أناشيد تراثية اوقصايد

شكرا على الاناشيد

امممم ... اممممم ... خلوني أتذكر

نحن هل الامارات عدنا واايد و منها ....


ولد عمي ما بغاني ... تنقى علي واختار

تنقى ام السلاسل .. ام الشغاب الطوال

حلفت انا لزامط .. بالند وبالبياض

-----------------------------------------------------

يا عليا اقومي ركبي ... بيقودبج علوه

المطرح والزوالي .. جدامج ربعوه

نهار ما صبحتي .. المدفع ثوروه

الحلوى في القواطي .. والنخي نثروه

---------------------------------------------------------------

يافاطمة بنت راشد .. يا شيخة البنات

انتي قصيره وبيضا ... والخشم مكعبات

يا قصة يا نثرية ... تنثر على الحياة

-----------------------------------------------------------------

ياعليا بنت ابوها ... والخطاب اخطبوها

سبعة ورا البيت .. والثامن عند ابوها

واحد يدق الزعفران ... والثاني يقول يا ليتني خادم ابوها.

-----------------------------------------------------------------------

يابنية ما دريتي ... عن خطار لفوج

قالت لفوني غبشة .. على خيول وبوش

مصلينا الجمعه ..صقر ولد الشيوخ

يالس على الدجيجه .. يالس ويعد فلوس

يا الطاسه ياالمخبوقه .. ما ضمتهاالفلوس

-------------------------------------------------------------------------

يابنيه موتي غصه ... اذا انا مريت

انا سلبت فوادج ... في السكه واتليت

يالغرفة يا الشرجيه ... بناها بو علي

حق عاشه البدويه .. بنت محمدعلي

-------------------------------------------------------------

يرقد وليدي رقده هنيه

رقدة الغزلان في البريه

يرقد وليدي طيب الله نومه

وعدو وليدى ما هنا بمنام

---------------------------------------------------------------------------------

عيال عمي سبعة .. خلوني باتنقى

نقيت بو طاقية .... بو يوخه ما رضى

زامط عليه بخشمه .. يا خشم اليوحره

خشمي طويل وغاوي ..شفته في المنظره .

حيا الله اللي يباني .... يسلم العشره

--------------------------------------------------------------------------------

عمتي مرت ابويه ... الله يسلط عليها

يوم يتها الهديه .. دستها في الزويه

تتحسبني طلاّبه .. اطلب على البيبان

ما جن ابويه تاجر ..بيصوغ لي الذهبان

--------------------------------------------------------------------------------

طاحت عليه نفه .. قوموا اشترولي دفه

طاح المطر برعوده .. كسر حوي سعوده

طاح المطربيد الله ... كسر حوي عبدالله

طاح المطر من فوق .. كسر حوي بنطوق

-----------------------------------------------------------------------------------

حمامه نودي نودي .. سلمي على سعودي

سعودي ساير مكه .. بيب ثياب بو العكه

بحطه فيصندوقي .. صندوقي ماله مفتاح

والمفتاح عند الحداد .. والحداد يبغي فلوس

والفلوس عند العروس .. والعروس تبغي عيال

والعيال يبغون حليب ... والحليب عند البقر

والبقر يبغون حشيش .. والحشيش فوق اليبل

واليبل يبغي مطر ... والمطر عند الله

لا إله إلا الله ... محمد رسول الله

لا إله إلا الله ... محمد رسول الله


ووووو بس ... إذا اتذكرت بقولكم

يلا فمان الله

موضوعك يجنننننننننننننننن

حنا بنات البدوا يازين حنانا .... اذا رقينا الشفاء كلن تمنانا

ووووووووووووووو
ارنب نط جاب لي خط ...
مين يقراه ؟؟ ان ااقرااه
سبع سنين ماانسااه
ووووووووو

بس

يسلموو

عليونه
مشكوره على مرورك
احلى مهيريه
هلى والله بأهل الامارات
بصراحه حيل حلوه أنشيدكم
ومشكوره ياقليبي على مرورك
A7b- omy
هلا عنوني
شكلك قصيميه
ذكرتيني بأيام زمان

اطياف الماضي ... شكلك تحبين التراث حتى اسمك يحن للماضي وبعد شكلك من حايل ولا انا غلطانه .. عالعموم خوذي انشودتي اللي تنشدها امي اذا صارت تحني شعري وطبعا هي مشهوره بكل البلدان العربيه بس سبحان الله لكل ناس طريقتهم وحتى بالانجليزي فيه شي يشبهها من بعيد يعني نفس الفكره .. وهي
ياحمام زارنا وش يدلك دارنا
دارنا حي البنات والبنات مزينات
والضبه تبي مفتاح
والمفتاح عند النجار
والنجار يبي فلوس
والفلوس عند العروس
والعروس تبي زباد << الزباد نوع من العطورات الشرقيه يدخل في تركيب دهن العود >>
والزباد من الحجيج <<الحجاج>>
والحجيج يبون لبن
واللبن من البقر
والبقر يبون حشيش
والحشيش من الضلعان <<اي الجبال باللهجه المحليه >>
والضلعان يبن مطر << يبن :اي يردن >>
والمطر من ربنا
ياربنا تجيبه
وتسيل مرازيبه < مرازيبه جمع مرزاب وهو انبوب يطلع من السطح علشان اذا جا مطر يصب الماء من خلاله الى الحوش وما يتجمع بالسطح وكانت المرازيب اذا صبت دليل على وفرة المطر لذلك يدعون ربهم تسيل الممرازيب >>
وتعز اخو نوره
من كل مطراشي << المطراش : اي السفر وغالبا الخروج في غزوه >>
* * * * * * * *
وحده ثانيه بس كانت امي تشبكهن مع بعض :
حملت وجبت بنيه
وسميتها الدرعيه
واجحرته بجحر الفاره
طارت به الطياره
ياخالي يادلالي
من مقطعي وجلالي << المقطع هو الثوب والجلال هو الوشاح تقريبا >>
خزريتي منفله << الخزريه هي الحلق او التركيه .. ومنفله يعني انفكت وضاعت >>
بين الحطب والجله < وهي نوع من الوقود اللي يشعل الحطب >>
امي تهل اللولو
وابوي يهل عقاله
عقاله باربع ميه
ياويلي ان خطبني
خطبني ولد عمي
جاب العصا وضربني !!!!!!!!!!!!!!!
00000000000000000

ان شاء الله تكون اعجبتكم واعرف انها معروفه مع اختلافات بسيطه جدا بس نحب نعرفها بكل اختلافاتها . هذا اللي عندي هالحين وان تذكرت بارجع ,,,
شكرا اطياف الماضي على هالموضوع الرائع