أنا عروس وأفكر بالانفصال ...

السلام عليكم..عزيزاتي بنات حواء يعلم الله اني هنا اتابع هالمكان قبل 10 سنوات واكثرصارلي متزوجه 5 شهور تقريبا يعني لسى انا عروس لكني تعبت الله يعلم ان الدنيا ضاقت فيني من كل الجهات ..وقلت استشيركم لعل وعسى ترشدوني للحل السليم اللي ممكن انه يريحني ..مشكلتي مع زوجي أو بالاصح مشاكلي مع زوجي من ايام الملكة الى الان.أكيد بتقولون ليش مانقصلتي قبل ماتتزوجين .. بقولكم انه كان متعلق فيني وكل مره ينهار قدامي ويطلبني اسامحه ويعتذرويوعدني انه بيتعدل لكن للأسف !للأمانه هو يحبني كثير ومايشوف بالدنيا غيري والله ما اظلمه انه مو مقصر معي لكن انا تعبت من ( اسلوبه وتدقيقه ) اسلوبه معي ياناس غير محترم الفاظه وحركاته وتعامله شي بشع ..أذكر اني قلتله ايام الملكه اهم شي عندي اسلوبك معي لو وش ماتسوي وعدني انه يغير منهويدقق معي بكل شي يعني والله العظيم لو اني ارتب البيت كله واتعب فيه وانسى شي واحد بس غفلت عنهمايطالع بترتيبي لا يطالع باللي ماااسويته اذا سولفنا أحس انه بس ينتظر أقول كلمه غلط عشان نتهاوش! اذا شافني زعلانه يزعل عشاني زعلتاقسم بالله اني انكتمت من هالحالتخيلوا طيلة هالخمس شهور على هالوضع يعني كل مانطلع مكان نرجع متهاوشين حرام والله العظيم انا تعبتماهي هذي الحياة اللي رسمتها في بالي اواللي هو عشمني فيهاوالله اني معه بكل شي وكم مره أضغط على نفسي عشان تمشي الحياةمع اني مو كذا لكن عشانه قلت اتغير لازم احد يتنازل لكن لا!! اشوفه يتمادىالاحظ انه بدا يتطاول بالسب على اهلي وكلام قذر اول مره اسمعهماتعودته منه هو بنفسه قالي ثالث يوم زواج انا مادري ليه اسوي كذا معكعذبني وعذب روحه معيوكم مره تركت البيت القاه من ثاني يوم جاي ياخذنيانا بمنطقة غير منطقة اهلي واهله جنبناويروحلهم كل يوم وصارت مشاكل لانه كان يبيني اروح كل يوم كل يوم عندهممليت زهقت والله هم على عيني وراسي وماجاني منهم الا كل خير لكن انا طبيعتي ماحب اختلط كثير بالناس ومع ذلك كنت اجامله ونمنا عندهم اسبوع بس عشان ارضيه لكن يتمادىلدرجة انه اذا جينا نتمشى يقول دام فيك حيل تطلعين خلينا نروح بيت امي يعني ضيق علي الدنيا ماطلع لمكان الا بيت امه !صارت مشكله كبيره وحطيت حد لهالموضوع والحمد لله كلام كثير بقلبي ومواقف كثير قاهرتني وقاعده في نفسي بس مدري وش اكتبماعندي صديق الا اللاب توب أمي واختي الكبيره ماعاد صرت اشكي لهم ولا اقولهم ولاشي لانه بنظرهم أي شي اسويه غلط وهو صح والله لو كان غلطان بنظرهمهو الصح فيأست منهم وصرت اكتم بنفسياخر موقف اليوم كنت بروح المستشفى لان عندي التهابات صارلها اكثر من 3 شهوروكل مره اقوله يقول بكرا المهم انه رحنا اليوم وطول الوقت متشج كعادته او كالغالب يتشنج ويدور اي شي عشان ينكد عليوصلنا مستشفى حسيته شعبي شوي يعني في بالي مستشفى غير بس سالته يافلان مافي غير ذا الستشفىويالله انفك علي تبين مستشفى خمس نجوم وكلام يغث مع العلم اني انا اللي بدفعبلعتهااااا كالعاده وجيت بنزل صكيت على اصبعي الباب والله حسيت روحي طلعتوماشوف الدنيا رجعت ورا السياره ويكلمني باسلوب بايخ المستشفى هنا ترا وانا اقوله ايدي صكيت الباب عليها بالموينهبل لاترفعين صوتك علي لا (بيلعن اهلي يعني ) واركبي اركبي نرجع البيت وركبت انهرت من الصياح تعبت تعبت تعبت بعدين قالي بتنزلين للمستشفى والا لا قلتله لاااا ابي البيت ابي ارتاح ابي اعيش بسلاموبالطريق قال هاتي اشوف اصبعك وبس !!يعني هالموقف يمكن بسيط بنظركم لكن هالموقف مثله مواااقف صارت اكبر واصغر منه وتراكمت داخلي انا يئسانه ودي ارجع بيت اهلي وهالمره نهائيا لكن افكر وش نظرة الناس لي وااهله يحبوني كثير وش بيقولون عنيواصلا بيتنا مافيه حياة وامي ماتبيني ارجع والله لو انه غلطان ماتبي تشوفني فشلت على قولتهاطيب وش اسوي انا مو مرتاحه .. افكر جديا انفصل دام ماعندي اطفال ولله الحمدلكن اذا انفصلت وش اسوي وش بتكون حياتي شوروا علي علموني وش اسوي الله يبرد على قلوبكم