أنا حمقاء وتصرفاتي تدل على الغباء والسبب؟؟

تعبت من نفسي البائسة أشوف بنات ماشاء الله عليهم بالأبتدائي يحترمون أمهاتهم ولو أهلهم يقولون لهم كل شي عادي أما أنا الغبية التي قد جازوت الثلاثين من عمرها من صغري أي شي تقوله لي أمي أتحسس منها وأكبر الموضوع وأعصب وأي خطا يبدر من أي انسانة تجاهي تثور ثائرتي لو قدام الناس واعصب مثل الثور الهايج ورغم انهم غلطانيين علي الناس تشوفني انا الغلطانة والسبب اعدائي من تحت لتحت وانا اصارخ واتصرف قدامهم بوحشية كل تصرفاتي واضحة ماعرف اخبي أي شي أي شي كل شي بحياتي أقوله للي قدامي بحسن نية والناس تأخذ وتفسر على كيفها اللي يعجبني امدحه بقووووووووة لدرجة اللي يشوفوني يقولون تبالغين واللي اكرهه اكره بقوووووووووة لدرجة أتكلم عليه بحقد وكره وبغض حتى لو هالشي جمااد ماعندي حل وسط ماعندي كتم للمشاعر لو امي تقول شي اكرهه اثور مثل الثور اللي فاكينه بشارع ويطارد الناس بس ثورتي تكون عبارة عن عصبية وكلام مافي خير لا لنفسي ولا لاهلي ولا لامي انا اشفق على امي ان ربي بلاها ببنت مثلي حساسة وعصبية وماتعرف تكتم مشاعرها والله لو بيدي لاكتم جروحي ولااضايق امي بشي وانا كبيرة في هالعمر لا طفلة ولامراهقة حتى الأطفال ماسوو سواتي الأطفال رافعين راس امهاتهم ماشاء الله وانا مجرد بقرة غاضبة دايم معصبة لمتى؟؟حاولت من طفولتي اهدي نفسي واكتم مشاعري أكون متزنة والصراحة انا مختلة ومفارقني الاتزان لاتحسبوني فرحانة اني اسوي بأمي كذا انا ابكي لحالي واتألم واحاول اخبي مشاعري مهما جرحتني امي الا ان الثور اللي بداخلي مايلبث حتى يطلع غضبه وجنونه انسانة فاشلة اجتماعيا منذو الصغر والسبب غبائي المنقطع النظير واقطع علاقتي مع بنت لمجرد انها مزحت معي وذالك لفرط حساسيتي ويقهرني يقهرررررررررررني اذا امي حاولت ترضيني كطفل يعني تعاملني على قد عقلي بس عشان اسكت وماعصب بس هالشي مايستمر طويلا فقط فترة وبعدها تبدا بالتجريح بدون تحس بنفسها




أخيرا اقولكم انا غلطانة وغير راضية عن تصرفاتي وتعبت تعبت منها تعبت أحاول اروض الثور الهايج اللي بداخلي مو راضي يهدا من صغري هالشي من صغري يعني مو توه طبعي هذا من صغري وصرت أخاف انخطب واتزوج واضر زوجي واذا جبت عيال احطمهم واضرهم والزوج ماعليه مني بيطلقني مو متحمل يعيش مع ثور بس أخاف اجيب عيال واعذبهم
وملاحظة انا وانا بالمدرسة اتهاوش مع المعلمات أي معلمة تقولي شي لو ماتقصد اثور عليها واذا طالبة اجرحتني بقوة اثور عليها بالابتدائي ماكنت كذا كنت اقرب للهدوء بالمدرسة ولكني عصبية في البيت فقط لكن بالابتدائي عندي خلل في إقامة العلاقات واستمرت عقدت العلاقات حتى بالجامعة اتعرف على بنت وفجاءة احصل احسن منها بالشكل مثلا واسحب على الأولى وصرت وحيدة بسبب هالتصرفات اغلب وقتي قاعدة لحالي اما بسبب سحبي على صديقات عشان صديقات ثانيات والثانيات مايبوني لاحقتهم حتى تعبت او بسبب ان صديقاتي الأساسيات اجرحوني بشي وقطعت علاقتي فيهم
ابي حل لوضعي وش اسوي وانا اهم شي عندي اهلي ابي احسن علاقتي فيهم اللي ماظن تحسن وترى مرات هم يغلطون علي صدق بس انا عصبية واجرح واكب عشاي واتمادى مرات الحين وش استفدت ماستفدت الا الخيبة رغم اني مو راضية عن تصرفاتي والله مو راضييية واكثر شي يقهرني أقول كل شي كل شي ماخبي شي تعرفون انتم انتم ان مو كل شي ينقال؟ ساعدوني هل فيه امل ؟