شغالتك اللي كانت عندك وتنزليها عند اهل زوجك كنو تعطوها زيادة على راتبها يا ترى ولا ؟؟
ولو شغالتهم الحالية جاتك نظفت لك بيتك تعطيها حقها ولا بس تاخذ راتبها؟؟

جيبي شغاله بالساعه وحطي زوجك امام الامر الواقع .. عيالك لو بيلعبون سيكل شي فيه ركض خل يلعبون بالحوش
المجالس حقتك تنظفينها وتقفلينها بالمفتاح عشان لو جا احد علطول تدخلينه المجلس ويشوف النظافه
مابقي شي الا الصاله وغرف عيالك .. الصاله بس مكان للتلفزيون علميهم اذا معهم شي بسيط يخلصون ويرتبونه وراهم انتي دققي وراهم الي يخلص ارجعي ناديه قولي رتب هالغرض بعدك .. لازم هم يساعدونك كمان .. يعني اوقفيلهم عالوحده ..
وخلاص غرفه نومهم تتقفل لو نزلو تحت صكيها بعدهم
مابتجي امه وتدخل غرفه غرفه وتفتش
مالك بالواجهة الا الصاله لانها بصدر البيت نظفيها ترا مب صعبه ابد اذا اعتمادك ع غرفه وحده

الله يعين ع لقافة العجز
مدري انا اشوف مالها دخل في نظافة بيتك او وصاخته
اهي دخلت بيتك فجاءه يعني ممكن تلاقيه نظيف ومممكن تلاقيه وصخ
انتي ماعزمتيها ودخلت ولقت بيتك وصخ .... اهي تلقفت ودخلت فجاءه عليك

👆🏻👍🏻كلام سليم ورايي من رايها

ياابنت الحلال طنشي ولاتقفين عند كل كلمه يقولونها ..رضى الناس غايه لاتدرك ..وعمتك مكان أمك اعتبري اللي قالت هالكلام أمك اكيد مابتزعلين ..
يمكن عمتك من النوع اللي ينتقد وكذا ..أم زوجي تممموت ع النظاااافه والحرمه اللي لبسها وشكلها مو نظيف مره ماتشررب قهوتها ..انتي أحمدي ربك ع كل حال ..ولك ظروف صحيه مايدرون عنها . لكن عشان ماتنحطين بموقف محرج ..


حاولي تنامين انتي وعيالك بدري
اول مايصحون بعد مايفطرون لبسيهم ونظفيهم زين زين ..لأن الطفل مرآة أمه لو كان وسخ يرجع لأمه والعكس..وخليهم ينزلون بكيفهم اذا صاروا نظيفين لو جاهم ضيوف اكيد بيقولون عيال فلانه
نجي للنقطه المهمه ..أول ماتصحي خذيلك شاور راح تحسين بنشاااط وحيوية ويطير عنك النوم والخمول . أستعيني بالله وابدي شغلك مواعين بعد كل وجبه غسليها ونظفيها وقفلي المطبخ ..رتبي الصاله مو شرط كنس يومي شيلي القراطيس ورتبيها ..الحمامات نظفيها ..فيه زبايل ع طول طلعيها عشان مايروح البيت ..غرفة نومك رتبيها وعطريها المجالس اكيد بتكون مقفله مافيها شي ..شفتي كيف الشغله بسيطه ..شيلي اللي طايح ع الأرض ملابس قراطيس ..وعلمي أولادك ع النظافة والترتيب ..خلصوا من العصير يحطونه بالزباله ..والأخير بخررري بيتك وانتهى .
عشان لو طب عليك أحد مايلقون عليك دررب . انا معك مرات تجينا ظروف نتعب ..سواء حمى وسخونه ومافي حيل تتحركين ..لكن خلي هالشي روتين يومي عندك .. عشان لو دخلت بيتك بعدين ماتلقى عليك درب