ضيم السنين. :

تحسبين هالشيء فخر وفلاحه ان صرافتس ف جيبوه؟ لا تبررين ل غبائتس وتقولين وش مأخذين من الدينا وزوجي ومادري وشو وبعدين تقولين يصرف علي وع عيالوه هو لو فيه خير اصلاً كان عيا عنها يقول وش ابي ف فلوستس وتعبتس ؟ اجل يصرف منها ع البيت وع عيالتس؟ وهو راتبوه وين؟ ومبسوطه تقولين مو مقصر غصب مهو مقصر يجيب لتس طلباتس ب فلوستس واغراضتس ب فلوتس ليش يقصر ويهاوش ؟ وهو مو دافع من جيبوه شيء ؟ م عليش اعتبر هالشيء دلاخه م احد قالتس تهاوشي بس شلون راتبس ف جيبوه ؟ بعدين ل صارت مشاكل ولا هواش ولا ضرب ومضروب تقولين طول السنين الصرافه م سئلتوه عنها ول تزوج تقولين تزوج ب فلوسي ول سافر سافر ب فلوسي ول شرا لوه شيء ب فلوسي طيب من الاول م احد قالتس اطلقي فلوستس معوه واجلسي تذمري انتي توظفتي عشان تستقلين مادياً مهو عشان تعطينو الراتب ليش هو عاطل؟ هو بعد عندوه راتب ليش م قال اعطيتس الصرافه وخليها معتس؟ تقولين عيالي يطلبون مني او من ابوهم وم يتعقدون ي اختي انتي متنازله عن الراتب طبيعي ب يكون م في هذا حق ابوك وهذا حق امك ل ان كل شيء مع ابوهم في اكثر من ان الراتب يكون معوه؟ ليش يسبب مشاكل ؟ تساعدين اي م اختلفنا تساهمين ب شيء م اختلفنا تصرفين ع عمرتس م اختلفنا تهدين عليه م اختلفنا ل كن تعطينوه الراتب له شهرياً ؟ وتقولين يصرف علي؟ حبيبتي يصرف من فلوستس انتي شايفه لوه الفضل وهو مو متفضل عليتس ب شيء لونوه ريال م دفعوه لتس من جيبوه كله من راتبس

تحسبين هالشيء فخر وفلاحه ان صرافتس ف جيبوه؟ لا تبررين ل غبائتس وتقولين وش مأخذين من الدينا...

الجازي الشمري :

ههههههههههههههههههههه مشكورين كل اللي شاركوا بالرد سواء ردت وهي :icon31:أو:eek:أو:angry2: عاد كله كوم والأخيرة هذي كوم ثاني وكلن يرى الناس بعين طبعه واللي تسألني عن زوجي (ماشاء الله لاقوة إلا بالله) طيب ويحبني ومن بيته للشغل والعكس وأنا وياه متشاركين بتربية عيالنا والله العظيم إني ماأتركهم للشغالة إلا عند الضرورة حتى بالليل أسهرهم علشان مايقومون الصبح بدري والعصر أقدر أنام أنا وياهم وترى راتبه أكثر مني ويصرف على البيت وإذا احتاج أخذ من حسابي وعند الضرورة لكن هي معه علشان أحسسه بالمسئولية ولايعتمد علي إني أصرف وهو لاهي عنا وأعطيكم معلومة ترى بحسابي مبلغ لا بأس به وأنا الحمد لله واثقة من زوجي مليون بالمية (ماشاء الله) لأنه أصيل ولايخون العشرة ولاهو راعي حريم ولا سفر ولا استراحة وش أبي غير كذا وبصراحة الفضل بقناعتي بزوجي وثقتي فيه يرجع لمنتدانا الغالي اللي من يوم شاركت فيه وأنا أقرا شكاوي الحريم : (زوجي يخونني زوجي يضربني زوجي يهينني زوجي مهملني زوجي يسكر زوجي تزوج علي زوجي يسهر......... عاد أنا حمدت ربي على النعمة اللي أنا فيها وقلت وش فيها لصار عصبي وهاوش بعدين راضاني بكلمة حلوة الحمد لله أحسن من بعض الرجال اللي مورين حريمهم نجوم الظهر وسلامتكم .

ههههههههههههههههههههه مشكورين كل اللي شاركوا بالرد سواء ردت وهي :icon31:أو:eek:أو:angry2: عاد...