اختي مشكلتها انها تصحى الصبح ترجع تنام ماخرة وتصحى الليل ولما انام تكون هي في عز نشاطها لكن تنجبر على النوم واذا تركتها في غرفة لحالها ما اكون مطمنة لانها مرة شقية يعني لو كان فيه ضو حتى لو بسيط حتتحرك وممكن تسوي شي بنفسها

مشكورة اختي حواء على الرد

ههههه مشكلة المكنسة مع الكل ... :) ..

انا بنتي عمرها 8 شهور .. اول مرة شغلت المكنسة قدامها خافت وصرخت .. بس من شافتني وانا اضحك بوجهها وألعب معاها والمكنسة بإيدي اطفيها وارد اشغلها على اساس انها لعبة مو شي مخيف .. خلاص اخذت عالوضع كل مرة اشغل المكنسة صارت تطالعها واصلاً ما تتحرك من مكانها ليييييما اخلص من الكناس بعدين تبكي شوي بكي دلع .. وانا اضحك معاها من بعيد فتطمئن ان مافي شي وتسكت ..


بنات اللي عندها عيال بأعمار 7- 12 شهر ..
شو تعطونهم من اكل ؟؟؟ والحليب جم رضعة تعطونهم في اليوم ؟؟

حبيت اشارك باللي اسويه مع بنتي لأمهات الاطفال اللي اصغر من بنتي ان شالله افيدهم بشي .. :)

انا اعطي بنتي 3 او 4 رضعات باليوم بس من حليب COW & GATE المكمل الغذائي مو حليب الوجبة الاساسية ..
لان يقولون الاطفال من 7 شهور وصاعد الافضل ان تقللون كمية الحليب لهم ولا يكون هو الوجبة الاساسية لهم ..

اما بالنسبة للأكل .. فقسمت لبنتي وجبات باليوم .. مثلاً ..

* الصبح عادة الساعة 10 تقريباً / من تقعد من النوم اعطيها الحليب " اول مرة" ...

* الظهر الساعة 1 او 2 / اعطيها بسكوت فارليز اغمسه في عصير برتقالة طازج واذوبه ليما يصير مثل الهريسة واعطيها ...

* العصر / .. اعطيها الحليب .. "الرضعة الثانية" لانها تاخذ غفوة .... > بعض المرات تكون غفوتها ظهرية ومرات عصرية.

* المغرب / اسوي لها شوربة احط فيها " بطاط جزر كوسة ربع طماطة وربع فلفل اخضر" ... وربع مكعب مرقة الدجاج. بس و اخليه ليما يفوح ... بعدين اهرس الخضار مع بعض واعطيها ..
>> مرات تاخذ لها غفوة ثانية مغربية ..

* عالليل مثلاً الساعة 8 / ... اعطيها روب الفواكه الجاهز " روب الفراولة - روب الخوخ الخ" ...

* وعالساعة 10 / .. الحليب .. "ألرضعة الثالثة" .. للنوم .

بعض المرات تقعد من النوم على الفجر واعطيها "الرضعة الرابعة" .. بس بعض المرات تكمل النومة الى الصبح ماشالله عليها .


والاكلات الثانية اللي ادخلها .. :
- بزاليا و فاصوليا وجزر مكعبات .. مع شوية معجون الطماط .. وشوووية بهار للنكهة .
- موز وفراولة مهروسين مع بعض .
- شوية رز من اكلنا .. حتى لو معاه خيوط دجاج وشوية بطاط عادي .. اهرسه لها..

اممم .. تقريباً هذا اللي اعطيها .. واحاول هذي الايام افكر بأكلات يديدة لها وادخل لها نكهات غريبة عليها عشان تتعود على كل انواع الاكل ... مثل شوربة عدس .. شوربة كريمة الكوسة .... قرع مسلوق مهروس .. الخ

بالنسبة للشراب .. : ماي طبعاً ... و عصير برتقال طازج مخفف بالماي للطلعات .. واحياناً عصير تفاح " خاص بالاطفال موجود بالسوبرماركت " ..

وبعض المرات اخليها هي لوحدها تمسك الاكل وتتعلم تاكله .. مثل جزر .. تفاح .. بسكوت .. والفواكه الصلبة عشان ما تغص فيها ..

