وعليكم السلام ورحمة الله وبركاته...

أختي الحبيبه اولا إنتي غلطانه بكلامك هذا لزوجك!!

ثانيا شيلي موضوع الكرامة من راسك وروحي راضيه لحد ما يرضى وتذكري أن الملائكة تلعن المرأة التي ينام زوجها وهو غضبان عليها..

ام مسالة إنه اغلق التليفون في وجهك لإن كلامك معليش يرفع الضغط وهو كان معصب منك فما يلام على فعله ..


استعيذي من الشيطان وروحي راضيه وتأسفي منه ...

وسامحيني إذا كنت قاسيه شوي عليك


أختك/هويداء

هلااااااا اختى

ماشاء الله زوجك طيب وولد حلااال ومايستاهل الكلام اللى قلتيه

الحل ببساطة هو ان تعتذرى منه وتبنى له انها مزحة وانك تعرفى قدرة وقدر اهلة ..........ممكن مايكون اعتذااااار مباشر يعنى لو دخل قولى له هلاااااااا والله اسفرت وانورت تو مانور البيت بدخول ابو فلاااان ........بس ياخسارة ابو فلان زعلان علينا ومعصب يالله لنا الله.........ياساتر ماحد يمزح معاك ........
ومن هالكلام اللى يطيب خاطرة وطبعا هالله هالله بنفسك وفى بيتك وغداك ..........وان شاء الله يكون لك درس لان الرجاااااااال مايزعل بسهولة لكن ان زعل الله يعيين

غاليتي الأخوات ما قصروا..
ما دام زوجك ما عليه حبيب..
يستاهل تراضينه..

بس حبيت أضيف على السريع..
وتذكرت هالموضوع للأخت أم فايز
حفظته عندي من حلاته..

الحلو زعلان كيف تراضينه

حركات قمه صدقيني ما فيها شيء لو تراضينه لا كرامتك تنهز بالعكس..
أتذكري أجرها وأحتسبيها عند الله..
وخيركم الباديء بالسلام..

أتمنى تطمنينا عنك..

تحياتي..

أختي وحبيبتي كندوشة ...الله ياربي ماتنامين الليلة الا وأنتم متراضين .....من رايي تكتبين له رساله مليئة بعبارات محزنه وأنه المفروض يسامحك لأنه الرجل وأنت امرأة ودايماً ضعيفة ...وهو الأكبر والأعقل ,,بدونه أنت ولا حاجة ...وأن النساء ماأكرمهن الا كريم ,,,وهو رأس الكرم ..وذكريه بحديث الرسول صلى الله عليه وسلم (رفقا بالقوارير ) وأنك ماتتحملين الجفاء هذا كله ’’’’’’’’’’’ومن هالكلام وحطيها عند وسادته .

أختي ملاك 2004

أنا في بالي الحفلة بس احس ان وقتها بعد الصلح بيكون احلى لانه ممكن يخليني ويترك الغرفة أنا وشموعي وأندم على المبادرة .. بعد ما قفل التليفون في وجهي ما استبعد يرفض الحفله .. بس اتمنى يطل في وجهي بالأول وبعدين بسوي له ليلة أجمل من الف ليلة وليلة.. وشكراً لك حبيبتي .

اختي وندش مشكورة حبيبتي على الفزعة مثل ما قلتي كلامك صح العمر فيه كم يوم عشان نضيعه بالزعل بس والله مو بيدي هو اللي زعلان ومزعلني معاه وما راضي بالصلح بس فكرتك عجبتني بحاول اسويها مو اليوم باكر لان اليوم زوجي بيتغدى مع أصحابه ...

أنا أفكر في شيئ ثاني بعد وهو أني أسترجع طيبة قلبه وأسوي روحي مريضة وتعبانة وعلى وشك الموت لان هو ما يطيق يشوفني مريضة ... وإلا شرايكم اخاف تصير الحركة مكشوفة .

والله اللي حاز بنفسي ان كلامي ما يستحق هالعقاب
الظاهر ان الريال لصار طيب ما في أطيب منه ولصار شرير الله يكفينا شره.