ألم حاد فبطني فيدوني

السلام عليكم والرحمه بنات
ارجوكم فيدوني تعبت كثير
الشهر الماضي سويت فحص هرمون الحليب وكان مرتفع واخذت علاج بعد الدوره باسبوع نزلت علي افرازات لمده اسبوعين مره بنيه ومره سووداء
وبعدها رجع الافراز الابيض
هالشهر جات الدوره فنفس الموعد دورتي منتظمه وكانت دم اسود مره خفيف ومره وايد كان دم دوره بس لونه اسود ومرات يتغير يصير بني وبدون ريحه يعني اكرمكم الله ريحه دم الدوره غير عن هالدم او الافراز اللي ينزلي
اليوم ال5 من الدوره رحت المستشفي سويت تحليل لان الجانب الايسر وايد يعورني كانه شد وعلئ كل حركه يعورني -سويت فحص بول مافي التهاب بس ما بين معها انه حمل وقالت لي ارجع بالباكر وسويت بعد الفحص وما بين الحمل ولا بين شي بالسونار
والالم ما خف مع اني اخذت ابره مسكن
وحددت لي الاسبوع الياي ارجع اسوي فحص -وقالت لي ارتاح وما اشل شي ثقيل اول مره يصير معي كذا ارجوكم فيدوني شو ممكن يكون هالشي الالم بعده موجود واليوم اخر يوم للدوره بس بعده ينزل الافراز الاسود والبني-احيانا يعورني مع المشي او اليلسه فيدوني بنات ماديتي ما تسمح أتعالج فالخاص والحكومي ما فادني