خلاص يا جماعه المره تقول المياه رجعت لمجريها وانتهي الاشكال

الأخت شمس الحور تستاهلي كل التقدير :26: :26:
وأنا متأكده انك ما طرحتي مشكلتك إلا من محبتك لزوجك واهله وعلشان تصلحي الموضوع،،

أنا مع الأخوات اللي يلومون زوجك..:25:
لأنه هو كأنه نكش مشاعر في قلب أمه بانها صارت رقم اثنين في حياته،، وهي مهما كان... كانت في يوم من الأيام الأولى في شورها وكل شيء ولاتنسي انها من الأسباب بعد الله التي وهبتك هالزوج المحب المقدر لك وان أي خصال حلوه فيه فهي نابعة من هالأهل الطيبين،،
ووينك عن مشاكل اهل الزوج الله لا يبلانا:o بس حسب ما اسمع من صاحباتي ،،
كانوا يتدخلوا في كل صغيرة وكبيرة وهم بعيدين ولما يجوا زيارة يدخلوا لغرفة نومها ويستخدموا خصوصياتها وكمان حمامها وأدواتها بدون إذن،،
وينقدوا لبسها وكلامها وأهلها قدامه وكثر الزن كان إلا ما يأثر،،
وهذا المسلسل كان يستمر قدامها او من وراها قدام قرايبهم وإذا عندها عزيمة ولا أحد يقوم ويدخل المطبخ لغاية ما يطلعون لبيتهم وكلااااااااام كثيير وأفعال غريبة كانها مو مرت ولد إلا عدوة قاعدين لها على الحبة ويفرحوا إذا غلطت يالطيف،،
باين ان اهل زوجك طيبين وانتي اطيب علشان كذا دلعي امه ،،
حيدلعك أكثر يكفي لما تدعيلك أمه وعلى فكره أقترح إذا عندك الجرأة تفتحي الموضوع مع امه بشكل بسيط مو كانه طرح لمشكلة،،
مثلاً تقوليلها الله يهدي زوجي يحب يتغشمر انا يقولي طبخ امي احلى وانتي يقولك العكس وانا فين وطباخك فين يعني طيبي خاطرها وكله بأجره،،
يعني حاولي بطريقة تحاول تفهم انك مو مشكلجية وان الموضوع عادي ،،
واحتسبي الأجر والله يعينك يا اختي ويعين الجميع ويهدي سركم اللهم آمين،،:33:

السلاااااااااااااااااااام عليكم ورحمة الله مرة ثانيه ترا الموقع بهذلنى وتوه يفتح المهم...
الاخت دودي....
حرام عليك لافرق ولايحزنون وحنا نتعامل مع زوجات اخوانا حسب المثل اللى يقول عامل الناس بماتحب ان يعاملوك...
والله انه اخوي لو تغدينا عندهم وما مدح اكلها مثلا اننا انبهه لازم تمدحها واتدلعها قدامنا ترا ياعيونى مافيها شي....
لا ولعلمك اخوي لو مدح بكلمه بس زوجته زودنا عليها ..مافيها شي ونا اختك ...
بالعكس انا وخواتى نمدح ونرفع من معنوياتها لانه كل هذا ابيرجع لتعاملها مه اخوي ومحبتها لها ولنا...
وامي الله ايطول فى عمرها دايم تقولنا بنت الناس بنتنا وازود...
...............................
الاخت الماسه لماعه الله يجزاك الف خير ويسعدك يارب ...
وصادقه فى كلامك...
انا فى رءيي زوجة الاخ اخخخخخخخخخخخخخت لنا الا لو شفنا منها شي او تعامل غير لائق ساعتها ابتركها بحالها ولاكنها من العيله لكن تدخلات وفرض رءي وخلافه ؟ نو نو نو..
...............................

ا لاخت ام لندا...
الله يجزاك خير .. وصدقينى كانت مجرد فضفضه لكن ترا والله شايله اهل زوجي فوق راسي والكل يشهد ولله الحمد...
مشكوره ياغاليه.
............................
الغاليه همسات...
ياحبيلك انا حاليا بامريكا لكن لي جيت الرياض ولمولى التمييس والفول والمفطح فى صالة المطار...
هههههههههههههههههههههههه من زماااااااااااااااااااااااااااااااااان عنهم..
ايه ومعه التمييس جبن كرافت تكفون...
:23:
......................................
الغاليه جدا ام القعقاع...
يابعد دنيتى والله كلك ذوق..
الله يسعدك يارب وايسخرلك..
فعلا والله كانت لحظة وسوسه وعلى تفاهة الموقف لكن ايدللك انه ابليس موجود..
الله يكفينا شره يارب..
مشكوره ياغاليه..
......................................