اتمنى تشاركوني بأفكار وانواع الاطعمة اللي تقدمونها لأطفالكم .. :) ..
واتمنى اني افدت الامهات اللي يحتاجون امثلة لأطعمة الاطفال ..

حبيبتي حاولي تسوي مثل ما اسوي مع بنتي .. صح ان بنتج اكبر .. بس هذا يعني اسهل للتفاهم .. اضحكي معاها من تجيبي المكنسة .. خليها هي تمسكها بإيدها .. عامليها معاملة لعبة بإيدها .. عشان تتعود تساعدج بأعمال المنزل ان شالله ...
افتحي المكنسة وطفيها وضحكي معاها .. خليها تتعود شوي شوي .. حاولي تفهميها ان مافي شي مخيف .. وانها ما تعور .. وان المكنسة ساكتة مكانها ما تتحرك " بطريقة عقول الاطفال حاولي توصلي لها المعلومة" ..

ومثل ما قلت عوديها تساعدج في اعمال البيت .. مثلاً قبل الاكل خليها تودي الاشيا الخفيفة الى طاولة الطعام او سفرة الاكل .. مثلاً مملحة .. سلة خبز .. او اي شي عندج مو ثقيل عليها او مافي شي ينصب ..
وبعد الاكل عوديها تشيل وتوديه المطبخ وصفقي لها ..

ولد اختي عمره سنة ونص انا اعطيه الاشيا من السفرة اقول له ألحق امك روح ود الاشياء معاها .. ويروح يسمع الكلام فرحان يحليله ماشالله عليه ..

بالنسبة للظلام انا عودت بنتي من اول شهورها تنام في الظلمة .. عشان من تكبر ما تخاف منها .. وهالايام من اطفي الليت واضحك معاها بالظلمة اشوفها تضحك .. يعني تحب تلعب بالظلمة ! صارت لي مثل القطوة ماشالله عليها ههههه

حاولي تسوي نفس الشي مع بنتج .. ضحكي معاها لعبي معاها .. فتحي الليت وطفيه .. او اذا عندج ليت يدوي ..

بالنسبة للنوم .. خليها تلعب ليما تتعب .. لا تاخذ غفوة نهارية ابد .. صحيها بدري عادي لمدة اسبوع عشان تعلميها على نومة البدري ..
سبحيها ليلياً قبل النوم طولي في فترة السباحة بماي دااافي .. سوي لها مساج .. المهم اي شي يتعبها .. وشوفي لمدة اسبوع ان شالله تتعلم يارب..

عقدة الخوف في الاطفال ما تجي من فطرتهم مستحيل ... لازم تعلمينهم يمشون على اللي يشوفونه من امهم وابوهم ..

مثلاً بنتي تتعلم تمشي هذي الايام .. من تمسك شي توقف وبعدين تطيح تطالعني بنظرة استعداد للبكي .. بس انا اصفق لها عالطيحة واقول لها " هيييييييييي" .. ! فبعض المرات تضحك وتنسى انها طاحت وما تبكي وبعض المرات اذا فعلاً تعورت تبكي شوي بكي دلع وبعدها تسكت اذا استمريت اضحك معاها .. وكل مرة نفس الشي ..

الافضل ان الام ما تهوّل من الموضوع لو شافت طفلها يطيح يتألم ينجرح او يصير فيه اي شي لان هذا يخوف الطفل زيادة ..

واتمنى اني اكون افدتج حبيبتي .. والله يعينج على بنتج .. صبري معاها ليما تتغير ان شالله .. :)

انا اعرف ان المكنسة عن الاولاد تخوف اللي اقل من سنة بس لما كانت بنتي صغيرة كانت تنسجم عادي مع صوت المكنسة والات الكربائية هياول ما تسمع صوتها تخاف وتنط من مكانها بس تلمسها عادي هي ما تخاف من المكنسة تخاف من الصوت وترجع تنسجم مع الصوت بس اطفيها لحضة وارجع اولعها يسير نفس الشي

انا ابني لما كان سنة كان يخاف منها بس كنت الاعبة وابوه يلاعبة ويمسكة المكنسة..ولما كان يصيح احيانان اتركه يصيح وهو يسكت وحدة لين ما تعود