أنا اليوم مقــــهــــــــــــوره بجد ...مقهوره ..تعالوا سولفوا معاي ..

اليوم يابنات أنا مقهوره هيء هيء هيء

ودمعتي على خدي هيء هيء هي

وأكسرالخاطر هيء هيء هيء >>>> مو كنه يبيلك تنطمين

كنت اليوم ناويه أروح المستشفى لأختي >>> توها والده

والأهل كلهم متجمعين وراحوا لها .. عاد انا كنت مواعده زوجي >>>> اللي ماينشد فيه ظهر

أنا إحنا نروح لها وقال : أبشـــــــــري على هالخشم .. صحيني الساعه 3 ونطير للمستشفى
عاد انا وذكائي قلت بنام لي شويه نمت وأخذت لي دوش و بعده إستشوار >>>من زود الذكاء تقولون بروح عرس يمكن فرحانه لأختي.. وماحسيت إلا بالساعه صايره 4 ونص .. قلت ماعليه يله ألحين يمدينا نروح

وصحيت عريس الغفله
يله قوم نرروح للمستشفى

وقال كم الساعه : انا : 4 ونص

قال : ياســـــــــــاتر إتأخرت عندي شغل ضروري
أنا : إشلون يعني شغل ضروري .. يعني منت موديني

قال: أنا قلت لك صحيني 3 كان مدانا رحنا مو 4 ونص عندي عمل ضروري وماأقدر أتركه

أنا : يووووووووووه معقوله ماأروح لأختي ..دبر نفسك ..إعتذر
قال : ماأقدر أعتذر ..إفهميني لو كان بيدي صدقيني وديتك على عيني وعلى راسي
أنا : أنا ألحين وشلي بعينك ولا راسك ..مومعقوله ما أروح ,,قهر والله قهر

قلت : طيب ابا أتصل على خالتي أروح معاها ...>>>> طوط طوط طوط ماحد يرد يعني أكيد راحو
آه يالقــــــــــــهر
طيب أكلم جوال أخوي : وأخوي يزيدني قهر رد علي : أقول تو الناس ليش ما تصبرين بعد أنا ألحين
قريب أوصل >>>> ياربي كان ودي أعطيه كف

المشكله إن المستشفى بعيد بعيد >>>>>> يالذكيه ليه ماقلتي لنفسك من أول ...قلعتي أستاهل

أرد على عريس الغفله >> من حر مابي: يعني مصر إنك ماتوديني ..يصير كذا يعني تشوف إنه يصير


قال : لاحول الله .. قلت لك مو بكيفي و أنا آسف ومقدر مشاعرك ..بس شتبيني أسوي ماباليد حيله

وأنا شوي وأصيح


بعني لو كنتوا بمكاني شراح تسوووون >>>> ألحين انا قاعده بروحي كلهم في المستشفى وقاعده

أكلم حالي

قلت أفضفض لكم شويه عشان يخف القهر >>>>> صدعتكم صح


تدرون الواحد لأنقهر مايدري وين يقط نفسه خصوصاً في مثل هذي المواقف