أهلا بكم مشاهدي الكرام .. مستمعاتي الحاضرات << سوقيهـــا بس
حيهم وحي ماجابوا ..
عنتس القهوه والشاهي ياعذوووبه ..
وتعالي يا صانتي < الشغاله تعالي خذي المعجنات من كويفي
والحلى من سبول ... والمكسرات من طنط ام الدحمي
وهـ بس يا تأبوطه شايله ارون عطينيها
ياحلوهمممممم ياناس ...<<< كني بها تدربى من الخلاقين
وفي تلك اللحظات تدخل خياليه ماعندها ماعند جدتي
ماجابت لو قوطي ببسي ...
ايه استريحن بذا ... وعقابا لتس يا خبول تعالي صبي لنا المويه
خخخخخخخخخ
ومير تصب الماء ويطيح منها الكاس ويتكسر عالسراميك ..
ومير تفز ام تأبوط وتقبصها وتاخذ المويه وتصب لنا
والله ماقصررررت بس الشرهه على بني ذا الزمن ماش
ايه وش انا بقول
وهـ بس اشتقت لكم حسبي الله على بليس
مدري وش بلان <<< بتصيح
ايه مير من عقب العيد حق رمضان وهو كل اسبوع امتحانين ثلاثه
وبعض الاسابيع مواصلين كل يوم اختبار تقويم حفظ قصيده امتحان شفوي امتحان تحريري
وجع وجع خلصت طاقتي
وش اسوي انا اشق جيبي اطير اوقع وهـ بس هم ويا ذا الانظمه جعلهم الساحق الماحق والمرض المتلاحق
مير تقول استاذه النشاط لبى عنونها بنسوي لكم يوم مفتوح عقب اسبوعين
مير يقومن البنات ويطيرن من الفرحه ويجهزون ويجيبون افكار ويلصقون اعلانات وشي شي
أول شيء اخترنا الساحه الخارجيه << موب كلها جزء منها واضح وقدام الخلق
ومير نقوم نحوّط الجزء حقنا بــ ( شراع ازرق )
طلع مع الشمس الاضاءه زرقاء وااااااااااااااااااو
أول ركن :
ركن العصيرات والكافي وشعارهـ ( د. كيف ... كيّف راسك مع قهوة ثالث )!!
ومسوين لوحه فوقه زي د. كيف.. فنجان وطالع منه بخار
وبايعين فيه//
قهوه عربيه
قهوه تركيه
موكا
كبتشينو
حليب بالنسكافه والزنزبيل خخخخخ
والعصيرات : عصير الرومنسيه - عصير طبقات - عصير منجا بالفراوله وعدي واغلطي
من ناحية العصيرات والكافي
الركن الثاني :
شعارهـ : ( إنــــتا مافي معلوم عربي... هنا كتاب كويس )<< اوفي مامعناه
مااذكره بالضبط بس كان سجع مدري ايش
المهم : جبنا كتب ومنشورات ومصاحف بعدة لغات وتوزيع خيري للخادمات والسائقين
الركن الثالث:
ركن سيديات من اخراج محدثتكم<< شوي شوي لا يكبر راسك
ايه وفيه سيديات وحقائب دعويه من التسجيلات
وكان شعار الركن ( اناشيد - فلاشات - صور رهيييييييبه .. هنا وبأسعار رخييييييييصه )
كان سيديي ماعليه اقبال ~< ولا سهيل خخخخخ
ايه مير آخذه واروح ادور على البنات << كني احد هنود الحدايق خخخخ
كنت باابيعه بعشره بس مافي اقبال بعته على خمسه
وعاد اليوم البنات يقولون رهيييييييب مره المفروض بخمسين موب بخمسه
قلت ياحلا الله ياانا وش اسوي محد شرا ومانب مرجعتها للبيت
الركن الرابـع:
بوفيّـــــــه وكان شعار الركن ( البرد اشتد .. والشتاء بقا جد .. ايه الحــــــــل ؟.
كشري - ذره - اندومي .. هي الحــــــــــل!! ) خخخخ
الركن الخامس :
هدايا الأم .. كان الشعار : ( أمي حبيبتي تقبلي هديتي )
جبنا صناديق حطينا فيها :
رساله حلللللللوه عن الام - دخون - شريط - كتيب - وحاطين عود وفيه قلب بأول العود وفي العود معلقين ورقه مكتوب عليها بيت شعر
وحاطين فديو وتلفزيون مشغلين شريط نبع الحب لجذب البنـات
وهذا نموذج لهدية الأم..
