السلام عليكم ورحمة الله وبركاته
حبيت أشارككم في هذا الركن وأرفه عن نفسي شوي بعد الملل والكآبه الموجودة في المجلس العام وقضايا الأمة الاسلامية
(روحوا وشوفوا العناوين اللي تجيب الاكتئاب:(: ....مع الاعتذار)
*********************
هذا الموقف مر علي من سنوات لكن الى الآن لا زلت أتذكره
كنا في زيارة لأخوالي في مدينة الطائف وطبعاً كعادتنا في الخليج ....كانت هناك وليمة
وطبعاً ارتزيت في المجلس بكامل أناقتي وشياكتي و.......
.والأهم خجلي :55:(اييه كان زمااان)
وكان الجو العام للعزيمة وناسة وراحة وسعة صدر ...........ماكدرتها علي إلا القهوجية أم مساعد الله يذكرها بالخير
كانت تطوف على الجالسات بالقهوة وأنا عاد ماحبيت القهوة (الله يكرم النعمة) وكل ما خلصت الفنجال قامت وصبتلي واحد ثاني
وأنا ساعتها كنت مستحية ( لو تصبلي سم شربته مااقدر أقول لا )
المهم ان الحرمة زودتها الله يصلحها
أقولها خلاص ....وهي تصب ...وأرجع أستحي وأشربه ( كني اتجرع سم الله يديم النعمة مااحب القهوة:11:)
وخلاااص وهي تصب ...........خلااص ...وهي شغالة ولاااااااعلى بالها
وهكذا ليييييييييييين طفح الكيل .....وأقوم وأخلي المجلس و|أروح عند بنت خالي في المطبخ
وهناك بردت حرتي شوي بالشغالات بكم شخطة ولخطة
ورجعت للمجلس ..........و :o
ياالهيييييييييييييييي .....فنجالي قاعد يحتريني ( الله يصلحك ياام مساعد ورى مالميتي الفناجيل)
ومشيت وكبيته برجلي ( يعننني ما شفته :29:)
أم مساعد أذكى مني ....يا حليلها ....قامت وصبتلي واحد ثاني :06:
ساعتها انقهرت ....حسيت انها حاطتني في راسها ومتقصدتني :30:
وبعد شوي جت بنت خالي وجلست جنبي ....وقمت اشكيلها لعانة أم مساعد :44:
قالت بنت خالي :
أمهار الله يهديك ......نسيتي أن أم مساعد سمعها ثقيل ....والله من القطيعة :o
والحين يا جماعة قولوالي كيييييف أتفاهم معها ( وأنا طبعاً كنت استحي مااقدر ارفع صوتي)
وأخيراً جاء وقت العشاء وطلعنا وتعشينا ونسيناالموضوع
لكن لما رجعنا للمجلس ....أم مساعد ( ياحبيلها) مانست شغلها
قامت تدور علينا بالقهوة .....والمرة هذا بصراحة كان لون القهوة أخضر يسد النفس :11:(الله يديم النعمة)
وأخيييييييييييييييييييييييييييييراً عرفت كيف أنفك منها
حاجة كانت راااااااااااااااااااايحة عن بااااااااااالي
كنت ناسيتها مررررررررررررررررررة
وما توقعت انها المفتاح السحري لمعاناتي
شفت وحدة من من الجالسات تهز الفنجال بيدها وهي طبعا اشارة للقهوجيه (أن كفى يا حرمة ماعاد نبي قهوة .....حلو الكلام)
أنا ما صدقت حسيت ساعتها أنه احد رش علي مويه باردة وصحاني من النوم
قمت أهزلها الفنجال هز هز هز هز ......ليييييين بغى ينكسر في يدي
اللي يشوفني يقول ايش فيها هذي ترتجف بردانه ولا فيها رعشة ......
ولا بعد راكبها ..........جني:30
ياللا ياأخوات نبغى نحكي لبعض عن مواقفنا في العزايم
ودمتم في رعاية الله

أمهار @amhar_1
عضوة نشيطة
يلزم عليك تسجيل الدخول أولًا لكتابة تعليق.

هههههههههههههههههه
هههههههههه
ههههههههههه
يا حليلك بالك طويل :23:
ما شاء الله هولسا باقي مكان للعشاء بعد هالقهاوي:42:
صباح الخيــــــر :41:
تسلمين ياعسل على هالموقف التحفه <<<<< سلمي على ام مساعد ودليني عليها تراني امووووووت بالقهوه
هههههههههه
ههههههههههه
يا حليلك بالك طويل :23:
ما شاء الله هولسا باقي مكان للعشاء بعد هالقهاوي:42:
صباح الخيــــــر :41:
تسلمين ياعسل على هالموقف التحفه <<<<< سلمي على ام مساعد ودليني عليها تراني امووووووت بالقهوه

shiokh
•
كخخخخخخخخخخخخ والله موقفك حلووو ياأمهار
بس الله يعينك على ام مسااااعد هرتك بالقهوووه<<ترى تموووت بالقهوه خاصة مع الحلى هههههههههههه
بس عرفتي تخلصين منها بهز الفنجاااال
يسلمووووووو عيووووني على الموقف العسسسسسل
بس الله يعينك على ام مسااااعد هرتك بالقهوووه<<ترى تموووت بالقهوه خاصة مع الحلى هههههههههههه
بس عرفتي تخلصين منها بهز الفنجاااال
يسلمووووووو عيووووني على الموقف العسسسسسل
الصفحة الأخيرة
اقول امهار عساها بس مارتاعت عليك انه قد يكون حاشك ماس كهربائي من كثر الهززززز
الله يسعد قلب ام مساعد <<<< ودها بالسم اللي تشربوه تبطلوه خخخخخخخخخخخخخ
اقول امها ماتحسين ان هذي طريقه جديده لترك ادمان القهوه خخخخخخخخخخخ