اختي شمس الحور تميييييييس وجبن كراااافت يمي يمي (وحده جوعانه وتشهوى)....
المهم خوذي العلم ....الظاهر انك تدققين مره ....وانك اجوديه( مهوب انا انت) يعني مربيه صح والناس مهوب كلهم اجاويد زين يعني لا تتوقعين ان كل الناس يعاملونك زي ماتعاملينهم ....بعدين امانه حطي نفسك في هالموقف...
وحده اعرفها زين ام زوجها عايشه معها في البيت وتتحكم في كل صغيره وكبيره حتى انها تتضايق اذا رقى ولدها وزوجته بعد الظهر يريحون والزوجه بتموت قهر لكنها واعيذها بالله كل ماشافت زوجها يسوي شي لامه قالت جعل عيالنا يبرون بنا زي ماتبر بأمك سبحان الله اذا شفتيها ماتقولين هاذي تعاني من مشاكل (((ومن صبر ظفر)))
يقول الله تعالى (وتواصوا بالصبر) الله بالصبر على كل شي.....

السلام عليكم ورحمة الله وبركاته...
اخواتى قبل ان ابدء بالردود او اخبركن بانى دائما اخبر زوجي واخوانى بان من سيدخله الجنه هي امه وليست زوجته...
واود ان اخبركن ايضا بان زوجي بار بامه بر يجعلنى احترمه اكثر واكثر...
حين طرحت مشكلتى او بمعنى اصح ماكان يضايقنى اردت منكن ان تخففن على فقط...
فمنكن من اعتبرتنى دلوعه ومنكن من تقول ضعي نفسك مكانها ....................الخ...
الم تقرءو ماقلت فى حق اهل زوجي؟؟؟
الم ازكيهم؟؟؟
الم اقل لكم بانى كنت متضايقه من زوجي لانه طنشنى فتره؟؟؟
عموما فى نظرى زوجي احسن رجل بالعالم..واهله فوق راسي لانهم يستحقون ...
.........................................
الاخت فجر...
شكرا لك يا اختى واليك مااريد قوله لك..
قلت (بس شنو النتيجه ولدها اللى ربته سنين قاعد يقول انه طبخها حلو بس مو مثل طبخ زوجته)...
خافى الله وحرام عليك ...زوجي عمره مامدحنى الا ذاك اليوم ولا فى ابر منه فى امه...
لانه مدحنى مره مره وحده قلتى كذا؟؟؟؟؟؟
وقلتى(وبعدين مع كل اللى مساعدتهم لها يشوفونها تطلع وتخليهم واذا طلبو منها تطلع معاهم ترفض)
خافى الله وحرااااااااااااااااااام عليك من جو ونا معاهم فى كل مكان الا ذاك اليوم ...
اختى فجر تراك غلطتى بالعنوان موب انا من هذا الصنف من الحريم ولله الحمد...
...............................................
الاخت الواحه.
اختى مشكوره وبارك الله فيك.
.............................................
الاخت فلونه.
مشكوره وبارك الله فيك..
...................................
الاخت ام القعقاع...
حبيتك لله وفى الله يشهد ربي...
وباين عليك انسانه متفهمه ونا هذا اللى ابيه....
فعلا انتهى الاشكال بمجرد ماتكلمت مع زوجي وهذا لانى كنت محتاجه اتكلم....
وللعلم عمرى ماطلعت الا واستأذن من ام زوجي واحب على راسها بعد....
ولله الحمد خالتى تحترمنى وتحبنى لسبب دايم تقوله انى فى حالى وحايفه بيتى وزوجي واولادي مو مثل بنات هالايام....
............................................
:06: نتفتوووووووووووووووووونى بهذلتووووووووووووووووونى..
:29: توبه اشتكيلكم ..
:23: فمان الكريم.