هلو بنااات اجيت دا اكمل :22:

طبعا كل البنات الي كاتبين الهوية الشخصية سجلتهم يمي بدفتر
ولاحظت الاكثرية علوم حياة وتحليلات و طب و صيدلة ماشاء الله شاطرات و اكو تجارة و اقتصاد و نص هندسة هههه مو عيني حمامة السلام اي والله اني ليش لعد ما كملت لان اخاف ادرس و اتعب نفسي و اني ما راح الحك اتخرج علمود السفر وكلة التعب يروح فكلت هسة اطور اللغة مالتي و هناك على كيفي حتى لا اتخربط
ومن ناحية الجهال
هم اموووووووت عليهم والحبايب يكولون شيلي من بالج انو نجيب جهال اذا ما تكملين دراسة و نظبط الامور حتى احنة وهم يرتاحون ما اريد ينقصهم شي
بس ما متخيلة فد يوم شكد عدي جهال و شنو اسميهم بس احلم اجيب بنية لان ما عدي خوات والله دائما احلم انو اني جايبة بنية و مرة حلمت حتى بالولادة ههههههههههههه:eek: شلون ما ادري

بنت البصرة هو احلى شي من طبيت للبيت و امي مخترعة :eek: واكلها هسة يصير اشربه حليب نيدو لو موزين عليه هههههههههههههه هاي من جنت بالخامس اعدادي همزين جنت مخطوبة جان منو اخذني :22:
ام فودي والله ست بيت ذكرتيني بصديقتي هم جانت تتمنى يصير عدها بيت ورجال اتداريه هههههههههه
اني ما حاجية مغامراتي وياهم جان طكيتو من الضحك هاي بس تعداد خو سالفة الكتكوت من يموت جنت اجب عليه مي اغركه عبالي يكعد هههههههههههه كلة من ورة توم وجيري اتعلمتها من عدهم

ومرة الخروف جنت دا العب وياة فا انداريت صار وراية جان انتبهت عليه دا يركض علية و ما تشوفيني الا بعيطة واركظ وطبيت للبيت و هم طب ورايه و للغرفة جان يكمز على الجرباية مالتي والميزتواليت وشكو زعابيل اطشرت وكعد على الجرباية وما قبل يكوم ومن ذاك اليوم بس يشوفني يركض واني اركض شافها خوش لعبة
ومرة بزونتي توم لان يشبه توم جانت هوايته التزلج على الكاشي ....شلون؟ جان يجي يمي وينام على ظهره و اني ادفعه برجلي النهاية الطرمة دفعة قوية بحيث يتزحلك طبعا ما ااذيه ويرجعلي ركض حتى اسويلة مرة ثانية والله سوالفهم ما تخلص

صدك اتذكرت بعد شغله جان عندي ببغاء لونه اخظر ومره من الايام رحت على محل مال حيوانات كلشي يبيع فشفت ببغاء لونه رصاصي ابو المحل حاطه بقفص كدام باب المحل ومن اي واحد يفوت يكول اهلا وسهلا 000 اهلا وسهلا اني تخبلتتتتتتتتتت صرت مكابله الببغاء مالتي و كلسع اكله اهلا وسهلا حتى يكول اهلا وسهلا بعدين رجعت لابو المحل يابه هذا ليش ميكول اهلا وسهلا ليش ميحجي
بعدين كلي حطي كدامه مرايه وخلي يشوف نفسه و كليله اهلا وسهلا حتى يكولهه واني عايفه الكتب والقرايه والهوسه ومكابله الببغاء ولازمه المرايه و اعيد واسقل اهلا وسهلا و اهلا وسهلا بعدين رجعت لأبو المحل كلتله على السالفه كلي يمعوده هاي شنو لعد حطي يمي 15 يوم اخلي يكعد يسولف وياج 24 ساعه وديته جان يكلي هاي شنو هذا اخظر كتله اي جان يكلي الاخظر ميحجي :30: بعدين استغنيت عنه ... :22:

و اكو سالفه على السمج همين من جنت بالمتوسطه جان عدنه موضوع عن الاسماك و شلون السمجه تسبح بالمي فبالكتاب كاتبين الزعانف هي الشيء الرئيسي الي تخلي السمجه تسبح بالمي

وطبعا شنو اني مكابله حوض السمج و اقره والتطبيق كدامي :30:
ورما خلصت قرايه كعدت اراجع بحوض السمج شسويت >>>>> كلت زين اذا الزعانف كصيناها شيصير :22:
شسويت جبت مقص و شك شك كصيت الزعانف خطيه طافت بالمي وانكلبت وظلت الى ان لونهه اتذكر جان برتقالي صار اصفر وبعدين توفت :09:

اوي حبيبي اشو حبيتهه لبزونتج :26: ههههههههههه اتخيلتج دتزحلكين البزونه بالطرمه:hahaha: >>>

هههههه ضحكتوني بنات على كلامكم على الحيوانات بس اني كلشي ولا الحيوانات اخاف منها خوف وولدي يضحكون عليه وابوهم:hahaha: يعني مرة رجعت من الجامعة ودااجيب ولدي من البيبي ستر ف طلعت الاماية وبنتها وصدفه جاية صديقتهم هي والبزونة مالتها وذبتها بالكاع ودتتمشى عليه :eek: وعينكم متشوف الا النور اني اركض منا وهي تجي علي اروح منا وهي تجي واستحي اكول الهم اخاف منها هههه والله وايوب يكللها نيوو نييو:22: ديلعبها واصيح بيه اكله اسكت حتى لتجي علينه تاليها كلتلها للبنية عفية ممكن تاخذين البزونة بعييد جان تشيلها تكلي حلوة شوفي بس مسديلها :07: كلتلها لا ماريد بس شيليها اريد اطلع وركضضضضضض برة هههههه زوجي كاعد يتفرج علية بالسيارة وخربان ضحك:hahaha: (طبعا البيبي ستر عربية وصديقة بنتهم همين ). زين مرة سافرت على اختي ورجعت لكيت عنكبوت حبوب موجود بالبيت وتعالوا شوفوا صرااخ اجة كلي زوجي شبيج كلتله عنكبوت يكلي وينه الله اموت عليهم خلي اربي واحتفظ بيه طبعا هو ديضحك عليه واني اصيح اكله عفية بس طلعة برة ربي بس برة وبالكوة طلعة يكلي انتي شلون درستي حقوق وجان صرتي محامية اول مرة اشوف محامي جبان:30:

....................