ماشاءالله تبارك الله الله يوفقكم ولايفرق بينكم يارب ويجمعكم عاالطيب أمي وزوجة ابوي نفس الشئ سبحان الله كأنك تتكلمين عنهم طول الوقت مع بعض ويحبون بعظهم لدرجة كل وحدة تفضل الثانيه على أختها ولهم الحين 25سنه وهم عايشين مرتاحين الحمدلله أنتو خليكم كذا الله لايفرقكم ويزيدكم من نعيمه يارب

بالنسبة للي كذبوا موضوعي وقالوا انه خيااال صدقوني انا مو ملزومة أثبت للكل مصداقيتي ومافي شئ حادني على الكذب هذا شئ والشئ الثاني انا قلت ساكنين في قرية اهله ماقلت ساكنة جنبهم احنا في حارة ثانية بعيدة عن حارتهم وزوجته الاولى كانت تروح لاهل زوجها مرة وحده في الاسبوع ومافي البيت الا امه وابوه وبالنسبة لعيالها ماكانوا يدرون وين الله حاطهم صغار ومايعرفون ان هذي زوجة ابوهم والا جارتهم والا اساسا تقرب لهم يقولون لها خالة وبس لأن امهم ماحد يجيها كثير ماتحب تطلع وبالنسبة للغيرة من قال مافيه غيرة فيه غيرة وانا بصراحة كنت افضفض لزوجي اما هي الله يستر عليها والله ماعمري شفت منها شر وهي من النوع الكتوم مرررة ماتعرفين هي زعلانة والا راضية..
واللي تقول مايعرفوني لما اطلع اتمشى واكون حامل ليش لايكون بيجون اخوانه يسأل هذي زوجتك بيشوفوني انا والا هي معه وش عرفهم وحتى لو علي كرش ترى كنت بكرية والكرش صغير وهي بعد نحيفة عليكم تفكير ماادري وش يبي..
وبالنسبة لزوجي اللي تقول قرف ومدري ايش صدقيني تاج على رأسي ورأسها مافي مثله في الرجال انسان عادل ولاعمره فرق بيننا والا حسسنا ان وحده افضل من الثانية حنون وكريم واللي في جيبه مو له يمشي لي مصروف ولها مصروف ولاعمره سأل وين صرفناه..
وبالنسبة للتماشي مرة اروح لحالي ومرة هي لحالها ومرة كلنا ومرة العيال لحالهم ونجلس احنا في البيت...
اما بالنسبة للباب ايه فيه باب بين الدور الثاني والارضي يفتح بينهم باب على صالتها وعلى طول مفتوح...
وبالنسبة للسهر ايه نسهر الى الفجر لأن زوجي دوامه شفت مسائي من الساعة 9 المساء الى 3 الفجر وقبل يجي بساعة نكون فاهمين نفترق عشان تستعد اللي ليلتها لها وعن الاستهبال سويتوا من الحبة قبة وشفتوا فيه بنات عايشين مثل عيشتنا واحلى الحمدالله احنا الحين نطلع زيارات سوا عند اهل زوجي مرتين في الشهر نزور اخواته اما امه وابوه نزورهم مرة في الاسبوع من العصر الى العشاء...
وبالنسبة انها خطبتني له قلت لكم مو عشان انها طفشانة زوجها كان اساسا بيتزوج سواء هي خطبت والا هو فقررت تختار لها هي وحده تكون اختها وصديقتها احسن من انها تكون عدوتها وبالنسبة لحزنها تقول كانت مرررة مترددة في الاختيار لأنها خافت ان زوجها يتغير عليها او اني مااكون قد كلامي...
واللي ماتصدق مولازم تصدق ولا هو لازم ترد..
واللي عايشة مثل حياتنا تتفضل تكتبها عشان نستفيد...

اتمنى وحده من الزوجات الثانيات ترد علي بالخاص ضروري جدا جدا لا ارييد احدد احد الي حابه ترسل لي على الخاص منكم ترسل وافضل الزوجات الثانيات العاديات يعني حالتهم وسط تجاوب على اسالتي محتاره كثيير جدا اسألتي هي كيف كان موقف زوجته منك والسؤال الثاني هل اخواته موافقات وكيف واجهتوا المجتمع المجتمع ناس الي فييه يقسون على الثانيه ويعتبرونها قاسيه مع انه الضروف تحتم الضروف اقوى يانساء مافي حرييم بيوافقوا الثانيه وهم مسالمات غيير ان الضروف اقوى وحتمت ترى انا مطلقه ولست زوجه ثانيه واتمنى ربي يرزقني مطلق او ارمل لكن الي يتقدمون متزوجيين لكن بعدنني اتأمل ان ربي يعطيني مطلق او ارمل لكن اريد الزوجات الثانيات يردون علي بالخاص وردي لصاحبه الموضوع انا شفت حياه مثل حياتكم كن ابو طليقي عنده ثنتين وكانوا مثل الاخوات بضبط واولاد الاولى يقولون لثانيه امي والاد الثانيه يقولون للاولى امي بنفسي شفت وسمعت نفسي يردون الزوجات الثانيات العاديه حالتهم او الوسط او حتى السعدا الله يسعد الجميع

😒ماتخيل اكون كذا الغيره فيني شي مو طبيعي


يارب اشفيني☺️

سبحان الله بحمده سبحان الله العظيم

صاحبة الموضوع الله يوفقكم ويؤلف بين قلوبكم ويسعدكم ويبارك لكم

بالنسبة لك أخت أم كوثر لا تردين أي خاطب إلا بعد الأستخارة وإذا كان صاحب خلق ودين توكلي على الله وتزوجيه التعدد شرع الله لكن احرصي إن قلبك ما يكون فيه حسد أو حقد على زوجته الأولى و الغيرة حاولي قدر الاستطاعة إنها ما تغلب على قلبك وصفي نيتك لله 
بعدين ياقلبي ما تضمنين يتقدم لك مطلق أو أرمل والعمر يمضي والخطاب ماتضمني يستمروا يطرقوا بابك 
ماعليك من الناس شوفي مصلحتك وبإذن الله يوفقك الله برجل يسعدك لكن أهم شيء الاستخارة
أنا بالنسبة لي لو زوجي اراد يتزوج ما عندي مانع لأن رضى ربي أهم عندي من نفسي وأغلى عندي من زوجي لكن المهم العدل لا يظلم لا الأولى و لا الثانية 
والتعدد ليس نقص في الأولى أو عيب في الثانية هذا قصمه ونصيب من الله 
الله يوفقك وييسر لك ويرزق الزوج الصالح حسن الخلق والدين والذريه الباره الصالحه يارب العالمين