مخدهـ :

اختي عواطف كلامك كله صح وانا حاولت أغير من نفسي لكن هو ماشوف فيه اي تغيير هذا هو من الملكه وعوده وكلامه وين راحت ؟ تنازلت كثير وفوت كثير لك احس بهالاسلوب اللي اسويه يتمادى علي اكثر صرت ماعرف من وين اتعامل معاه حاليا فكرت اني أسوي واجباتي كزوجه ولااكلمه يعني اغسل انظف اطبخ برأيك هالتصرف صحيح بيغير شي ؟

اختي عواطف كلامك كله صح وانا حاولت أغير من نفسي لكن هو ماشوف فيه اي تغيير هذا هو من الملكه...

عواطف تركي :

يا اختي انسي الوعود والعهود اللي ايام الخطوبه ( لا تدققين فيها ) وضعك مثل اغلب المتزوجات سمعوا وعود وترفيع ويوم تزوجو ماشافو شي منها . وللاسف كثير مثلك لما نقول لهم غيرو من انفسكم واستخدمو اسلوب التغاضي والتفويت والتسليك يجون بعد اسبوع اسبوعين يقولون سلكنا وتغاضينا وما تغير شي !! طيب يا حبيبتي احنا نقول سلكو وفوتوا عشان انتوا ترتاحون وتخف حدة الخلافات بينكم ماقلنا تغيرو تمثيل مؤقت عشان ازواجكم يتغيرون في ثواني ويكونون خواتم في يدينكم ثم ترجعون لوضعكم اللي قبل هوشات ومضاربات هذا الشي مستحيل . لانه للاسف لما الزوجين كل واحد يعامل الثاني كخصم ويعامله على هذا المبدأ ويحاول يرضخه ويروضه تكون الخلافات والعصبيه واصله اشدها وقوتها وهذا الشي خطير جداً احتمال ان الحب اللي بقلبه لك يحترق وينتهي لانه صار يشوفك عدو له لازم ينتصر عليه . حاولي تتداركين الوضع وتكونين انتي الذكيه في هذي المعركه الزوجيه وحطي في بالك ان ايام عزوبيتك وكلمتك المسموعه واوامرك المجابه تغيرت تماماً عن وضعك الحالي انتي الان مسؤله وشريكه لشخص لازم يكون في نضج في التصرفات والاسلوب مع شوي تحسين وتغيير عشان توصلين لنقطة تجمعك مع زوجك وما اقول ان زوجك راح يتغير 180 درجه وخلال شهر شهرين لا ، بقول احتمال يتحسن ويتهذب بنسبه تكون مرضيه لك وله واللي ردو ماقصرو بالحلول انا اشوف انك تطنشين ولا تدققين على كل شي يقوله لان وضعكم حالياً كل واحد مسوي عزه وشموخ وكرامه على الثاني وينتظر زله عشان يهاجم فا انتي كوني ذكيه واعملي نفسك غبيه قدامه ترى اللسان الحلو يلين الحجر والصخر وينسيه حليب امه كوني انثى لا تكونين ذكر معاه تردين الصوت بالصوت لانه ماراح ينفع لا بتكسبين حبه ولا بيتعدل ونصيحه يا اختي بخصوص سؤالك بدري مره على انك تدخلين نفسك بمتاهات الحروب والخصام والخطط اللي ما تحل اساس المشكله طيب واذا ما كلمتيه وش تتوقعين يصير ؟ ولا شي بيراضيك وبترضين وبيرجع الوضع مثل ماكان هذا زوجك ماهو صديقتك تقولين ما اكلمها احذري لانك بتعودينه على هذي الطريقه وراح يستخدمها معاك هذا غير انك تزيدين حدة التوتر اللي بينكم بدال ما تخففينه اتركي كل هالخرابيط اللي ماتودي ولا تجيب اجلسي معاه جلسة هدوء وروقان والابتسامه والضحكه تسبقك وقولي له احبك واحب فيك كذا وكذا بس احيانا اتضايق لما تشتم اهلي ومرري له كلام انه تخيل كل ماشتمت اهلي انا اشتم اهلك ما اظن بترضى وقولي يابخت اهلي بالاجر اللي جاهم منك بس قوليها بدون نرفزه . اجلسي تناقشي معاه وافهمي منه وش اللي يضايقه ممكن يكون اسلوبك معاه يوتره ولا تعارضين كلامه بس اسمعيه بدون تبريرات خليه يفرغ طاقته السلبيه ولا توعدينه بشي بس اسمعيه وتناقشي معاه بخصوص زيارات الاهل قولي له احنا الحين صار لنا بيت وعائله مستقله ماتشوف افضل نحدد يوم بالاسبوع نجتمع مع اهلك ويوم مع اهلي لا تتركين الموضوع سايب قولي كذا افضل لنا كلنا نخليهم يرتاحون زوجونا عشان نثبت لهم اننا قد المسؤليه مو كل يومين رايحين لهم . وبخصوص روحتك للمستشفيات او الاسواق خليه هو اللي يدفع لا تسوين فيها عزه وكرامه وشموخ انتي كذا جالسه تعودينه ان انتي صرافه متنقله لنفسك ولبيتك وان انتي مو محتاجه له وهذا الشي بحد ذاته يزيد توتره معاك لانه نفسياً محتاج يحس بالاطمئنان ان انتي تحبينه وما تستغنين عنه لو بالماده والفلوس . مدري وش اقول اكثر بس انتي لسه ببداية زواجك لا تحرقين الحب اللي بينكم بمخططات وخصام وش تركتي للمشاكل الكبيره ؟!! اركدي واهدأي وروقي وحاولي تتعاملين معاه كحبيب وليس عدو وركزي على ان علاقتكم تكون مبنيه على الموده والرحمه

يا اختي انسي الوعود والعهود اللي ايام الخطوبه ( لا تدققين فيها ) وضعك مثل اغلب المتزوجات سمعوا...