أنا تعبانة يا ناس ساعدوني أتصرف

صباح الخيرات عالجميع
أنا سجلت في المنتدى مشان اعرف شو الحل أنا كتير تعبانة ونفسيتي بالحضيض
أنا متزوجة من كزا سنة وما عندي أطفال والسبب من زوجي وبيئول الدكتور انه صعب . أنا بالنسبة لي راضية بقضاء الله وقدره وانا كتير بحبه لزوجي وهو كمان لكن أنا تعبت من الناحية الاجتماعية ماني عرفانةاستمر في علاقاتي كل ما بروح مشوار او زيارة برجع مخنوئة وما بنام الليل أنا عايشة بالرياض وحياتي فيها شوية طفش كنت بالاول اشتغل لكن ما كملت لأنه كل الموظفات عندن أطفال وكل وحدة تحكي عن اولادا وانا تعبت وانا عم شوف واسمع وتركت وقعدت في البيت ارتحت لكن رجعت درس خصوصي كتير حسيته اريح لأنه بكون بس وقتي في الدرس وطالباتي كتير مبسوطين مني بس هلأ انا في هم انه رفئاته لزوجي جايين الرياض وكانوا معه ايام الجامعة وزوجي كتير اجتماعي وبحبن بس كلن عندن اطفال مع انه نحنا تزوجنا قبلن بس صاروا اولادن في المدارس ونحنا لا وانا كتير متدايئة ازا اجتمعنا وكلن مع اولادن مبسوطين وانا بكون غير عنن يا بنات كتير الموقف صعب جربته مرة ما نمت طول الليل وهاكلة هم بس ييجوا لانه هنه دكاتره متل زوجي و رح يشتغلوا هون يعني رح يضلوا معنا ونطلع كتير
ماني عرفانة شو الحل ؟ :44: :44:
انا حزينة وتعبانة كنت راسمة لحالي مستئبل ما تحقق منه شي بدي كمل ماستر وبدي جيب عيلة واشتغل جيت هون لا كملت ولا خلفت ولا اشتغلت متل ما بدي
ادعولي صبايا :44: