحتو سيرة الطهارة، ترى اللي تو طيحتها وطلع سروالها ترا ما كان ابيض كله، كان يضم الوان اخرى انتم ادرى بها....
نرجع للموقف؛ كنا طالعين للبر وكانو الناس كثااار مررة- اتذكر انها عزيمة كبيرة! >>> شفتو الدلاخة، اجل عزيمة بالبر تجي؟ وش اسوي هذا الي اذكره انها عزيمة وبالبر وبس
المهم اني كنت ابغى شي من امي - الحين نسيت وشو هالشي- وكنت اصيييييييح وامشي وراها وهي موب لمّي ابد - تسلّم على الحريم، وتدور وتسلم، وانا اصييييح منقهرة وامشي وراها وابغاها لو بس تعطيني نظرة، تقول لي شي، تتفاهم، وهي كل ما خلصت من السلام الحار والعناق مع وحدة شبكت مع ثانية....
في هذه الاثناء وبينما امي -على هيئة الركوع- تسلم على حرمة كبيرة ؛وقلبي منقطع من القهر،، وبلحظة فقدت اعصابي وفتحت فمي بكل ما اوتيت من قوة وانقضيت على (مؤخرة) امي أعضها وانهشها!
لتلتفت على بوجهٍ غير الذي اعرفه!!!!!!!
واذا بها امرأة اخرى!!!!!!!!
واترك لكم تخيل الموقف
لكن لحسن حظي ان الي عضيتها طلعت وحدة حبيبة ومرّالموضوع بستر وسلام
عاد بصراحة
والله اني الى الان كلما شفتها استحي
واتخيل اني سببت لها عاهة مستديمة ---> هههه
و الحين
المطلوب تحمدون ربكم على النعمة
واذا مريتو على اطفال تقولون :الحمد لله الذي عافانا مما ابتلاهم به وفضلنا على كثير ممن خلق تفضيلا
اتقبل الاراء المخالفة بصدر رحب
وعقبال ما تتمنون الشباب مو الطفولة ههههه وانتم بصحة وسلااااامة
كنتم مع قطة نجدية
قطة نجدية @kt_ngdy
عضوة فعالة
يلزم عليك تسجيل الدخول أولًا لكتابة تعليق.
هههههههههه والله انك قوويه عضيتيها
ايام الطفووله كانت حلوووه بحلوها ومرها كانت ببرائه
نزاعل بعض العصر المغرب نلعب مع بعض ههههههههه
ايام الطفووله كانت حلوووه بحلوها ومرها كانت ببرائه
نزاعل بعض العصر المغرب نلعب مع بعض ههههههههه
مووووووووووضووووووووووووووعك
روووووووووووووووووعه
و اسلووووووووووووووبك
اروووووووووووووووووووع
تسلمييييين
يا قطووووووووووووطه>>عسى الدلع يعجبك بس هههههه
^_^
(نسيت انساك) اجل انتي تشاركيني مشاعري هههه
شكراً لمرورك الكريم
(راوين الحلوة) شكل ما عندك مانع تطبقين التجربة اللي قلت!
تسلمين على المرور
(ضي القمر) مرورك هو الاروع نورتي الصفحة
وبالنسبة لقطوووطة؛ كل شي يمشي على القطاوة هههه
شكراً لذوقك
شكراً لمرورك الكريم
(راوين الحلوة) شكل ما عندك مانع تطبقين التجربة اللي قلت!
تسلمين على المرور
(ضي القمر) مرورك هو الاروع نورتي الصفحة
وبالنسبة لقطوووطة؛ كل شي يمشي على القطاوة هههه
شكراً لذوقك
الصفحة الأخيرة
المووووهيم تسلمين ع الموضوووع الحلو زيك وبس بااااي ويسعدني اكون اول من يرد عليك ,,,,,,,,,,,,,,,
ميمو