أنا مضايقة.............دكتورة... خواتي شو رايكم؟

السلام عليكم ورحمة الله وبركاته

اول شي الحمدالله على كل حال

انا بديت اتعالج عشان احمل من الشهر اللي طاف..

خذت:
الكلوميد
الدوفستان
ابر جونال اف
و الحبوب مال هرمون الحليب

وانا بطبيعيتي الدورة دايما تيني قبل موعدها بيوم يومين ثلاث اربع جي



ها الشهر اتأخرت عندي
ومن اسبوع اوانا احس ب الم فظيع اسفل البطن (مثل الم الدورة)+ تعب+ارهاق+امساك+اعصاب متوترة+ ومن البارحة ترجيع و دوخة

طبعا سويت تحليل حمل في البيت طلع سالب
و سويت تحليل دم قبل شوي في عيادة قريبة طلع سالب

طبعا تعرفون الوحدة يوم تبا تحمل وتيها مثل هاي الاعراض.. تتوهم الحمل
و تبني امال و توقعات واحلام ويوم تشوف النتيجة تنصدم و تشرد بافكارها..
واحيانا تحس انها تبغي تكون بروحها تفكر تسترخي تسوي اي شي..


طبعا انا ما اعرف تفسير لمشكلتي الصحية خاصة ان الدورة بعدها ما يتني

بس كلمت دكتورتي في اللتلفون قالت ان التفسير الممكن وجود كيس مكان البويضة مسببلج هاذا الازعاج

ما ادري اذا في تفسير ثاني

انا بسير باجر انشالله بكشف

و نفسي نفسيتي تتحسن

و انسى واجدد الامل

المشكلة ان حياتنا بتكون احسن لو ما كان كل شي حولج ايذكرج انج ما حملتي ولازم تحملين لان كل شي بيد الله.. بس الناس ما تسكت!


الله كريم انشالله :)