اعتذري واعتذري واعتذري لانه بحسب كلامك مايستحق منك هذا الجرح ولازم تعرفي انها مافيه كرامه بين الزوجين
وكل ماطال الوقت كبرت الفجوة بينكم وعمل الشيطان عمايله
اللة يهديك بس:24:

الله يصلحلك حالك مع زوجك
وانتبهي لكلامك مره ثانيه
لان الرجل يكره المنه و الغرور
:26: :26: :26:

السلام عليكم ...........
اختي ..كندوشه احب اقولك انك غلطانه يوم توصلين الزعل بينك وبين زوجك لغاية الاسبوع
كيف اسمحت لك نفسك تغمضين عينك وزجك زعلان وبعدين بين الزوجين ما في كرامه وعزة نفس إذا كنت الغلطانه عليه وحتى لو يغلط هو عليك وين راح الحب اللي بينكم والتضحيه ارجو منك انك ما تزعلين من كلا مي يا الغاليه والواجب عليك انك تحطينه بعيونك خصوصا انه مدللك ومدلع زي ما تقولين اتمنى انك تتقيلين كلامي بصدر رحب والله يصلح ما بينكم....آمييين
اختك المحبه,,,راويه:26: :26:

صباح الخير

خواتي العزيزات ... زكية ... أم عمر القمر ... راوية وكل البنات اللي شاركوني في حل المشكلة

أحب اقول للجميع واخيراً ... تصالحنا ... تصالحنا .... تصالحنا ...

بس اكيد كلكم تبون تعرفون شلون تم الصلح ... سمعوا الخطة اللي نزلت علي فجأة من السما ونفذتها من غير تردد وهي :
اول شيئ انا كنت خايفة اتصل عليه بالموبايل ويسكر الخط مرة ثانية وكنت اخاف ادز له مسجات ويتجاهلها فشسويت عشان ما احرج روحي ولا اعطيه مجال يرفض إعتذاري رفعت سماعة التليفون وطلبت زوجي في المكتب وهو يشتغل في أحد البنوك وكلمته بصوت انثوي ناعم لا يمكن لأي رجال يقاومه وقلت له مرحبا بوفلان ..كيف حالك .. انا زبونه عندكم بالبنك ومن مدة ضاعت بطاقة الصراف الآلي وماني لاقيتها ... قال لي وهو شاك بالصوت من انت ؟ قلت انا ام فلان ( اسمي الحقيقي ) هنيه زوجي أبتسم وارتبك وما عرف يرد لأن انا هنيه زوجه وزبونه في نفس الوقت قلت له هاه بتساعدني وإلا شلون؟ ( إستدرج عطفه) رد وهو مبتسم من عيني هاذي قبل هاذي بس انت مضيعتها صج والا تمزحين قلت له لا من صجي ضايع من عندي شيئ غالي ( اقصد زوجي ) ومحد بيساعدني غير قلب حنون وكريم مثل قلبك يابوفلان أهنيه زوجي ضحك وعرف اني ابغي اصالحه وبعدها سكتنا حنا الأثنين والله سمعت انفاسه في التليفون مثل الي يركض في سباق من زود الفرح وقال لي لو تطلبين عيوني يام فلان عطيتك قلت له تسلم لي عيونك يابعد عمري قام زوجي قال لي ما أٌقدر اتكلم معاك الحين لاني مشغول وايد وحواليني ناس لما نرجع البيت يصير خير .... وكانت هاذي بداية الصلح .

ومن الفرحة طرت على المطبخ أجهز الغدا و طبخت له كل نوع وصنف يحبه ولبست احلى ما عندي وطيبت البيت وجلست انتظر ومادري ليش ذك اليوم الوقت مب راضي يمر بسرعة! ... إلا بدخلة زوجي وإستقبلته بإبتسامة حلوه وقبلته على راسه وهللت ورحبت فيه وساعدته في لبس ثيابه وقعدته على السفرة مثل الشيخ ( بس لاحظوا لحد الحين أنا ما اعتذرت) وبعد الغدا عطيته كاس عصير بارد وجلست جنبه وقلت له هاه يابوفلان ... عسى ماشر ليه زعلان مني ( البنت مظلومة ما سوت شيئ).قال لي ان الكلام اللي قلته اساء له ولكرامة اهله وخصوصاً ان اهله كلهم يحبوني ويعزوني وما كان المفروض اني اتكلم بهالطريقة عنهم ولو من باب المزح والدلع ...
وثاني شيئ ان هذا الصلح كان ينتظره من زمان والمفروض ما يطول عشان يبغى يعرف معزتي عنده وانه طول هالفتره كان ينتظر مني المبادرة خصوصاً ان وقت اللي انا ازعل منه هو كان يراضيني على طول وما يخليني كل هالمدة وكان يبغاني اتصل مره واثنين وثلاثة او اكتب له رساله او مسج بالتيلفون ..... ( والله طلع كلامكم صح يابنات حواء) الريال يفرح بالصلح ويبغى يعرف مدى حب زوجته له ومعزته في قلبها .... بس مشالله يابنات الخطة مشت عدل وانا ضبطت الدور زين حتى ان زوجي كان يبغي يدور البطاقة الضايعة معاي لما رجع البيت وانا قلت له لا حبيبي لقيتها في شنطتي وانا كنت مفتكره انها بالكبت بين الأغراض .... ( من كثر ما اندمجت بالدور) .
والعشا هو اللي عزمني عليه وخلاني اختار المكان اللي أبغيه عشان نغير جو وننسى فترات الزعل ...تووتة توتة ... خلصت الحدوته .

بس انا تعلمت من هالتجربة دروس كثيرة واتمنى كل من قرا مشكلتي يتعلم منها .... لا تخلون الزعل يطول بينكم ... والله زوجي طلعوا له اصحاب وبرامج ترفيهية وقت الزعل مع انه بالأول ما يهتم لهالأمور بس من باب العند ....
وخلوا الصلح يكون بطريقة غير مباشرة ولما يستجيب للصلح اعتذري بشكل مباشر عشان تتجنبون الردود القاسية اللي تصير وقت الزعل ... والحين يابنات اودعكم عشان اجهز شناط السفر لان انا وزوجي أتفقنا نسافر الخميس والجمعة عشان نبدأ صفحة جديدة .

وشكراً لجميع ما ساعدني في حل مشكلتي بدون إستثناء ....

كلوووووووووووووووووووووش..



مبروووووووووووك الصلح...
والحمدلله .. جاءت سليمة..
عاقله يا كندوشه..
سمعتي الكلام..
الله يهنيكي أنتي وياه ... وإن شاء الله تنبسطوا في سفرتكم..
بس الله الله في الرجال.. حطيه في عيونك..
ساعات أحب الزعل........:23:
لأن بعده الصلح...


وأهم شيء..




ما تنسينا في الحلاوة ...