أم انوسي وين رحتي

الله يجزاك خير

الحين ودي أسألج .. لو فرضنا أختج لا سمح الله صادقة .. شو بتسوين ؟؟ بتتطلقين ؟؟ وين بتروحين ؟؟ عند أمج ؟؟
من الاخر اقفلي السالفة واقفلي التفكير فيها .. سالفة قديمة عفا عليها الزمن قبل 15 سنة .. لو كانت فعلا صارت .. قاعدة تفكرين فيها ومرتفع ضغطك وتعبانة !!


زوجك اللي أخذك وأعزك وقدرك .. وفوقها عمهم بالرضاعة .. يعني مافيه مجال هالكلام اللي تقوله اختك صح ..


طنشيها وقوليها حتى لو صار زوجي أكيد ما يقصد وتعرفون فلان قلبه نظيف وطيب ..


وطلعي هالقصة من مخك ..

صباحك سكر يا سكرة
ليه تتعذبي عمري وانتي تمتلكي العافية
كل شيء يعوض الا ..
العافية من وين نعوضها ونجيبها !!
اللهم صل وسلم على نبينا محمد
حبيبتي ..
الان انتي بالاصل مو مصدقتها وشاكه فيه مع انك
مصدقته
فعلشان ترتاحي
فراحتك من هنا تبدأ من الأساس
1/ امك ..
ما حقولك لا وليش تتكلمي عنها وتحبك ووو
بس بأقولك ترى هي مثلك ما بعدت عنك
عاشت بنفس البيت اللي تربيتي فيه
ومع نفس الأم اللي ربتك بسألك ..
كيف كانت تربيتها ؟
ما قلتي كيف كانت معاك بس اللي لاحظته
انه يكفي انه عندك مكان يلمك وانتي صغيرة
امك ..
اخراج نفس البيئة والتربية وضعي ببالك
ترملت بدري ومعاها طفلة ..
وهذا مو عذر ولا مبرر لها في التقصير
ونقول اللي عملته صح
هي غلطت وقصرت في حقك كثيير وبتاخذ جزاها
بس كمان بأقولك في كثييير مثلك ..
وممكن حالهم اردى مالقوا بيت جد او جدة واتربوا
عند قرايب او في دار رعاية
و بعضهم مع اهلهم وعايشين نفس حالك
واعرفي قلبي كثير مايتنفسوا ببيت امهاتهم
وراضيات بحالهم ويحاولوا يعوضوا
اولادهم الحب والحنان اللي فقدوه ويعززوا في
قلوبهم حب اولادهم لهم يكملوا بعض يعني
امك فيها ايجابية تدري ايش هي ؟
انها على الرغم من هذا تسأل
ايش اكلوك وشربوك في نفاسك
يعني تأكدي لو عرفت بقصور بتحاول تسدد
حكاية تعالي ضحكي اخواتك ..
خذيها بإيجابية تدري من طلبها هذا عرفت ايش ؟
عرفت ان شخصيتك حلوة واجتماعية وتدخلي
السعادة بقلوب للي تكوني معاهم
يعني لك حضور وقبول وجمال
ويتضح كمان شخصيتك انها
قوية وممكن تصقليها وتصبحي مميزة وقوية اكثر
على الرغم من الظروف اللي حاصرتك
منها رفضك للخطيب الاول
واصرارك على الرفض على الرغم
من تهديدها وهواشها لك
ونجحتي ولله الحمد
و لفلفتك على بيوت الجيران حتى
يجلدوا لك كتبك ويحفظوك تظهر شخصية قااادرة
على تصريف امورها وتحب تكون مثالية وتتفوق
في دراستها
وكذلك في اكمالك للمعهد
وذهابك للغسيل واالاهتمام بما تعطيه امك لك
من مهام نجااح اخر تبارك الله
قلبي ..
فيك ايجابيات تجعل امك تخاف على اخواتك اكثر
لأن
ماعندهم نفس شخصيتك وقدرتك على مواجهة حياتك
وهذا كمان ما يعطيها الحق في التقصير معاك
لأنها قصرت بأهم شيء بالحب والحنان معك