الركن السادس :
رومانس سنتر ... والشعار ( سلة حلاو سويسريه .. وباقة ورد عنابيه .. لأحلى بنيه سعوديه )
خخخخ وبايعين تحف وفواحات وقلوب وتعليقات وكروت وظروف وخراااابيط
الركن السابع والفلـــــــــــــه:
دكان school خخخخ
وابيعين اشياء قديمه مره حلويات وبطاطس وتسالي وبساكيت
وكان الشعار / ( دكان schoo لكل شيء مهول )
(قص ولزق - شطرططون - مرندا - فشفاش - فازلين ) خخخخخ ( ولجداتنا ذكريات )
ومسوين بسطه وحاطين بجنبه - طشت - فيه مرندا برتقال وغوار بسسسس خخخخخ
مره مره قديم وهذي لوحتنا قولوا تف تراي انا اللي مسويته
وشرايكمممم
الركن الثامن :
( واحة اللعب والمرح )
مسوين دخوليه بريالين والسحب الجائزه على ارض
اللي بتفوز تدخل السحب
ودخلت السحب عدد من الاستاذات ووحده من الموجهــات خخخخخخخ
والله فليناها حتى الموجهات فالينها يلعبون معنا
وفي نهاية الدوام أعلنا بالمكرفون الحين بيبدا السحب مير يتجمعون المعلمات والطالبات
ونسحب الاولى ولا جت
والثانيه ماجت
والثالثه وكلن يده على قلبه ومتحمسين للسحب والهديه حركات يعني ارض موب هوينين حنا
وتجي الثالثه مير نحطها على زوليه ويسحبونها البنات على الارض <<< فهمتو النكته خخخخخخخخ
ايه مير هذا ركن ثالث ثانوي واسمه ( الون الطيف )
وغير اركان بنات متوسط واول وثاني ثانوي
بس ركنا اخذ المركز الاول فعلا متعووووب عليه مره
ايه بس والله ام الفلــــــــه
استانسنا ووسعنا الصدر وبلعنا ولعبنا ودرنا وخالفنا << اهم شيء المخالفه
طبعا البنات شيء مكياج تلفيف وفك شعور << مدرستهم معقده بهالاشياء
بس انا جايه اسحب عمري عيوني حتى الكحل ماطبها خخخخخ
والله مستحيه من المعلمات يخي وييين صعبه
يوم رحت البيت مير اطييييييييح ظهري آآآجعن ومساميري تفككن
يوم جاء اليوم عاد واجي أم الزهق صديقتي اللي بنفس الفصل غايبه
وأنا تعبانه مره جايتني بنت الاجواد عقب شغل وكرف امس
مير مادرسنا الا حصه وحده وانا من الحصه الثانيه ادق على اهلي ابي موستسفى
ولاحد جاني قعدت جيزي جيز غيري الين 1.30
مير ماصدقت اوصل الا نومه لين العشاء
قضى الحتسي ..
بس تكفون يالحكومه خلو الماضوع هنا بالترفيهي لا تنقلونه للدور الفوقي ...
وسامحونا يالاجواد عالقصور مارقت احط لكم سمايلات .. قاعده اكتب لكم وانا اكحكح واعاطس
وبغيب بكره << حرررره تأبوطه وخبوووول
ايه واسعدها من ساعه يوم شفتكم وقابلتكم ..
وهـ بس ياحوووووبي لكمممم ..
إني احبكم .. نعم احبكم .. ايام عمري كلها تدور حولكم خخخ
في الصبح والمسا .. اظل جالسا .. بقربكم اهدي الهنا .. وادفع الأسى..
حمامة فراشـة ادوووور حولكم.. خخخخخخ
وترى والله ودنا باللي تشر وتولع خخخ<< تميز قصدها هع
فائـــــــــــــــــــدهـ:
قال بعض السلف:
لو أخرج أهل النار منها إلى نار الدنيا لقالوا فيها ألفي عام. يعني أنهم ينامون فيها ويرونها برداً.
خابرته تحب الكرسي الاول خخخ:icon32: