أمثله مكاويه مع ستي وسيدي......!!!!!!!!!!!!

بسم الله الرحمن الرحيم
السلام عليكم ورحمة الله وبركاته .....

حبيت اذكر بعض الامثله مع قصه لكي تفهموا المثل طيب......
القصه الاول :
لمن كانت ماما صغيره وكان عندهم فرح لوحده من اقاربهم طبعا من زمان كان عند سيدي الله يرحمه عيب البنت تروح فرح ولكن بعد الواسطات والترجي لان يوافق وبعد ما يلبسوا ويتجهزوا يقوم سيدي الله يرحمه يقولهم يابنات انصبوا النامسيه طبعا هم عرفوا انه مافي فرح ويقوم يقولهم هذا المثل
( نومه وتمطيطه أحلى من فرح طيطه )
القصة الثانيه :
لمن يكون عند ستي ضيوف وهي ما تحبهم ولا تطيقهم فلمن نسألها مين جائكي اليوم يا ستي عارفين ايش تقول هذا المثل :
( جومه وجمجومه وبراديه مشرومه )
القصة الثالثه:
لمن ستي يكون عندها شغل في البيت والبنت جالسه تتزين يقوموا يقلولولها هذا المثل :
( بنت المشط والمرآيه )


ويارب يكون عجبكم وفهمتوا كلامي وما يكون مكررررررر