وفقدت هي ايضا نفس اللي فقدتيه
بالترمل مرتين فقدت الحبيب والخوي لها في حياتها
هي الان وحيدة وبناتها وان كانوا حولها
ما حيملي قلبها الا وجود رجل بجنبها
امك قصرت في حقك واليوم وامس تجرعت
مرارة فقد الحب والسند والأمان
يعني هي تعاني وان لم تظهر هذا
2/ ضرب اخوانك لأولادك
مو من حقهم يضربوهم الا لسبب وبالوجه لا
دافعي عنهم وامنعيهم واحميهم
واذكرك ..
اذا انتي ما اعطيتيهم الحنان مين بيعطيهم !!
اولادك حياتي وتبولهم اللا ارادي وحالتهم النفسية
مصدرها الاكبر منك انتي
انتبهي حبيبتي .. امك ثم انتي ثم ..
فلا يكونوا اولادك يكملوا بقية السلسلة ..
تقولي فاقد الشيء لا يعطيه
طيب مين اللي قال هذا ؟
ومين قال ان المشاعر والاحاسيس
و الحب تتحكم فيها مقولة !
هذه تعني اشياء اخرى دنيويه بعيده
كل البعد عن المشاعر والحب والحنان
الطفل مجرد ما تشعري فيه بداخلك تنشأ علاقة
حب عظيمة جعلها الله في قلب الوالدين وهما
لسه ما شافوه ولا عرفوا نوعه
مجرد تحضنيه وترضعيه ويكون بجمبك
تتمني تعطيه اكثر ..
ما ذنب اولادك !
ما تعطيهم حقهم في زمن كثرت فيه المغريات
ويعرفوا من الكرتون والالعاب حتى
اهمية ..
الحب والحضن والتقبيل
ومايعرفوه حقيقة ولا جربوه واكيد يتمنوا
حضنك حبك احتوائك
انتي انشغلتي يا قلبي بماضيك وتجتريه كثيير
وشبعتي نفسك بأن فاقد الشيء لا يعطيه
واولادك يكبروا وهم ما شعروا باللي تطالبي فيه
اول وتتمني امك تعطيك هوا تعطيك اهتمامها
وحبها وتعلمك اشياء انتي اولى من اخواتك فيها
طيب تعرفي مطالب النفس فلا تقصري ياقلبي
معاهم ولا تعتقدي انوا حرمانك هو سبب عدم
احتوائك لهم
غلطانه حبيبتي .. انتي انشغلتي بالماضي وبزوجك
و اخواتك وتركتي امانة بيدك محتاجة
انك تعطيهم الحضن والحب والاهتمام
ولو غصب عنك
فاكيد شعورك يرفض بس بالتكرار والمحاولة
بتنجحي وابعديهم عن اهلك خلي روحتك عندهم
ساعه ساعتين وارجعي لا تطولي ابدا
ولا تسترجعوا الماضي ابدا ولا تسمحي
ولا تنساقي ورى افكار تعيدك للماضي
ماضي لن يتم تصحيحه مهما حاولتي
اولادك حاضرك ومستقبلك اهتمي فيهم
وحتتغيري كثبير من اجلهم
هم عيونك وقلبك وروحك
اذا ما اهتميتي فيها حتمرضي
في احد ما يهتم بنفسه وعيونه ؟
اذاً .. طلعي مشاعرك المدفونة داخلك
صحيها وشغليها وابدأي من جديد
3/ اخواتك ..
ما قصرتي معاهم وهم كمان ما قصروا معاك
وهذا واضح يا قلبي في من تجلس عند اولادك
وانتي بالمعهد وفي الي خدمتيها ورجعتيها لزوجها
واللي توصلوها بس في اخطاء هي سببت الفجوة
بينكم ..
فحاولي لمن تكوني بزيارتهم انك تقفلي على الماضي
حقكم انتهى خلاص مات لا تطلعوه من قبره
لا اختي كانت ولا كنت ولا ايش عملت وعملت
خلينا في الان كيف الوضع ؟
وحيتحسن الوضع ب ..
اجعلي لك خصوصية .. حياتك احيطيها بسياج
