ألففف سعررره حرااارية ^_^

اهليييين بنااات شخباااركم شمسوييييين ..دايت دايت دايت صارت حياتنا كلها دايت يادافع البلا انام واصحى على دايت وكل المواضيع اللي افتحها مع صديقاتي واهلي والكل عن الدايت :icon28:
وكل شي بصوب وموضوع السعرات الحرارية بصوب .. الجمعيات صارت تشك فيني من كثر ما اروح وامسك علبه علبه وشي شي اقرا النيترشن من ورا واحسب جم سعره فيه .. في بعض الاشياء يحطون لج المعلومات بشكل سهل وبالضبط وفي بعض الاشياء يعذبون يحطون لج كل 100 قرام ومادري شنو وانا اطلع تلفوني واحسب بالحاسبة والكل يمشي ويطالعني يحسبون البلدية دازتني اتفقد المنتوجات :) وانا عندي ماعندج جدتي خخخخخ
المهمممممممم
طبعاً انا كتبت موضوع امس اني مكتأبه حيل لأني كسرت الدايت لمدة سبوعين ولما قست شفت نفسي زايدة كيلو والحمدلله على كل حال عاد قررت استأنف الدايت عالأقل اطيح هالكيلو اللي زدته واللي بيطيح معاه حياه الله حشا ماني رادته
عاااد انا اساساً كنت اتبع نظام يرتكز على سعرات حرارية بس كان تعذيب بالنسبة لي الصراحه يعني تخيلو بنات الجمعه والسبت والاحد والاثنين والثلاثاء اكل بس 550 سعره حرارية :09: انواع الدوخه والتعب وااااخ واييييخ .. والاربعا والخميس اكل بدون لا احسب او بالاحرى احسب بس ما اهتم ابلع وبسسسس :( ونهاية الاسبوع لما اقيس يادوبك نازله 400 قرام ومرات اقل ومرات اطلع سامنه بسمالله الرحمن الرحيم!:angry2: كنت اتعب نفسي الاسبوع كله عشان استمتع بيومين بسسسسس شوفو العقلية المتخلفه شلون :( وليتني صج عاد استمتع .. طول اليوم ماعندي غير احسب شنو كليت واخاف يضيع الوقت علي من غير لا اكل واقعد ابلع ابلع ابلع واقضي باجي يومي بالحمام تكرمون احاول ازوع اللي اكلته :09: معاناة ولا بعدها معاناة
الين مازهقت وقلت اكسر الدايت شوي رحت للدكتور طالب الشمري عشان يعطيني نظام احافظ على وزني .. شافني حيل ضعيييفه (ماشاء الله) عطاني نظام من اوله لي اخره بلع .. تخيلو بنات نظامه اقدر اكل 10 جوكلت في اليوم :42: هذا العشا .. والغدا ماك فلوري ولا كيك كنتاكي ولا كيك من ستاربكس يعني فلله وانا عاد نمله اكثر شي احبه الحلويات .. باسكن ربحهم صار على ايدي .. اروح باسكن ماتكفيني سكوب ولا اثنين .. اطلبببب سبببببببعه (بعين العدو) تحسون صرت وحده مشفوووحة بعد ماكسرت الدايت بس لا تستانسون ترا هالسبعه كانو عشاي وكنت طول اليوم مو ماكله شي وحارمه نفسي عشان هالسبع .. الحمدلله انها يت على كيلو مو اكثر الحمدلللله .. وماشاء الله ماشاء الله ماشاء الله
عااد الحين قلت مالي خلق ارجع مثل قبل 500 ونهاية الاسبوع تزويع لااء بس تعبت .. بخليها طول السبوع 1000 وخلاص بلا فري بلا هم بلا تزويع ولوعة جبببببد .. عاااد الحيييين انتو شالمطلوووب منكم يا امورات ياحلوات ياقمراااات :42:
المطلوووووب وبكل حبببب انكم تقولون لي لو اكلت كل يوم 1000 كالوريز لمدة سبوع جم انزللل ؟ انزل الكيلو اللي زدته هذا يعله ينزل بالصحه والعافيه؟ ولا يبيلي اكثر من سبوع؟؟ مع العلم اني نحيفة حيل الحمدلله وماشاء الله ولا اله الا الله ولا حول ولا قوة الا بالله ^_^ يالله يابنات ساعدوني الله يجزيكم خير ويارب تنحفون يادبدوبات بالصحه والعافيه ويارب اللي تبي تسمن تسمن وتحصل على الجسم اللي تبيه قولو امييييين:26: