السلام عليكم ورحمة الله وبركاتة
وصباحكم عامر بذكر الرحمن
أخواتي الحبيبات
لاحظت اغلب مواضيع هـ القسم هي مشاكل زوجيه مع أن اسم القسم حياة أسرية سعيدة !!
يمكن كل المواضيع اللي تنزل بهالقسم قراتها ولا شفت اي موضوع يتكلم عن الحياة الزوجيه السعيدة !!!
.
طيب وين الخلل ؟!
هل فعلاً المشاكل طاغية على حياتنا ونادر ما نلاقي بيت سعيد بدون مشاكل ؟!!
ام نحن نبالغ ونضخم هذه الخلافات حتى صارة مشكله كبيرة تصل لـ الطلاق احياناً !!
.
.
ماعلينا مو هذا موضوعنا !
الموضوع اللي لفت أنتباهي هو شيء اغلبنا أن لم نكن كلنا غافلين عنة مع انه شيء مهم ومهم جداً في حياتنا عموماً والزوجيه خصوصاً !
ايش هو هذا الشيء المهم ؟!
بقولكم ايش هو بعد ما اسرد لكم جانب مع حياة أخوي مع زوجتة !!
.
.
أخوي رجل حبوب وكريم ويحب زوجتة بجنووووون مايشوف بالدنيا غيرها . لكن !!!
مدخن عصبي وعصبي جداً اذا عصب جاب الاول والتالي !
اذا عصب من زوجتة يتلفض عليها الفاظ سيئة
يعايرها بانها لم تنجب له بنات
هي عندها منة 9 اولاد
وحياتها معه على حسب قولها جحيم لا يطاق !
هذا الكلام قبل 3 سنوات مضت !!
.
الآن صار معها كانة ملاااااااك وعلى قولتنا بالعاميه " يدهينة لا تنكتين "
والله حتى شنطتها حقت اليد يشيلها لها
شيء ماتبغاه مايبغاه
تقول له نسافر يقول ليش لا نسافر !
بطل عصبيه
بطل تدخين
بطل يرفع صوتة عليها او يجرحها بكلمة
طيب .. والسر ؟!
ايش اللي صار قلب حياتهم من جحيم لا يطاق الى جنة ترفرف عليها السعادة ؟!!
.
.
طيب نرجع الى ايام المشاكل والعصبيه والشتم والسب عشان نعرف سر هالتغير !!
.
.
مرة من المرات كنت عندهم جايتهم زيارة .
وكنت جالسه أنا وزوجة اخوي نتقهوى
وفجأة دخل اخوي والشرر يتطاير من عيونة !
وتعالي واسمعي ماترك كلمة ماتجرح ماقالها لزوجتة امامي !
والسبب تااافه ليش تاركة الولد اللي عمرة 3 سنوات يلعب لوحدة بالحوش !!
عصبيتة كانت مبالغ فيها !!
زبد ورعد عليها وخرج
كانت مسكينة منحرجة مني
قلت لها يافلانة ترى أنا أختك قبل ما أكون أختة !!
قولي لي ايش مشكلتكم !
قالت والله حياتي مع اخوك كلها مشاكل وزي ما أنت شايفة !!
قلت لها طيب مافي له حسنة وحدة معك ؟!
قالت ابداً
قلت لها فكري معقولة فيه كل الصفات السيئة ومافيه صفة وحدة حسنة !!
سكتت وراحت تسوي الشاي
جابت الشاي وقالت والله احاول اتذكر احاول ادور له حسنة وحدة معي ماني لاقيه !!
قلت لها طيب تتوقعين يحبك ؟!
بسرعة ردت .. نعم نعم يحبني ومستحيل يستغني عني !
بس ايش فايدة حب مايحفظ كرامتي !!
قلت لها متاكدة انة يحبك ؟
قالت زي ما أنا متاكدة أني جالسة معك !
قلت طيب قومي !
ناظرت فيني قالت وين ؟!
قلت قومي وتوضي واسجدي لله شكر على هذة النعمة !!
ناظرت لي باستغراب !!
قلت لها اليست محبة زوجك نعمة من رب العالمين !
هي نعمة ام لا ؟!
قالت نعم نعمة
اذا قومي واسجدي لله شكراً لهذ النعمة وصدقيني ستتوالى عليك النعم تباعاً ( وأن شكرتم لازيدنكم )
اليس هذا كلام خالق الكون ومدبر الامور ..!
قالت نعم نعم
فذهبت وتوضئت وسجدت لله شكراً واطالت السجود والانطراح بين يدي الله سبحانة
ثم جائت وعيونها مغرورغة بالدموع !
فعرفت انها كانت صادقة بلجوئها لخالقها !
والله الذي لا إله إلا هو اقل من دقيقتين الا وأخوي داخل علينا فزت المسكينة وقامت فاشار لها بيدة أجلسي من غير ماينطق اي كلمة !
اقترب منها
ثم انحنى عليها وقبل راسها وقال
_ سامحيني يا ام فلان اعرف أني غلطت عليك واعرف إنك متحملتني ومتحملة لساني السليط .. ارجوك ما ابغى يكون بخاطرك علي شيء !!
ثم انصرف من غير ما تتكلم هي اي كلمة !!
قلت لها
_ دائماً يعتذر منك ولا اول مرة ؟!
قالت وهي في ذهول لااااا والله اول مرة بحياتة يقبل راسي ويعتذر !!
قلت لها وهذه نعمة آخر اهداها لك خالقك اسرعي واشكريه عليها !
فقامت مسرعة وغابت لاكثر من نصف ساعة ثم عادت وكانت عيونها متورمة من البكاء !
قلت لها أنت على خير بإذن الله وستأتيك النعم تباعاً طالما إنك استشعرت نعم الله عليك وبادرت لشكرها !!
وفعلاً اخذتها زوجة أخوي قاعدة كلما حصلت لها نعمة سجدت لله شكراً فتوالت عليها النعم من كل حدب وصوب واختفت سيئات أخي واصبح إنسان آاااااخر !!
وكل ذلك بفضل الله ثم بفضل سجدة الشكر للنعمة !!
.
.
اقولها بلسان أخت تريد لكن الخير سارعن إلى شكر نعمة الله عليكن حتى وأن كانت بالنسبة لك شيء لا يذكر .. فـ والله ستجدن النعم تتوالى عليكن .. فقط اخلصن النية لله !!
حبيتك ياختي وحبيت مرت اخوك
نادرا نلقى اخوه زي كذا .. الله يبشرك بمايسرك