السلام عليكم
بسرد عليكم قصتي الحزينة من البداية للنهاية
تزوجت من سنة 98م بشخص كنت احبه وايد وايد لكن من قبل لا اتزوجه كنت عارفه انه مريض بالسرطان ورغم جذي صممت عليه رغم تحذيرات الأهل والأقارب ، تزوجنا وعشنا مع بعض 4 سنوات بدون إنجاب ، وفي كل مرة تتأخر الدوره علي أقول في نفسي يمكن اكون حامل ، وانقل إحساساتي لزوجي أللي كان دايمًا يرد علي بالسكوت والابتسام ، لحد ما في يوم من الأيام صار بينا سوء تفاهم وقاللي روحي زوري اهلج لأني بسافر السعودية مع الربع ، رحت عند أهلي وجا وقت الليل وكلما اتصل فيه مايرد علي ، وبالليل نادني الوالد في سالفة ، ولما جلست مع الوالد قاللي يابنتي زوجك ما يبغاج ويبي يطلقج ، الصدمة خلتني مو عارفه اتكلم ، بس سكت ونزلت راسي، ولأن الوالد كان من البداية معارض فكرة ارتباطي بشخص مريض برغم أن الأطباء عالجوه قبل الزواج واستطاعوا يتخلصوا ويحدوا من انتشار الورم ، لكنهم ما أكدوا للأهل إذا كان بيرجع له مرة ثانية أو لا،، المهم السالفة أن الوالد كان يبيها من الله ، بسرعة قاللي روحي مع اخواتج وخذي اغراضج كلها ،
ولأن احنا كنا وقتها بشهر الله ظليت انتظر الفرج لبعد العيد ، طبعًا لا عيدت ولاشي وظل وزني ينزل وينزل لحد ماصار 42 اتذكر ، المهم بعد العيد احضروا أهل زوجي من الأمارات لأنهم ماكنوا عايشين بالبحرين كانوا ساكنين بالإمارات وآنا وزوجي بس كنا بالبحرين . احضروا أهله وتمت إجراءات الطلاق وانفصلت عن زوجي وآنا ما اعرف السبب الحقيقي أللي خلاه يتركني ، قلت في خاطري يمكن بسبب الانجاب ، يمكن آنا السبب ، خل اروح اسوي فحوصات ، خاصة أن وزني كان في النازل وكل يوم اطيح ويغمى عليه بالمدرسة لأن آنا اشتغل مدرسة ،، المهم طلعت نتايجي كلها سليمة وما فيني أي شي وتحليل الهرمونات كلها سليمة ، اتصلت فيه قلت له أنت شنو قالولك الدكاتره لما كنت بأمريكا للعلاج ، في أمل اتيب أطفال أولا ، قاللي ليش الحين تسألين هالسؤال وايد متأخر ؟ قلت له بس جاوبني ، قاللي لا آنا مافيني أمل .
كنت مصدومة وصكيت التلفون ، ظل اربع سنوات من غير ما يقوللي مافيني عيال ، واتخله عني لمجرد سؤء تفاهم بسيط رغم قصة الحب الكبيرة أللي كانت تجمعنا ، وأللي كل أهلي وأهله يعرفون عنها ،
المهم آنا الحين تزوجت مرة ثانية ، لكن بعدها زوجي الأولي توفى الله يرحمه ، ولما سمعت عنه وايد بجيت عليه لأني كنت وايد احبه ، وقعدت بيني وبين نفسي اسألها وعطيته عذر قلت يمكن كل أللي سواه عشان يحميني من هاليوم ، وعشان يخليني اشوف حياتي .
المهم بكمل لكم السالفة ...
مرت الشهور ، وقبل لا أكمل سنة في بيت أهلي تقدم لي شخص ، وبعد شهر كامل من السؤال عنه ، وافقنا وتزوجت بعد خطوبة 3 شهور في سنة 2001، وفي ذاك الوقت ماكان عندنا في البحرين ضرورة الفحص قبل الزواج لأكمال شروط العقد ، وغلطت الغلطة للمرة الثانية وظليت انتظر الحمل سنة وسنتين ، بعدها قلت لزوجي خل انروح انسوي فحوصات ، وبعد الفحوصات اتضح أن زوجي عنده دوالي بالخصية ولازم يسوي عمليه ، وفعلا سوى العملية وانتظر فترة أربعة شهور وسوى فحص ثاني لكن النتيجة ما تغيرت مازال يعاني من قلة في عدد الحيوانات المنوية وفي حركتها ، وفي ذيج الفترة كانت احاسيس الأمومة مسيطره علي وايد لأن كل أخواني وأخواتي انجبوا وكل صديقات والأقارب حتى أللي اصغر مني في السن ، عشان جذي ابتدى هرمون الحليب يرتفع عندي ، لكان كان ارتفاع بسيط بدرجة أو درجتين ، يعني حبوب لمدة اسبوع وينضبط ، ظليت بعدها كل بين فترة والثانية اسوي فحص ، وتطلع نتايجي سليمة ، لكن زوجي لأنه مدخن شره ، وكان يرفض كل توسلاتي في ترك التدخين ماكانت نتيجته تتحسن ، عدت علينا 5 سنوات وفي عام 2005م سوينا عملية طفل أنابيب ( تلقيح مجهري ) لكن العملية ماانجحت ، ولأن آنا ادرس أطفال صغار ظل الأمل يكبر في داخلي أن انجب مثل ما أخواتي صاروا امهات ، الله بيرزقني وبصير أم إن شاءالله، لكن مرت بعد العملية 3 سنوات ، والحين احنا في عام 2008م راح انسوي عملية ثانية عن قريب، وعشان جذي سوينا فحوصات وخذيناها للطبيبة ، والنتيجة آنا سليمة كليًا وزوجي مازالت نتيجته ضعيفة ، لكنها تحسنت عن السابق لأنه صارله سنة من ترك التدخين ، المشكلة أنه ما اقتنع يترك التدخين إلا بعد ماضاع من عمرنا سبع سنوات زواج بدون أطفال ؟؟؟
بشنو تنصحوني قبل العملية ،
وبشنو تنصون زوجي ياخذ قبل العملية ؟؟
سامحوني سردت لكم قصة حياتي
قصدي قصة معاناتي
ومنكم السموحة
دعواتكم أخواتي خاصة بهاليومين محتاجتها وايد
بشاير فرح @bshayr_frh
محررة
يلزم عليك تسجيل الدخول أولًا لكتابة تعليق.
