أمي تبي مشورتكم في موضوع اخوي

السلام عليكم ورحمة الله وبركاته
امي الله يطول بعمرها ويحميها تستشيركم بموضوع اخوي ولما اروح لها ان شاء الله بقرا لها ردودكم ودعواتكم
.
اخوي عمره 26 سنه قبل سنتين تخرج من الثانوي وحاليا يدرس بالجامعه مشكلة اخوي لما كان عمره 15 سنه صاحب رفقاء السوء وهم اكبر منه بسنوات مما ادى لسجنه بدار لاحداث لمدة سنه وشهر طبعا هذيك الفتره ابوي متابعه بالمدرسه وادا سهر برى البيت او تاخر يربط رجله بسلسله و امي تلف الحي وتدق على بيوت الجيران تدوره ولا تلقاه فكان خارج سيطرتهم وكانت هذيك النتيجه والموضوع مر له اكثر من عشر سنوات وهو حاط في بااله انه خريج سجون وداشر وغير مرغوب فيه بالعايله وان وده ينتقم من ابوي لانه ما انتبه له ويعاقبه بالسلسله برجله زي الحيوانات وماتفوق مثل اخواني من ابوي واحد من اخواني دكتور والثاني مهندس ( ماشاء الله ) وابوي فعلا ماكان يدعمه مثلهم وكان هذا الشي واضح ويغار منهم غيره شديده لان ابوي فخور فيهم وهو لا وحاط اللوم كله عليه انه هو الي وصله لهذا الحال ومامد له يده مثل اخواني ... اما وضعه مع امي امي تخاف منه وعليه من نفسه كل مادخل هزائها اويرمي كلام عليها ويقولها انتو منتو دارين على البيت
بنتك ( على اصغر اخواتي ) تتاخر في الجامعه وماعندها محاضرات > يشكك اهلي فيها
انا واخواتي متزوجات لما نجتمع عند اهلي نجط بناتنا ونروح السوق مع السواق يجلس يشكك ابوي فينا يقول ترى رجالهم مايدرون انهم خارجين تراهم خرجو من عندنا ورجالهم يحسبوهم عندنا > ادري ان كلامه قوي بس تفكيره بالكل كذا ان الكل منحرف ومحد داري عن احد
كل كلمه والثانيه قال لامي والله لا اقتل واحد فيكم بس ما ابغى اوسخ يدي فيكم اختي الي في الجامعه تقول شكله يقصدني صارت ماتخرج من غرفتها ابد ابد ابد ولما تنام تقفل الباب على نفسها تخاف يقتلها
ويقول لو عندي فلوس ماجلست عندكم يا ... و يا .... دقيقه
طبعا هذه الامور الي صارت له في سن المراهقه وتاخره الدراسي مأثره جدا عليه ويغار من الجامعيين ونظرته لعايلتنا انها ضايعه ومالها كبير وان ابوي ظالم و مو داري عننا
وهو يتقمص شخصية خالي ( ثري جدا ) يتكلم بنفس اسلوبه نفس مصطلحاته جلسته مشيته اي شي خالي يسويه ويقوله يسويه احس نفسه يكون مثله ويشوف هذا الشي بعيد عنه ومحطم نفسه بنفسه مع انه حنون وكريم ويحب اخواني الصغار ( في المدرسه ) وبناتنا وكل ماجاته فلوس اشترى لامي هديه ولا لبناتنا العاب
انا لي 8 شهور متخاصمه معه ما اكلمه بس قدام زوجي يسلم علي ولا كانهبيننا شي وعند امي يسب فيني
الي ابيه منكم الله يستر عليكم دنيا واخره
1) ايش الاسلوب الي امي لازم تتعامل معاه فيه ؟ تخاف تسلمه زمام الامور ويتجبر عليها وعلى اختي واخواني وتخاف تطنشه تزيد حالته سوء
2) انا اقترح على امي تزوجه ممكن الزوجه والذريه تحلي الحياه بعينه ويغير نظرته لها .. وش رايكم ؟ طبعا امي تقول مستحيل اظلم بنت الناس فيه .... وكلنا معاها بهذا الشي بس ممكن يكون حل وغافلين عنه
انتظر ارائكم للي مرت عليهم مثل حالة اخوي
والي ماعندها رائي ياليت تدعي له بالهدايه وراحة البال