ما يهمني رأي الجمهور... أو حذف إجابتين
ولا اتصال بصديق
وحشتونا..اشتئنالكن<=== جواب نهائي مالو تغيير
في البداية أحييكم بتحية الاسلام
ومن ثم أهنئكم بانتهاء الامتحانات
كم ابارك لكم ولمنتديات عالم حواء العودة الميمونة المباركة
للعبقرية الفذة خـــوخـــــة
شكرن شكرن شكرن لا داعي للحماس هذا كله
أعرف قد إيش إنتو تعبانين من غيري
عشان كده قولت ارحم حالكم شوية وارجع أحط موضوع وأشرد<<< تئبريني يا نفسي إنتي وهيك ثقة
نحن الأطفال نحييكم نحن الأطفال
وبكل الحب جئناكم نحن الأطفال
~*~*~*~*~*~*~*~*~*~*~*~*~*~*~*~*~*~*~*~*~*~
هيا هيا هيا هيااااااااااااااااا
نحو الشط هناااااااا
نصطاد الأسماك
قد أحضرنا قد أحضرنا
لؤلؤ ومرجان
ياهوووووووووووو ياعااااااااااالم يا حبااااااااااااااااايب
كووووووولكم عندي هنا
إشي لؤلؤ وإش مرجان
تخلي الواحد في جنان
حكاوي أحلى من حق أيام زمان
مغامرات شئئئئئئئ ويخسو لينا وعدنان
قربي قربي يا بت إنتا وهيا
الزين عندي أنا وبس
والشين حواليا<<< ما تبغى تجيبها لبرا
محسبتكو خوخة اللزيزة الطعمة الأمورة
<<< وتراني استويت قبل ما يدخلو ناس يسألواستويتيييييييي ولا لسهنرجع للموهم
يوم من الأيام في شهر من الشهور في سنة من السنين <<< اخلصي محنا فاضين زيك
جائني طلب تدريس أطفال في إحدى الدور لاعجابهم الشديييييييييييد بشخصي الكريم
<<< تراكي مصختيها<<< عارفة بس أنا أحب تقالة الدم
روحت بعد ما طلبوني غبت أول أسبوع<<<توريهم العين الحمرا من بدايتها خخخخخخخخخ
لا والله كان عندي ظروف ومكاتيب
ووحت داومت أول يوم يجو في الأطفال وشوفت العجب العجاب
إشي بكى وإش صيااااااااااااح وإشي نياااااااااح
مواااااااااااااااوييييييييييييل الله لا يوريكم
المهم يا قمامير مديرتي قالتلي راح تمسكي تمهيدي أول
قولت طيب ومالو<<< هو إنتي تقدر تقولي غير طيب يا جبانة
وتعرفو للي عندهم خبرة إنو في أول أسبوع يجو أحياناً مع الأطفال امهاتهم
من أولها تفاجأت
مالذي جعل خوخة تتفاجأ؟؟؟؟
وهل هناك ما جعلها تترك التدريس؟؟؟
هل من خطر يهدد خوخة
ترقبونا في الحلقة القادمة
خخخخخخخخخخخخخخخخخ
طيحت قلبكم انا عارفة
لا تخافو إن شاء ماراح تتجزأ بقصد وإنما من أجل الصور ولراحة يدي في الكتابة فقط
أو إزا راح الكمبيوتر عند المهندس يهندسو فقط لا غير
يعني لا تخافو مافي في نيتي سحببة
نرجع لموضوعنا
تعرفو ليش تفاجأت أقولكم ليش؟
واحدة من الأمهات يا حبايب وقفت تقولي يا أبلة<<<لازم تعرفو من اليوم ورايح أنا اسمي أبلة خوخة
ترى ولدي عندو مشكلة ومشكلتو الله يكرمك ماا يعرف يروح الحمام لوحدو يعني لو ما سألتيه
تراه راح يعملها على نفسو ولا تخافي ترا راح أكون أرسلو غيارات في شنطتو<<< يا حبيب أمو
هي دي بسلامتها وهي تتكلم أن فنقلت عيوني وفتحت فمي وبحلقت فيها كدا هو
وأتاريها موش لوحده قامو بعدها البقية موش هي اللي فتحت المجال
كانو مستحيين الهوانم يصارحوني
جلست أفكر بيني وبين نفسي
أقدم استقالتي ويكفي ما قدمته لجموع الأطفال<<< هو انتي لحقتي يختيأمااااااااااااااااال اشتغلهم خدامة فلبينية
<<< إش جاب سيرة الفلبينية 
أغير لدا وأسأل دا <<< شغلاااااااااااانة
هو انا جاية أعلمهم أ ب ت والشلة ولا جاية عندك**** ولا ما عندك****
بس الحمدلله الفرج جاني من ربي العدد عندي زاد قامت المديرة الله يسعدها استنجدت بمعلمة جديدة زات خبرة
وخيروني بين الفصل الكبير ولا الصغير فأخترت الصغير <<< علشان الأطفال يكونو قليل
وراحو الدفعة الحلوة تبعت أسألي وغيري للأبلة الجديدة وأنا جتني دفعة جديدة حلوة
إش رأيكم من البداية موقف يفتح النفس
دحين خلصت من المقدمة أدخلكم في الموضوع الأساسي وهو مواقف الأطغال الحلوة اللي
صادفتني أثناء تدريسي لهم
والله تدريس الأطفال مرة حلوة ويكفي إنك تتعامل مع ناس فطرتهم سليمة ما يعرفو لا حقد ولا كره
ترا تدريس الأطفال غير كثير من شخصيتي وأعترف بدا الشئ
علمني كيف أكون صبورة وبالي طويل وكيف أستحمل علشان أوصل لهدفي
نجي للمواقف
~*~*~*~*~*~*~*~*~*~*~*~*~*~*~*~*~*~*~*~*~*~
في الأسبوع الأول من نصو كدا نبدأ نخرج الأمهات من الفصل علشان نقدر نحاول نكسب الأطفال
ونخليهم يآخدو على الفصل وعلى المكان الجديد اللي هم في
المهم وكان عندي ولد فلنفرض اسمو بندر خلاص
أنا مقفلة الباب وجالسة جوى الفصل وعندي مناحة
وكان بندر دا ما ألحق أسكتو إلا الباب يدق وأفتح وتطلع أمو تقولي كيفو بندر سكت ولا لأ
ويرجع الولد يفتكر ويبكي تاني ونرجع نسكتو وجلست الأم كدا إمكن تلات مرات
أسكت الولد وأمو تدق تبكيلي ياه وتشرد
أنا غليت قولت لا جت تاني راح أكلمها من برا برا وأقولها ساكت بس لعد تدقي تاني علشان لا يبكي
ودق الباب وأفك بشويش وتطلع واحدة تانية رحت أستحيت ودخلتها الفصل قولت شكلها أم طفل تاني
قالتلي أنا خالة بندر كيفه سكت ولا لسه
والولد فتح مناحة تانية
لا تعليق
~*~*~*~*~*~*~*~*~*~*~*~*~*~*~*~*~*~*~*~*~*~
وكان عندي ولد جلس إمكن شهرين وهو لاصق فيا ويبكي
وما يرضى يكلم أي أبلة موش حاسس بالأمان اللي عندي
الكل نهاية الدوام ماشي بحريتو<<< يعني الحرية ما تمشي إلا مع الحصان كيفي حرة
إلا أنا ماشية ودا وماسك في التنورة
لمن الحمدلله أنفكت العقدة على بداية الترم التاني