alsamt
•
على فكرة آنا عضوة قديمة بهالمنتدى لكن ولا مرة فكرت أشارك بقسم الحمل . كنت دايمًا ادوس على جرحي ، واصبر ، ومخليتها على الله لكني الحين حاسه بالتعب ومحتاجه لكم لا تردوني خايبهعلى فكرة آنا عضوة قديمة بهالمنتدى لكن ولا مرة فكرت أشارك بقسم الحمل . كنت دايمًا ادوس على جرحي ،...
الله يفرج همك
ويرزقكم الذرية الصالحة ويفرح قلبك ..
طيب أخيتي زوجك جرب أعشاب تزيد من نشاط الحيوانات ولا بس كل استخدامكم أدوية ..
أنا سمعت أن فيه أعشاب ومأكولات تزيد من عددها ..
وإن شاء الله البنات يفيدوكي أكثر ...
بس بعد ما قريت قصتك ما حبيت إني ما أرد عليك حتى لو بالدعاء ...
ويرزقكم الذرية الصالحة ويفرح قلبك ..
طيب أخيتي زوجك جرب أعشاب تزيد من نشاط الحيوانات ولا بس كل استخدامكم أدوية ..
أنا سمعت أن فيه أعشاب ومأكولات تزيد من عددها ..
وإن شاء الله البنات يفيدوكي أكثر ...
بس بعد ما قريت قصتك ما حبيت إني ما أرد عليك حتى لو بالدعاء ...
alsamt :
الله يفرج همك ويرزقكم الذرية الصالحة ويفرح قلبك .. طيب أخيتي زوجك جرب أعشاب تزيد من نشاط الحيوانات ولا بس كل استخدامكم أدوية .. أنا سمعت أن فيه أعشاب ومأكولات تزيد من عددها .. وإن شاء الله البنات يفيدوكي أكثر ... بس بعد ما قريت قصتك ما حبيت إني ما أرد عليك حتى لو بالدعاء ...الله يفرج همك ويرزقكم الذرية الصالحة ويفرح قلبك .. طيب أخيتي زوجك جرب أعشاب تزيد من نشاط...
هلا أختي alsamt
اشكرك أولا لسرعة ردك واهتمامك ولدعاك الطيب
بالنسبة لزوجي شوي مهمل بنفسه ولا يحب العلاجات بشكل عام ، واذكر سنة من السنوات كان ياخذ عسل مع مكسرات ومدري شنو ، بس ما واصل عليه ، أصلا العلاجات الطبية مايواصل عليها ، فمابالج بالأعشاب ، الله يصبرني بس.
اشكرك أولا لسرعة ردك واهتمامك ولدعاك الطيب
بالنسبة لزوجي شوي مهمل بنفسه ولا يحب العلاجات بشكل عام ، واذكر سنة من السنوات كان ياخذ عسل مع مكسرات ومدري شنو ، بس ما واصل عليه ، أصلا العلاجات الطبية مايواصل عليها ، فمابالج بالأعشاب ، الله يصبرني بس.
ياقلبي عليك
صراحه من كلام الشيخ قالي خلي زوجك يسوي حجامه كل شهر ويشرب القسط الهندي
وقريت قصص كثيره بأن كثير استفادو من الحجامه والقسط للأنجاب .. والله يرزقنا بأذنه
وعلى فكره الشيخ من البحرين اسمه ابو سراقه
صراحه من كلام الشيخ قالي خلي زوجك يسوي حجامه كل شهر ويشرب القسط الهندي
وقريت قصص كثيره بأن كثير استفادو من الحجامه والقسط للأنجاب .. والله يرزقنا بأذنه
وعلى فكره الشيخ من البحرين اسمه ابو سراقه
الصفحة الأخيرة
كنت دايمًا ادوس على جرحي ، واصبر ، ومخليتها على الله
لكني الحين حاسه بالتعب
ومحتاجه لكم لا تردوني خايبه