أمي وشغالتي ونفسيتي

بصراحة تعبت وملـــــــــــــــــــــــــــــيت قلت مالي غيركم افضفض واتناقش معاكم


مشكلتي مع خدامتي اللي أمي ماتبغاهاااااااا
مدري أمي الله يهديها وش سالفتها ماتبغاني أودي خدامتي بيتهم
المشكله تبدأ
انا موظفة ودوامي طووووووووويل ومااحب اخلي ولدي مع الخدامه بالبيت لحاله ما أأأمن ابد
كنت عايشة في أماااااان يعني اطلع الصباح ولدي يكون نايم يصحى على 9 ونص 10 تاخذة الخدامة وتروشه وتغيرله وتروح معاه عند ام زوجي لاني انا ساكنة معاهم فتاخذ ولدي وأغراضة وتروح هناك يعني أكون متطمنه على الاخر ان ولدي في أماااااان
مرضت أم زوجي وتعبت ودخلت المستشفى وجلست فتررة صرت اخذ ولدي بيت أهلي وكانت شغالتي فلبينية وامي ماتحبها ابد تقول انها تخرب شغالتهااااااا من ناحية الجوال ووووووووو علما أن شغاله امي كان عندها جوال قبل شغالتي ....... المهم مشيت الموضوع وديتها كم يوم مع ولدي بعدين امي قالت لي لاتجيبينها تلهي الشغالات عن الشغل وانها عندها شغالتين وماتحتاج لثالثة وان ولدي هي اللي تقوم فية وماتخلي الشغاله تسوي له شئ <<<<<< يعطيها العافية بس انا الشغاله بعد جايبتها لولدي وعلشان تريحهم بعد فترة انا قدمت اجازة من العمل وجلست مع ولدي بالبيت وزوجي مع امه في الريااااض جلست خالتي أم زوجي تقريبا شهرين بالمستشفى طبعا انا رجعت للعمل في هذي الفترة وصرت اخذ ولدي بدون شغااااااله بعد فترة سافرت شغاللتي وجاتني شغاله جديدة طبعا من اللي بيعلمها انا موظفه ومو فاضية ومستحيل اخلي ولدي عندهاااااا
وديتا بيت أهلي مع ولدي استمرت اسبوع ورجعت امي لنفس المووووووال لاتجيبين الشغاله كانوا خواتي الكبار جالسين واستنكروا لأمي الموقف وكلموهاااا مافي فايدة انا انقهرررررت والله اني كنت ببكي ليه طيب هذي شغاله وجديدة يعني من اللي بيخرب مين ؟؟؟؟؟؟؟؟؟ وخواتي قالولها من بيعلمها وهي لسه جايه وانا مو بالبيت يعني مااقتنعت

الحمدلله أم زوجي رجعت ومااحتجت اني اخذ ولدي عند امي بعد فترة ام زوجي الله يشفيها رجعت مرة ثانية وعندنا لنفس المواااااااااال صرت اخذ ولدي مع شغالته بيت عمه واتحججت عند زوجي ان بيت اهلي بعيد والصباح مافي وقت ومن جد قمة البهدله والمشوار يعني لازم اطلع ساعة علشان امر بيت اهلي اروح دوامي
ااااااستحي اخذ ولدي بيت عمه واهلي موجودين وديتة وبنفس اليوم اتصلت علي امي وانا بالدواااااام قالت لي هذي أخر مرة تجيبنها ولدك حياه الله مانعجز عنه وعندنا شغالاتنا مانحتاج تجيبينها وحطت ابوي بالموضوع انه هو اللي يتضايق من الشغاله
بنااااااااااااااااات شرايكم انا تعبت نفسيا من هالسالفة وامي وديت ولدي بيت عمه وانحرج صراحة كل يوم اودية هنااااااااك وانا ماابغى اودية بيت اهلييييييييييييييييييي ابد لأن امي ما عندها سالفة الله يهديها يعني تقول لاتجيبين الشغاله ومن الساعه 7 الصباح تحرررررق جوالي وجوال زوجي تسأل ليه ماجبتوا ولدي .....
حتى زوجي يستغرب يسألني لية ماتودينةهناك امك كل يوم تتصل تقول فقدناة مانشوفه ليه وليه ....
امس بس قلت له ان امي ماتبي الشغاله استغرررررررررررررب كثير يقول وش الفكرة ؟؟؟؟؟؟؟؟؟؟ الى اليوم يسأل ليه امي ماتبغى الشغاله ومصر اني اسألها اذا شافت منها شئ زلا ليه ماتبغاها يعني عمري ماشفت احد يحط دوبه ودوب شغااااااله
طولت عليكم بس من الحرة والقهر
لاتقولون اسألي امك لأني ماابغى اكلمها في الموضوع خانقتني العبرة من تجي السالفه مااقدر اتناقش معاها امس رحت بيتهم وكأني غريبة مو طايقتهم
ساعدوني بليززززززززز