يحبيلك يا لقيت روحي ( الا وين لقيتيها هي كانت ضايعه ) ، فعلا حلالى نفس زوجك بالضبط لنكون ماخذين اخوان وانا ماندري ( اول حرف من اسمك وش ، ليكون م او أ او ف أو أ هذا اسم ثاني او ن ) حروف حريم اخوان حلالي خخخخخخخخخخخخخخ ، والله دخلتي قلبي ، وسبحان الله طلع ازواجنا لهم نفس الميول و الطباع ـ اقول خلاص لا تلزقين في البنت غصب ـ طيب انشاء الله.

شوفوا حبايبتي ـ ايوه ياماما ـ باقولكم موقف ثاني وشو والله نسيت .... لحظة بااتذكره امممممممممم ايوه ذكرته ،،،،، يوم كنت حامل لاول مرة كنت منسدحه على السرير ـ اجل وين يعني ـ بجانب حلالي في اخر الليل ما جاني نوم وهو الله يحفظه لي شخيره يسمعه الجيران و كنت سرحانه و اقلب عيوني في جدران الغرفة الا اشوف شي بني على الجدار و الاضاءة كانت خفيفة فامعنت النظر الا ذاك الظاطور ( البرعصي او الوزاغ لغير الناطقين باللغة المحليه ) ويوم تاكدت انه بلحمه و شحمه غمضت عيوني و سميت على نفسي و على حلالي و ارن بذيك الزعقه ( اي الصرخه ) الا خلخلت جدران العمارة و صحت كل سكانها ، كان يطمر حلالي من النوم مرتع بسم الله عليه وشفيك بتولدين ( مع العلم اني توني في السادس ) قلت الله يخلف علينا وش ولادته ؟ قال وش فيك اجل ( قاعدين نسولف و البراعصي فوق روسنا ) شوف الجدار بسرعه هو ظاطور و الا ايش ، كأن يلتفت بسرعه قال ايه والله ، قلت تقوله صادق قال ايه ، وجلس للحين جنبي ، شوف لك صرفه قال طيب خلي عيونك عليه و انا بدور شي اخبطه به ، قلت نعم بتخلينا لحالي لا والله رجلي على رجلك ولو انه بيتحرك كأن من زعقتي ، وطلعت معه و راح دور شي علشان يخبطه به ، و يجيب عصا المكنسة كان اروح لمجلس الرجال واسكر علي و ارقى فوق طاولة الكنب ، و اسمع لكم الله لا يوريكم ذلك التخبيط و انا بس اسمي على حلالي و عين على فتحة الباب ، الا هدا كل شي و جاء بعلي يدورني لا ومقفله الباب كان يدق علي و اقول مين ؟ قال بيكون مين يعني ، افتحي يالخوافه؟ قلت طيب ، وافتح و اشوف الا الظاطور في خبر كان ،،، بس والله ما قدرت انام ذاك الليلة من الخوف لا و كملها زوجي العزيز يوم قال انه مايصير فيه واحد بس لازم معه حرمته ،،، و نام وخلاني حسبي الله على العدو،،،،
معليش حومت كبدكم بس هذا الموقف مانساه ،،، و ياكثر مواقفي مع الحشرات ، بس يالله لما اتذكر موقف ثاني بقولكم ،،،،
وسلامتكم،،،،

عفوا خطأ مطبعي قصدي على جنان مهوب لقيت روحي ،،، الله ياخذ عدوك يا لقيت روحي لخبطتيني لاني قاعده افكر فيك،، بس والله حتى انتي ياجنان احبك ،،، ـ حمدلله انهبلت الحرمه طايحه تلزق في البنات ـ يالله استحملوني ،،،، وسلامتكم

انا يوم زواجي كنت ابي اسلم على عمتي حرمة كبيرة ويالله تتحرك ... رحت لين عندها وطمنت عليها عشان ابوس راسها .. الا صوت زززز..... السحاب انفتح ... بالأصح انشق يعني ما يتسكر... ورحمة انه صديقتي كانت وراي على طول لمت الشرعة ومسكتها وراي كأنها يقالك بس حاطة يدها على ظهري واحنا نمشي... واشوا اني كنت باطلع من القاعة اصلا...مرررررررررة كان احراج <<<<<<<<< كل الناس دروا اني سامنة عقب اخر بروفة :P
الموقف الثاني بعد زواجنا بشهرين تقريبا ... ما بعد عرفت طبع زوجي في النوم ( انه ما يستوعب نفسه وهو نايم ) قمت من النوع في الليل وانا عطشانة مرة ... الا مديت يدي من فوق زوجي عشان آخذ كاس الموية اللي على كمدينته ... هو كل يوم لازم يحط كاس <<<< حريص على رويحته ..
المهم ما دريت الا اسم الله مسك يدي بقوة وقال " وش تبين ؟؟" وهو كنه معصب ... قلت ولا شي بس عطشانة ... قال ليش ما تجيبين موية من برا ؟؟ ..... قلت مشوار وانا تعبانة وما ابي اطلع .... قال افففففف وفك يدي ورجع نام ... انا اخذت الموية وشربت .. بس اعوذ بالله كنها موية نار في حلقي.... عقبها يالله رجعت نمت ,,,, <<<< وقعدت معبة الى الصبح ....
يوم صحى من النوم قلت له الحين ليش كذا علي؟؟؟ كل هذا عشان كاس موية ؟؟؟؟
قال وش تقولين انت؟؟ عن ايش تتكلمين ؟؟؟
واتاري الأخ ما يذكر ولا كان مستوعب اصلا وقعد يضحك على نفسه

هههههههههههههههههههههههه كل موقف احلى من الثاني
يله كملووووا وسعتووووووووووا صدرررررري الله يوسع صدووووركم
انا مابعد صارت لي مواقف اذا صارت لي علمتكم ان شالله
<<<انسه:27:

تسلمين حبيبتيىىىىىىىىىىىىىىىىىىىىىىىىىىىى عيون سعد
وانا بعد والله حبيتج ومني لج احلــــــ:26: ــــــــى :27: