مرة كنت انا و زوجي طالعين من عند اختي و نازلين الدرج ، و كان زوجي شايل ولدنا نمور الله يهديه وهو توه ابو اشهر و انا ماسكه بنتنا قطوطه ، و كان الدرج ضيق ما ياخذ الا واحد فعطاني حلالي مفتاح السيارة و قال انزلي قبلي ، و انا نازلة جاء واحد هندي و واحد مصري مدري سوري فارتبكت وين اروح الهندي يوم شافني نزل ، اما الثاني فكمل على جنب كان يقابل زوجي الا عصب عليه و جلس يتخانق واياه يعني الهندي يوم شاف الحرمة نزل و انت ما تحس و الرجل مسكين رايح فيها ويقول انا اعتبرها زي اختي ، ويعصب زوجي اكثر انت من وين تعرفها علشان تقول زي اختي و جلس يتهاوش وياه ، و انا والله خفت ، ونزلت و رحت للسيارة انا وبنتي ، وعلى اعصابي لين جاء زوجي بعد ما طلعوا اصحاب الشقق و هدوا الوضع ، والقهر ان زوج اختي ما طلع يشوف وش السالفة ، مع ان اختي تقول انا نسمع الهواش وبس نقول وش صاير؟ ( يابردهم ) ، و بعده بـ 10 دقايق جاء زوجي وانا حاطه يدي على قلبي خفت يتماسك واياه وولدي معه يطيح منه ، بس ربنا ستر بس حلالي جلس معصب طول الطريق يوم قلت: ترى المسالة ماتستاهل ؟ عصب علي و قال اسكتي انت بعد لا اكمل عليك.... انا عاد ولعت عيوني و خفت وسكت ، بس مديت البوز لين جاء و رضاني بعد ماهدا.

وسلامتكم،،،،،

مواقف اضحك من الخاطر ونستونا :27:

تسلمين على الموضوع الي امتعنا صج تسلمين حبوبه:27:

اختي عيون سعد والله وانا اقرا ردج حسيت كأنج اتكلمين عن زوجي لانه نفس طبايع زوجج غيوووووووووووووووور مرررررررررررررررررررره اذا احد مر عدالي او شافني يولعععععععععععععع وده يذبحه ههههههههههههههههههه
حتى اذا جينا من برا ونزلت من السياره وشاف واحد طالع من العماره يقولي اصبري لا تطلعين لين يروح الرجال واذا مشيت معاه بالسوق ومروا عدالنا شباب يقولي تعالي الصوب الثاني علشان اذا مروا يمرون من عداله اهو مو عدالي لا ويناظرهم بنظرات اتخليهم يستحون وينزلون راسهم هههههههههههههههههههههههههههههه
شكلي طلعت من الموضوع :23: <<<<<<< قاعده تذكر بموقف

بقوللكم موقف صارلي مع زوجي يموت من الظحك مره وحنا نايمين بالليل تقريبا على الساعه ثلاث عاد اذكر كنا تعبانييييين مره اللي يقول من سنه ما نمنا ههههههههههه المهم ماوعيت الا راسي طرررررررررراخ على السرير زوجي سحب المخده من تحت راسي على باله مخدته لان مخدته طاحت عنه تحت بدون لا يحس من كثر ما كان تعبان وعلى باله ان مخدتي اهي مخدته عاد قمت بدون شعور لاني انا بعد كنت وايد تعبانه وسحبتها انا اسحب وهو يسحب مصر انها مخدته ههههههههههههههههه تخيلوا الموقف اهو يسحب وانا اسحب اخر شي انقهرت وقلت له آآآآآآآآآآآآآآآآآآآآآآي جان يقوم يلتفت يمين ويسارويطالعني وفهم الموقف وراح يدور مخدته هههههههههههههههههههههههههههههههههههههههههه والله اكتب وانا ميته من الظحك

وفي موقف ثاني بعد اذكر اول ماتزوجنا على طول سافرنا يعني كانت ليلة الدخله بعيده عن اهلي <<< تكسر الخاطر
عاد انا خجوووووووووووووله مره المهم وانا بالطياره سبحان الله نسيت ان في شي ينتظرني لما اوصل طبعا فاهمين قصدي وكنت مستانسه بالسفره بس اول ما وصلت الفندق تذكرت ان هاذي اول ليله انام فيها مع زوجي :32: عاد ماقدر اكمل الباقي هههههههههههه المهم عدت الليله على خير وبعد كم يوم قلت حق زوجي ليش انتوا الريايل قليلين الادب ما تستحون يحليلي بريئه جان يرد علي ويقولي شلون نستحي والله حلل لنا ها الشي وبعدين الريال مايستحي من زوجته ويقولي انه طول الوقت وحنا بالطياره قاعد يفكر ويقول ياربي متى نوصل علشان آخذ راحتي مع زوجتي :32: ما قلت لكم اكسر الخاطر قلت له انت مستعجل تبي توصل وانا المسكينه على نياتي ناسيه السالفه بس مستانسه بالسفره :eek:

الماسه :21:
من جدك ...أتخيل زوجك كذا:22:

أيه هذي هي سوالف الماسه اللي اعرفها...
حبيبة قلبي انتي..

عيون سعد
الله يخليكي لزوجك وعيالك..
شاكره لك مشاركتك غاليتي..
:26:


بروجة
ISHQ
تسلموا لي على هالطله..:27:

بالنسبه لموقفي الثاني ما حأذكره الا لما الاقي مواقف محررررررررررجه تشجع...
لكن تذكرت لكم موقف حلو ..

:23:
صديقه لي ساكنه في شقة في بيت اهل زوجها ..
وزوجها طلب منها تناديه اول ما تفضى من شغلها علشان يطلعون مشوار..وقالها تراني بأقلط مع الوالد والوالده ...

المهم هي ما كذبت خبر...
أول ما خلصت ..راحت بيت اهله وسلمت من عند الباب وتأشر له يالله ...
مستعجله الأخت..



وهو يهز راسه طيب ...
تستناه يقوم ...
مافيششش...







المهم تقول ما الاقي الا زوجي يجي من ورايه من باب البيت ويقولها يالله ...
طبعاً انفجعت وما عرفت شسالفه..




:confused:


وبعد ما تجرأت تقوله كيف اناديك من المجلس تجيني من وراي ..
ساعتها زوجها انهبل وقالها انتي دخلتي المجلس ....:30:
قالت له ايه ليشششششش؟؟؟؟؟؟
قالها...
أنا رحت ارد على الباب..
وهذاك اخوي فلان مع الوالد والوالده..


:07:


نسيت اقولكم انها تلبس عدسات ومن غيرها ماتشووووووووف..
وكانت ناويه تلبس النظاره اللي في شنطتها في المشوار..:cool:

بس المسكينه...
حزنت على روحها و زوجها رحمها ..
وقالها الحمدلله ترى هو مثل حالتك ما يشوف الا بالزور..:32: