ألحقوا عليه وعلى بنتي

مساء الخير حبيباتي انا ضاقت بي الدنيا بما رحبت واللي بتدلني على الصواب الله يفرج همها ويرزقها من حيث لا تعلم ابدأفي موضوعي عندي بنت عمرها 15سنه بنتي هذه مافيها اهتمام بنفسها مثل البنات حياتها مثل الاولاد تلفزيون جوال نت..الخ غرفتها ماتهتم بنظافتها تاكل وتخلي اكلها حتى اشيله انااو الخادمه اشتري لها مكياج ارواج الاقيها مرميه في كل مكان لا تهتم بملابس ولا شي تلبس وترمي تكلمت معها صارخت عليها مافيه فايده تقول ما لاحد شغل فيني بس جالسه في غرفتها دخلنا فيها تلفزيون عشانها وعشان خواتها ما يستخدمه الا هي لان خواتها يخافوا منها دايما طلباتها ماتنتهي والمشكله تطلب اشياء غاليه اجهزه جوال اخر شي لاب توب الحالها اجهزه ثانيه ما اعرف اسماءها بس كلها من الالف واكثر وظروف بوها ماتسمح عليه اقساط ومصاريف والمشكله عندها اخوان واخوات بس هي الكبيره واذا قلت الظروف ماتسمح قامت تجرح بالكلام انتم ليش جبتوا عيال وانتم موقادرين عليهم وغيره من الكلام متى اطلع من هذا البيت وافتك منكم والمشكله الكبيره طايحه صحبه مع واحده شبعانه مره وتقول ليش انا مومثلها قلت هي ابوهاكبير في السن عمره في الستين عمره قضاه في التجميع بس ابوك شاب قاعد يشتغل عشانكم وظروف الحياه صارت صعبه بس هي ما تبغى تفهم ولا تحب تساعدني في شي ابدا بس اصارخ عليها وهي اوقات تبكي تقول ليش تكلميني كذا بس والله موبيدي ودي تكون احسن البنات اختها اصغر منها احسن منها بكثير وش اسوي معها فكرت اكلم المرشده في مدرستها بس ماودي اشوه صورتها وهي بنت متفوقه الله يجعلني فدا روحها.
دلوني الله يجزاكم الجنه قلبي يتقطع مدري وش السواه