ما يتعدها احد ولا تطلعي منه شيء
لا تجيبي سيرة زوجك لابخير ولا بشر ولا اي شيء بتاتا
اولادك امورهم شخصية لا تسمحي لاحد يتعدى
حدوده عليهم ولا تطلعي اخبارهم
زيارتك اكرر لا تطول فيخلص الكلام ويبدأ
البحث في الماضي
لمن يكون في خط احمر لحياتك ولحياتهم وكلا مشغول
في اموره راح يتتهي القيل والقال
4/ اختك قالت زوجك يتحرش فيها ..
الان ؟
بعد عشرة عمر ؟!
تعرفي انه في بعض الاخوات
اذا عرفت ان اختها مرتاحة وزوجها يحبها
تفكر تدبر مشكلة حتى تقلق حياتها
وتدمرها وتفقد ثقتها بزوجها وتعيش مهمومة !
اختك والله اعلم من هذا النوع
وان كانت صادقة مثلاً .. فكري ..
ليش ساكته كل هاذي السنين ؟
ايش غرضها تعلم الان عنه ؟
وانتي قلتي كانت معاه وكان رمضان ؟
هل تتوقعي زوجك بعيد عن الله لدرجة انه
يخون محارمه وبرمضان ؟
فكري ..
قلتي عمها بالرضاع ..
هل تتوقعي عم يتحرش ببنت اخوه
خصوصا لو كانت تناديه عمي ؟!!
طيب نقول لو حصل هذا ..
هل استمر ؟
قالت تحرش ما قالت على علاقة يعني .. لا
يعني كانت تتبرج واسلوبها يفتن ؟
يعني هي السبب وكانت بتضيعه
طيب نجي للأهم ..
هل كان يعاملك بقسوة ؟
هل كان يحقرك يضربك يحرمك يعايرك ؟
اذا .. لا
فالحمد والشكر لله تعالى انه عوضك بأجمل
وافضل واروع واخير مما رزق امك واخواتك
اشكري الله انه عوضك وتقربي منه اكثر
اكثري من الاستغفار والتسبيح تسعدي اكثر
وانتبهي من الشيطان ووساوسه وعيشي حاضرك
بسلام وحب وايقضي قلبك من سباته
صحيه خليه يطلع الحب المحبوس بداخله
زوجك واولادك هم الان حياتك
لا تفتحي موضوع اختك ولا تتناقشي فيه
ولا تسأليه وان سألتيه وبرر لك فصدقيه
واختك ان كررت الكلام
ردي عليها بثقة ..
زوجي وواثقة فيه وان كان حقيقة كلامك
فالسبب اهمالك للحجاب وتبرجك
لكن انا قلت خلي لك حدود بتتعلم غصب
عنها تحترمها وما تتعداها
وارحمي نفسك من الالم والتعذيب النفسي
لأنك جالسه تسقطي الماضي على قلبك وقلبك تعب
كفاية شكوى وكفاية سؤال
طالعي حولك الان ..
بيت واولاد وزوج وحياة كريمة
ايش تبغي اكثر ؟
الاكثر هو انك تطلعي الحب المكبوت بداخلك للي
حبوك وقطعة منك وللي حضنك وقدرك وساندك
اولادك وزوجك وبس هم الحاضر والسعادة
والماضي ادفنيه وامشي لقدام
بري في امك لوجه الله تعالى
وصلي اخواتك لوجه الله تعالى
وحبي واحتوي زوجك
انتي بطله لأنك تجاوزتي ظروفك وكملتي حياتك
فلا تسمحي لميت ان يقتل حي
والله معاك فقط قولي .. يااااارب
اتمنى قدرت اريك بفضل الله
ودمتي بسلام 💚

لو كنا نستطيع تصحيح ماضي مؤلم .. .
لكان من اجمل الأمور فليت الماضي يعود
ولو كان سبعود لما لصقت به كلمة غداً أجمل
فعيشي الحاضر وعوضي به ما فاتك من سعادة
وكوني كأسمك صفحة بيضا نظيفة
اكتبي بها حياة جديدة مثالية
الحياة التي كنتي تتمنينها فعلاً
ولكن !!
بعد قطع السلسلة القديمة