أنا في حيرة فادلوني

السلام عليكم
انا محتارة وابغى مشورتكم لاني تعبت من التفكير وارجو عدم نقل الموضوع
بداية انا لدي اخوان في الثانوي ودايم يطلبون النت المهم يروحون مقهى النت وكل ساعه ب5 ريال وهذا فيه تكلفة ويقولون لازم ندخل فيه العاب وفيه نتسلى المهم كانو يطلعون للمقهى احيانا اخر الليل والوالد الله يحفظه يخاصمهم والوالد مو متفهم ابدا وعلاقته قاسيه معهم
المهم اقترحت على الوالد ندخل خط افاق شامل اوفر ومنها يجلسو بالبيت قدام عيوننا المهم رفض الوالد يقول مشاكل النت كثيره المهم وافق بعد الحاح بشرط ان خط التلفون مايكون باسمه يكون باسم واحد من اخواني وانه مايدفع تكاليفه لانه مو مقتنع فيه
انا موظفه وادفع فاتورته من كم شهر المهم لاحظت جلوسهم الطويل عليه والهاهم عن الصلاة واذا فتشت وراهم القاهم يدخلون مسنجر وترافيات ويوتيوب وللاسف مقاطع اباحيه واكتشفت برنامج عندهم يفتحها
المشكله لو فصلته امي تقول بيبهذلونها يبغون فلوس يروحون المقهى غير عن المشاكل اللي تجي لو طلعو مثلا وقت متاخر للمقهى لان الوالد يزعل واخواني ممكن يسون مشاكل لو امي مااعطتهم فلوس وهي تقول خليه لاتفصلينه لانهم كذا كذا بيطلعون المقهى وانا تعبت من المشااكل مامعنا الاالدعاء لهم وكل الشباب كذا
وللعلم الوالد جدا شديد حتى مع الوالده وانا اخاف اخذ ذنب لان ادفع فيه والهاهم عن الصلاة غير عن الاشياء الوسخه اللي يشوفونها

تكلمت معاهم كثير نصحت وتعبت وكلت امري لله اا خايفه من الذنب
الان ابغى مشورتكم افصله والا اخليه ؟؟؟مع العلم واحد عمره 18 وواحد 19



والله فيني هم مايعلمه الا الله مره اقول يمكن اخذ ذنبهم ومره اقول شباب وبيعقلون والشده ماهي حل
هم عنيدين والصلاه بالله يصلون بس ويسهرون برا البيت مع الشباب بس ماهم سكيرين ولا يتعاطون واحيانا اذا اخذتهم بالطيب يلينون بالكلام بس يرجعون
مع العلم انهم الوالد حرمهم من سواقة سيارته لين يتعدلون مع انهم عندهم رخصة قيادة بس ماهمهم يقولون مانبغاها سيارته وصارو اذا لهم غرض يروحون مشي او مع زملائهم
واذا عطاهم سيارته مايقصرون يجيبون لنا اغراضنا بس اذا حرمهم برضو مافرقت معاهم تمردو ماصار يهمهم شئ