أنآ وأخوي وعطووووووني حل .. الله يسعدكم

بسم الله الرحمن الرحيم

أولا " السلام عليكم الله يوفقكم يارب

) إذكروا الله وصلوا على النبي (

بدخل الموووضوع
بنإات انا بثالث ثانوي والحمدلله محترمه وأهلي يثقون فيني يعني لي كلمتي وما عمرهم حسسوني بأني صغيره أو مراهقه خاصه هالسنه ..

وأخوي الله يهديه بثاني متوسط مره يوم جاء الليل وقت متأخر قال بطلع مع ولد جيراننا ووبنسولف وخليته يروح طبعآ ماقلت لأهلي لأن يقول بسرعه وأجي وانا مابغيت أرده بس والله خايفه عليه .. أدق عليه واتطمن واقول وصلت ولا لا .. كان ايام البرد

المهم مالكم بالطووويله ..
اليوم طويل العمر الله يحفظه كرر نفس الحركه لما رقيت لغرفتي نزل تحت وطلع .. وإحنا بالليل .. وأهلي شيء طبيعي نايمين .. عرفت إنه طالع ودقيت عليه من جوال أمي وقلت وينك ! قال عند فلان قلت تعال ولا علمت ابوي بسرعه قال نص ساعه قلت تعال إخلص .. وأحس إرتبك 

صرآحه ما أحب أحد يعاملني كذا وندمت إني هاوشته ليتني قلت إخذ راحتك واستانس وإذا رجع له حساب ثاني ..

وش أسوووووي فيه .. 
مره هاوشته قال إي تحسبيني راكب سياره وأفحط » والله ما أفكر كذا انا
بس من جد خايفه عليه بقووووووه

أنتظر ردودكم الله يرفع قدركم ويغفرلكم وصلوا على النبي .. 

واللي ماعندهآ رد .. تكتب أي شيء فيه ذكر الله وتدعي لي ولأخوي .. الله يجزاكم الجنه